Marko 3:24 - New Revised Asante Twi Bible

²⁴ Na sɛ ahennie bi ne ne ho di asie a, ahennie no ntumi nnyina.

Twerɛ Kronkron

²⁴ Na sɛ ahennie bi ne ne ho di asie a, ahennie no ntumi nnyina.

Akuapem Twi Nkwa Asɛm

²⁴ Ahenni biara a ɛne ne ho di asi no begu.

Asante Twi Nkwa Asɛm

²⁴ Ahennie biara a ɛne ne ho di asie no bɛgu.

KYERƐW KRONKRON

²⁴ Na sɛ ahenni bi ne ne ho di asi a, ahenni no ntumi nnyina.

Marko 3:24 Referencias Cruzadas

2 Samuel 20:1

Na ɔbarima huhuni bi wɔ hɔ a ne din de Seba a ɔyɛ Benyaminni Bikri ba. Na ɔhyɛnee totorobɛnto sɛ: Yɛnni kyɛfa biara wɔ Dawid mu, na yɛnni agyapadeɛ Yisai ba no nkyɛn. Israel, monkɔ mo adan mu.

2 Samuel 20:6

Ɛnna Dawid ka kyerɛɛ Abisai sɛ: Afei deɛ, Bikri ba Seba bɛyɛ yɛn bɔne asene Absalom deɛ no mpo: Wo deɛ, fa wo wura mmarima no na ti no, na wannya afasuo nkuro no bi amfa, na wammɛha yɛn.

Hesekiel 37:22

na mayɛ wɔn ɔman koro, asase no so, Israel mmepɔ no so, na ɔhene baako adi wɔn nyinaa so hene, na wɔrenyɛ aman mmienu bio, na wɔrempae wɔn mu bio nyɛ ahennie mmienu bio,

Sakaria 11:14

Na mebuu me dua baako Nkyekyerebomu no mu, sɛ wɔnsɛe Yuda ne Israel ntam onuayɛ no.

Mateo 12:25

Na ɔhunuu wɔn adwene no, ɔsee wɔn sɛ: Ahennie biara a ɛne ne ho di mpaepaemu no dane amamfo; na kuro anaa efie biara a ɛne ne ho di mpaepaemu no rennyina.

Marko 3:23

Na ɔfrɛɛ wɔn baa ne nkyɛn no, ɔkasa kyerɛɛ wɔn mmebuo mu sɛ: Ɛbɛyɛ dɛn na Satan bɛtumi atu Satan?

Marko 3:25

Na sɛ efie bi ne ne ho di asie a, efie no ntumi nnyina.

Yohane 17:21

sɛ wɔn nyinaa nyɛ baako, sɛdeɛ wo, Agya, wowɔ me mu, na mewɔ wo mu; sɛ wɔn nso nyɛ baako wɔ yɛn mu, na wiase nnye nni sɛ wo na wosomaa me.