Marko 11:17 - New Revised Asante Twi Bible

¹⁷ Na ɔkyerɛkyerɛe, see wɔn sɛ: Wɔntwerɛɛ sɛ: Wɔbɛfrɛ me fie asɔrefie ama amanaman nyinaa? Na mo deɛ, mode ayɛ adwotwafoɔ bɔn.

Twerɛ Kronkron

¹⁷ Na ɔkyerɛkyerɛe, see wɔn sɛ: Wɔntwerɛɛ sɛ: Wɔbɛfrɛ me fie asɔrefie ama amanaman nyinaa? Na mo deɛ, mode ayɛ adwotwafoɔ bɔn.

Akuapem Twi Nkwa Asɛm

¹⁷ Ɔka kyerɛɛ wɔn se, “Kyerɛwsɛm no ka se, ‘Mʼasɔrefi yɛ beae a wɔbɔ mpae,’ nanso mo de, mode hɔ ayɛ akorɔmfo atenae.”

Asante Twi Nkwa Asɛm

¹⁷ Ɔka kyerɛɛ wɔn sɛ, “Atwerɛsɛm no ka sɛ, ‘Mʼasɔrefie yɛ beaeɛ a wɔbɔ mpaeɛ,’ nanso mo deɛ, mode hɔ ayɛ akorɔmfoɔ atenaeɛ.”

KYERƐW KRONKRON

¹⁷ Na ɔkyerɛkyerɛe see wɔn sɛ: Wɔnkyerɛwee sɛ wɔbɛfrɛ me fi asɔrefi ama amanaman nyinaa? Na mo de, mode ayɛ adwowtwafo bon.

Marko 11:17 Referencias Cruzadas

Yesaia 56:7

mede wɔn bɛba me bepɔ kronkron no so, na mama wɔn ani agye me mpaebɔ fie, wɔn hyeɛ afɔdeɛ ne wɔn kum afɔdeɛ bɛsɔ m’ani, m’afɔrebukyia so; na me fie no, wɔbɛfrɛ no mpaebɔ fie ama aman nyinaa.

Yesaia 60:7

Wɔbɛboa Kedar nnwankuo nyinaa ano abrɛ wo, Nebaiot adwennini bɛsom wo; wɔde anisɔ bɛforo m’afɔrebukyia, na mɛhyɛ m’animuonyam fie no animuonyam.

Yeremia 7:11

Adwotwafoɔ tu na efie a wɔde me din ato no yi ayɛ mo ani soɔ anaa? Me nso, hwɛ, mahunu, AWURADE asɛm nie.

Hosea 12:7

Kanaan, nsisie nsania wɔ ne nsam, ɔpɛ amimdie.

Marko 11:16

na wamma kwan amma obiara ansoa adeɛ amfa asɔrefie hɔ.

Luka 19:46

see wɔn sɛ: Wɔatwerɛ sɛ: Me fie yɛ mpaebɔ fie; na mo deɛ, mode ayɛ adwotwafoɔ bɔn.

Yohane 2:14

Na ɔkɔhunuu wɔn a wɔtɔn anantwie ne nnwan ne mmorɔnoma ne sikasesafoɔ sɛ wɔtete asɔrefie.

Yohane 2:16

na ɔsee wɔn a wɔtɔn mmorɔnoma no sɛ: Momfa yeinom mfiri ha, monnyɛ m’Agya fie adwadie fie!