Mika 2:4 - New Revised Asante Twi Bible

⁴ Ɛda no wɔbɛbu mo ho bɛ na wɔabe kwadwom sɛ: Ade ayɛ yɛn! Me man kyɛfa no, wasakyera. Wagye afiri me nsam; Atuateni na ɔkyɛ yɛn mfuo mu ma no yi.

Twerɛ Kronkron

⁴ Ɛda no wɔbɛbu mo ho bɛ na wɔabe kwadwom sɛ: Ade ayɛ yɛn! Me man kyɛfa no, wasakyera. Wagye afiri me nsam; Atuateni na ɔkyɛ yɛn mfuo mu ma no yi.

Akuapem Twi Nkwa Asɛm

⁴ Saa da no, nnipa bɛserew mo. Wɔde saa awerɛhow dwom yi bedi mo ho fɛw se: ‘wɔasɛe yɛn koraa; wɔakyekyɛ me nkurɔfo ahode mu. Ogye fi me nsam! Na ɔde yɛn mfuw ma akɔnkɔnsafo.’ ”

Asante Twi Nkwa Asɛm

⁴ Saa ɛda no, nnipa bɛsere mo. Wɔde saa awerɛhoɔ dwom yi bɛdi mo ho fɛ sɛ: ‘wɔasɛe yɛn koraa; wɔakyekyɛ me nkurɔfoɔ ahodeɛ mu. Ɔgye firi me nsa mu! Na ɔde yɛn mfuo ma akɔnkɔnsafoɔ.’ ”

KYERƐW KRONKRON

⁴ Ɛda no wɔbebu mo ho bɛ na wɔatwa kwadwom sɛ: Ade ayɛ yɛn! Me man kyɛfa no, wasakra no; wagye afi me nsam; otuatewfo na ɔkyɛ yɛn mfuw mu ma no.

Mika 2:4 Referencias Cruzadas

2 Samuel 1:17

Na Dawid bee Saulo ne ne ba Yonatan ho kwadwom yi,

2 Berɛsosɛm 35:25

Na Yeremia twaa Yosia ho kwadwom, na nnwontofoɔ mmarima ne mmaa nyinaa bɔɔ Yosia din wɔn Kwadwom mu de bɛsi nnɛ, na wɔde yɛɛ ahyɛdeɛ Israel mu, na hwɛ, wɔatwerɛ no Kwadwom no mu.

Hiob 27:1

Na Hiob kɔɔ so maa n’abebusɛm so sɛ:

Yesaia 14:4

wode ɛbɛ yi bɛbu Babel hene aka sɛ: Ɛyɛɛ dɛn na ɔhafoɔ no agyaeɛ, na ahodwan no to atwa yi?

Yesaia 24:3

Wɔbɛsɛe asase pasapasa, na wɔafom no pasaa afa, ɛfiri sɛ AWURADE na waka asɛm yi.

Yesaia 6:11

Na mese: O AWURADE, ɛnkɔsi da bɛn? Na ɔse: Ɛnkɔsi sɛ nkuro bɛdane akurofo a obi nte mu, na afie atɔ mpan a onipa nni mu, na asase no asɛe ayɛ fo koraa,

Yeremia 14:18

Sɛ mefiri mekɔ wiram a, hwɛ, afena ano atɔfoɔ nie; na sɛ meba kuro mu a, hwɛ, ɛkɔm ano atɔfo nie; na odiyifoɔ ne ɔsɔfoɔ nyinaa kyinkyini asase no so, nso wɔnnim deɛ wɔrekorɔ.

Yeremia 4:13

Hwɛ! Ɔreforo aba sɛ mununkum, na ne nteaseɛnam te sɛ mframa a ɛdi kyinhyia; n’apɔnkɔ ho yɛ hare sene akɔdeɛ. Yɛnnue! Na yɛawie sɛe!

Yeremia 6:12

Na wɔn afie bɛyɛ afoforɔ deɛ, nsase ne yerenom nyinaa, ɛfiri sɛ mɛtene me nsa maka asase no sofoɔ, AWURADE asɛm nie.

Yeremia 8:10

Ɛno nti mede wɔn yerenom bɛma afoforɔ, na mama ahɔhoɔ afa wɔn mfuo atena so, ɛfiri sɛ ɛfiri akumaa so kɔsi ɔkɛseɛ soɔ wɔn nyinaa yɛ adifudepɛfoɔ, ɛfiri odiyifoɔ so kɔsi ɔsɔfoɔ soɔ, wɔn nyinaa yɛ nkontompofoɔ.

