Mmebusɛm 18:23 - New Revised Asante Twi Bible

²³ Kyɛwpa na ohiani de kasa, na ɔdefoɔ bua asɛmdenden.

Twerɛ Kronkron

²³ Kyɛwpa na ohiani de kasa, na ɔdefoɔ bua asɛmdenden.

Akuapem Twi Nkwa Asɛm

²³ Ohiani srɛ ahummɔbɔ, nanso ɔdefo de kasaden bua no.

Asante Twi Nkwa Asɛm

²³ Ohiani srɛ ahummɔborɔ, nanso ɔdefoɔ de kasaden bua no.

KYERƐW KRONKRON

²³ Kyɛwpa na ohiani de kasa, na ɔdefo bua asɛnnennen.

Mmebusɛm 18:23 Referencias Cruzadas

1 Mose 42:30

Ɔbarima a ɔyɛ asase no wura no poopoo n’ani kasa kyerɛɛ yɛn, na ɔbuu yɛn asase no so akwansrafoɔ.

1 Mose 42:7

Na Yosef ani bɔɔ ne nuanom no anim no, ɔhunuu wɔn, nanso ɔyɛɛ ne ho sɛ ɔnanani wɔ wɔn anim, na ɔpoopoo n’ani kasa kyerɛɛ wɔn sɛ: Ɛhe na mofiri baeɛ? Na wɔse: Yɛfiri Kanaan asase so na yɛbaa aduanetɔ.

1 Ahene 12:13

Na ɔhene de asɛmdenden buaa ɔman no, na ɔgyaa mpanimfoɔ no fo a wɔtuu no no,

2 Berɛsosɛm 10:13

Na ɔhene no de asɛm denden buaa wɔn, na Ɔhene Rehoboam gyaa mpanimfoɔ no fo a wɔtuu no no,

Hiob 41:3

Ɔbɛkoto asrɛ wo pii, anaa ɔbɛyɛ n’ano brɛbrɛ akyerɛ wo?

2 Mose 5:2

Na Farao se: Hwan ne AWURADE a mɛtie ne nne na mama Israel akorɔ? Mennim AWURADE no, na Israel nso, meremma wɔnkɔ.

Mmebusɛm 19:7

Ohiani nuanom nyinaa tane no, na nkantom sɛ ne nnamfonom ne ne ntam rentwe, ɔde nsɛm ti wɔn a, ɔnto wɔn.

Mmebusɛm 22:7

Ɔdefoɔ di ahiafoɔ so, na ɔdefɛmni yɛ deɛ ɔde fɛm akoa.

Yesaia 66:2

Na yeinom nyinaa, me nsa na ɛyɛeɛ, saa nti yeinom nyinaa yɛ me dea, AWURADE asɛm nie. Na deɛ mɛhwɛ no nie: Deɛ ɔbrɛ ne ho aseɛ, na ne honhom abubuo, na ne ho popo m’asɛm ano.

Mateo 5:3

Nhyira ne honhom mu ahiafoɔ, na wɔn na ɔsoro ahennie no yɛ wɔn dea.

Yakobo 2:3

na mohwɛ deɛ ɔhyɛ atadeɛ fɛfɛ no, na moka sɛ: Wo deɛ, tena deɛ ɛyɛ ha! na moka kyerɛ ohiani no sɛ: Wo deɛ, gyina nohoa anaasɛ tena me nan ase adwa ho ha! a,

Yakobo 2:6

Na mo deɛ, moabu ohiani no animtia. Ɛnyɛ adefoɔ no na wɔhyɛ mo soɔ, na wɔn ara twe mo kɔ asɛnniiɛ anaa?

Rut Nwoma 2:7

Ɔbɛkaa sɛ: Mesrɛ wo, ma menni ayutwafoɔ no akyi menni mpɛpɛ mentase afiafi no ntam. Na ɔbae, na ɔkura mu ara de firi anɔpa de abɛduru sɛsɛɛ a ɔnhomee kakraa bi mpo.

1 Samuel 2:36

Na deɛ ɔbɛka wo fie no bɛba abɛkoto no agye dwetɛbena ne paanoo mua, na waka sɛ: Mesrɛ wo, fa me hyɛ asɔfoɔ adwuma no baako bi mu, na manya paanoo sini madi.

1 Samuel 25:10

Na Nabal buaa Dawid nkoa no sɛ: Hwan ne Dawid, na hwan ne Yisai ba? Ɛnnɛ nkoa a wɔtete wɔn ho firi wɔn wuranom ho dɔɔso.

1 Samuel 25:17

Na afei hwɛ, na dwene deɛ wobɛyɛ, na wɔakyere yɛn wura ne ne fie nyinaa so sa bɔne, nso ɔyɛ ɔba huhuni a obi ntumi nkasa nkyerɛ no.