Mmebusɛm 2:6 - New Revised Asante Twi Bible

⁶ Na AWURADE na ɔma nyansa, n’anomu na nimdeɛ ne nteaseɛ firi ba.

Twerɛ Kronkron

⁶ Na AWURADE na ɔma nyansa, n’anomu na nimdeɛ ne nteaseɛ firi ba.

Akuapem Twi Nkwa Asɛm

⁶ Awurade ma nimdeɛ, na nʼanom na nyansa ne ntease fi ba.

Asante Twi Nkwa Asɛm

⁶ Awurade ma nimdeɛ, na nʼanom na nyansa ne nteaseɛ firi ba.

KYERƐW KRONKRON

⁶ Na AWURADE na ɔma nyansa, n’anom na nimdeɛ ne ntease fi ba.

Mmebusɛm 2:6 Referencias Cruzadas

1 Ahene 10:24

Na asase nyinaa hwehwɛɛ Salomo anim ahunu, sɛ wɔbɛtie ne nyansa a Onyankopɔn de ahyɛ ne tiri mu no.

1 Ahene 3:12

hwɛ, mayɛ sɛdeɛ w’asɛm no seɛ. Hwɛ, mama wo nyansa ne nhunumu adwene a obiara a ɔdii w’anim nte sɛ woɔ, na w’akyiri nso, obiara rensɔre a ɔsɛ woɔ.

1 Ahene 3:9

Enti ma w’akoa nteaseɛ adwene na memfa memmu wo man atɛn, na menhunu papa ne bɔne mu, na hwan na ɔbɛtumi abu wo man kɛseɛ yi atɛn?

1 Ahene 4:29

Na Onyankopɔn maa Salomo nyansa ne nhunumu bebree pa ne adwene a emu trɛ sɛ mpoano anwea.

1 Berɛsosɛm 22:12

Na AWURADE mma wo nimdeɛ ne nhunumu, na ɔnhyɛ wo Israel ho mmara, na hwɛ AWURADE wo Nyankopɔn mmara di so.

Esra 7:25

Na wo, Esra, sɛdeɛ wo Nyankopɔn nyansa a ɛwɔ wo tirim no teɛ no, hyehyɛ atemmufoɔ ne asɛnnifoɔ, na wɔnni ɔman a wɔwɔ asuogya no nyinaa nsɛm, wɔn a wɔnim wo Nyankopɔn mmara no nyinaa. Na wɔn a wɔnnim nso, momma wɔnhunu.

Nehemia 7:5

Na me Nyankopɔn de hyɛɛ me tirim mu sɛ memmoa mmapɔmma ne mpanimfoɔ ne ɔman no ano na wɔnkan wɔn, wɔn mmusua so. Na mehunuu wɔn a wɔforo baa kane no ho mmusua nkaneeɛ nwoma, na mehunuu sɛ wɔatwerɛ mu sɛ:

Hiob 12:13

Ɔno nkyɛn na nyansa ne mmaninneɛ wɔ, ɔno na afotuo ne nhunumu wɔ no.

Hiob 12:16

Ɔno nkyɛn na ahoɔden ne nyansa wɔ, deɛ wɔdaadaa no ne ɔdaadaafoɔ nyinaa yɛ ne dea.

Hiob 22:22

Gye n’anomu mmara, na fa ne nsɛm sie w’akomam.

Hiob 32:8

Ampa, honhom a ɛwɔ ɔdasani mu ne Otumfoɔ ahome na ɛma no nhunumu.

Nnwom 119:104

Wo nsiesieeɛ mu na menya nhunumu, enti mekyiri nkontompo kwan nyinaa.

Nnwom 119:34

Ma menhunu mu, na madi wo mmara so, na mede m’akoma nyinaa bɛdi so.

Nnwom 119:98

Wo mmara nsɛm ayɛ me onyansafoɔ asene m’atamfoɔ, na ɛwɔ me daa.

Nnwom 19:7

AWURADE mmara yɛ pɛ, ɛdwodwo ɔkra. AWURADE adanseɛ atim, ɛma awiɛmfoɔ hunu nyansa.

Nnwom 19:8

AWURADE ahyɛdeɛ tene, ɛma akoma tɔ yam. AWURADE mmarahyɛ ho te, na ɛte ani.

Nnwom 51:6

Hwɛ, wopɛ nokorɛ me sawa mu, na ma menhunu nyansa me mu ahuntaeɛm.

Nnwom 94:10

Deɛ ɔtwe amanaman aso no, ɔrentenetene, deɛ ɔkyerɛ nnipa nimdeɛ no, ɔno ɛ?

2 Mose 31:3

na mede Nyankopɔn honhom mahyɛ no ma, nyansa ne nhunumu ne nimdeɛ ne adwinnie ahodoɔ nyinaa mu,

Mmebusɛm 6:23

Na mmara nsɛm no yɛ kanea, na nkyerɛkyerɛ no yɛ hann, na atenetene nkaanim yɛ nkwa kwan,

Ɔsɛnkafo 2:26

Na onipa a ɔyɛ wɔ Nyankopɔn anim no, ɔma no nyansa ne nimdeɛ ne anigyeɛ, na ɔdebɔneyɛni deɛ, ɔma no ha ne ho tase adeɛ boa ano de ma deɛ ɔyɛ wɔ Nyankopɔn anim: Yei nso yɛ ahuhudeɛ ne dadwene hunu.

Yesaia 54:13

Na wo mma nyinaa bɛyɛ AWURADE asuafoɔ, na wo mma asomdwoeɛ bɛdɔɔso.

Yesaia 8:20

Wɔnni mmara ne adanseɛ no akyi! Sɛ wɔanka no sɛdeɛ asɛm yi teɛ a, ɛnneɛ adeɛ renkye wɔn.

Daniel 1:17

Na mmerantewaa baanan yi, Onyankopɔn maa wɔn nwoma ne nyansa nyinaa mu nimdeɛ ne aniteɛ, na Daniel nyaa anisoadehunu ne daeɛ nyinaa mu nhunumu.

Daniel 2:21

ɔno na ɔsakyera berɛ ne nna; ɔtu ahene, na ɔsi ahene, ɔma anyansafoɔ nyansa, na ɔde nimdeɛ ma wɔn a wɔwɔ nhunumu;

Daniel 2:23

Wo, m’agyanom Nyankopɔn, na meda wo ase, meyi wo ayɛ, sɛ woama me nyansa ne tumi, na afei woayi deɛ yɛsrɛɛ woɔ akyerɛ me, sɛ woama yɛahunu ɔhene daeɛ no.

Luka 21:15

Na me na mɛma mo ano ne nyansa a mo atamfoɔ nyinaa rentumi ntua ano na wɔrennyina anim.

Yohane 6:45

Wɔatwerɛ no adiyifoɔ no mu sɛ: Wɔn nyinaa bɛyɛ nnipa a Onyankopɔn akyerɛkyerɛ wɔn. Obiara a wate afiri Agya no nkyɛn na wasua no na ɔba me nkyɛn.

Yakobo 1:17

Akyɛdeɛ pa nyinaa ne akyɛdeɛ a ɛyɛ pɛ nyinaa firi soro, ɛfiri hann Agya no nkyɛn na ɛba. Ɔno na nsakyeraeɛ ne adaneadane sunsum nni ne mu.

Yakobo 1:5

Na sɛ ɛka mo mu bi nyansa a, ma no mmisa Onyankopɔn a ɔma nnipa nyinaa adeɛ kwa na ahohora nni mu no, na wɔde bɛma no.