Mmebusɛm 20:16 - New Revised Asante Twi Bible

¹⁶ Deɛ ɔdi ɔhɔhoɔ agyinamu no, fa ne ntoma, na deɛ ɔdi ɔnanani akagyinamu no, gye no awowa.

Twerɛ Kronkron

¹⁶ Deɛ ɔdi ɔhɔhoɔ agyinamu no, fa ne ntoma, na deɛ ɔdi ɔnanani akagyinamu no, gye no awowa.

Akuapem Twi Nkwa Asɛm

¹⁶ Fa obi a odi ɔhɔho akagyinamu atade; sɛ ɔregyina ɔbea huhufo akyi a, fa si awowa.

Asante Twi Nkwa Asɛm

¹⁶ Fa obi a ɔdi ɔhɔhoɔ akagyinamu atadeɛ; sɛ ɔregyina ɔbaa huhufoɔ akyi a, fa si awowa.

KYERƐW KRONKRON

¹⁶ Nea odi ɔhɔho agyinam no, fa ne ntama, na nea odi ɔnanani akagyinam no, gye no awowa.

Mmebusɛm 20:16 Referencias Cruzadas

Mmebusɛm 11:15

Deɛ ɔdi hɔhoɔ agyinamu no, ɛbɛwie no bɔne, na deɛ ɔtane agyinamudeɛ no aso mu dwo no.

Mmebusɛm 2:16

Na ayi wo afiri ɔbaa sansani nsam, afiri ɔbaa sansani a ɔka adɔkɔdɔkɔsɛm no nsam;

Mmebusɛm 20:15

Sika wɔ hɔ, na nhwene pa pii wɔ hɔ, na kasa a nimdeɛ wɔ mu no te sɛ adwinneɛ a ne boɔ yɛ den.

Mmebusɛm 20:17

Aduane a wɔnam nnaadaa so nya yɛ obi dɛ, nanso akyire yi no, mmoseaa yɛ n’anomu ma.

Mmebusɛm 23:27

Na odwamamfoɔ yɛ amena donkodonko, na ɔbaa sansani yɛ abura hihiaa.

Mmebusɛm 27:13

Deɛ ɔgyina ɔhɔhoɔ akyire no, fa ne ntoma, na deɛ ɔdi ɔbaa sansani agyinamu no, gye no awowa.

Mmebusɛm 5:3

Na ɔbaa sansani ano kyi ɛwoɔ sosɔ, na n’anomu yɛ toro sene ngo;

Mmebusɛm 6:1

Me ba, sɛ wogyina wo yɔnko akyi, sɛ wodi ɔhɔhoɔ agyinamu,

Mmebusɛm 7:10

Na hwɛ, ɔbaa bi hyiaa no, ɔfira adwamamfoɔ ntoma, n’akoma asene.

Mmebusɛm 7:5

na ahwɛ wo so afiri ɔbaa sansani ho, afiri ɔbaa sansani a ɔka adɔkɔdɔkɔsɛm ho.