Yeremia 9:10

Mmepɔ no nti, metue esu ne benabɔ mu, na ɛserɛ so adidibea no nti, meto esu dwom, ɛfiri sɛ ahye na obiara mfa hɔ, na wɔnte mmoakuo nne bio, ewiem nnomaa ne afieboa nyinaa atutu kɔ.

Yeremia 9:16

Na mɛbɔ wɔn apete amanaman a wɔne wɔn agyanom nhunuu wɔn da mu, na mama afena adi wɔn akyi akɔsi sɛ mɛwie wɔn sɛeɛ.

Hesekiel 16:44

Hwɛ, obiara a ɔbubu mmɛ no bɛbu wo ho bɛ yi sɛ: Sɛdeɛ ɛna teɛ na ne ba teɛ.

Hesekiel 2:10

Na ɔtrɛɛ mu wɔ m’anim, na wɔatwerɛ emu ne akyire, na wɔatwerɛ mu kwadwom, apinisie ne mmusuo.

Yoel 1:13

Asɔfoɔ, momfira ayitoma na mommɔ bena, afɔrebukyia asomfoɔ, montwa adwo, me Nyankopɔn asomfoɔ, mommra mmɛda ayitoma mu anadwo nyinaa! na aduane ayɛyɛdeɛ ne ahwiesa agyae mo Nyankopɔn fie ba.

Yoel 1:8

Twa adwo sɛ ababaa a ɔfira ayitoma ma ne mmabaaberɛ mu kunu.

Amos 5:1

Israel fie, montie asɛm yi a merema so mo ho a ɛyɛ kwadwom:

Amos 5:17

Na adwotwa wɔ bobe nturo nyinaa mu, ɛfiri sɛ mɛsane mafa wo mu, AWURADE na ɔseɛ.

Mika 1:15

Maresafoɔ mede ɔdedifoɔ foforɔ bɛbrɛ mo; Adulam na Israel animuonyamfoɔ bɛduro.

Mika 1:8

Yei nti mɛsu na matwa adwo, mɛnante kwaterekwa ne adagya mu, mɛtue su mu sɛ ɛserɛ so kraman, na madi abooboo sɛ sohori.

Mika 2:10

Monsɔre na monkɔ! Na ɛha nyɛ mo homebea, efiguo a ɛde sɛeɛ a ɛso ba no nti.

Habakuk 2:6

Ɛberɛ bi reba a wɔn nnomumfoɔ bɛsere na wɔadi wɔn ho fɛw sɛ: Ɔnnue, deɛ ɔnam asisie kwan so fa adeɛ a ɛnyɛ ne dea no. W’apoobɔ yi bɛkɔ so ara akɔsi da bɛn?

Sefania 1:2

Pra na mɛpra ade nyinaa afiri asase ani akorɔ, AWURADE asɛm nie.

4 Mose 23:18

Na ɔkasaa mmebuo mu sɛ: Sɔre, Balak, na tie; yɛ aso ma me, Sipor ba.

4 Mose 23:7

Na ɔkasaa sɛ: Aram na Balak kɔfaa me firiiɛ, Moabhene no faa me firii apueeɛ mmepɔ mu sɛ: Bra bɛdome Yakob ma me, na bɛbɔ Israel dua.

4 Mose 24:15

Na ɔkasaa sɛ: Beor ba Bileam asɛm a wanya sɛ ɔreka, ɔbarima a n’ani hunu adeɛ yie no asɛm a wanya,

4 Mose 24:3

na ɔkasae sɛ: Beor ba Bileam asɛm a wanya sɛ ɔreka, ɔbarima a n’ani hunu adeɛ yie no asɛm a wanya,

Marko 12:12

Na wɔhwehwɛɛ sɛ wɔkyere no, nanso na wɔsuro nkurɔfokuo no; na wɔhunuu sɛ ɛbɛ a ɔbuiɛ no, ɔne wɔn. Na wɔgyaa no hɔ sii mu kɔe.

5 Mose 28:29

Na wobɛkeka awia ketee sɛdeɛ onifirani keka sum mu, na w’akwan renwie wo yie, na hyɛ nko na wɔbɛhyɛ wo afom wo afa daa nyinaa, na obiara rennye wo.