Malaki 1:4 - New Revised Asante Twi Bible

⁴ Sɛ Edom ka sɛ: Wɔapɛkyɛ yɛn, nanso yɛbɛsane akɔ akɔsisi agoago no a, sɛ asafo AWURADE seɛ nie: Wɔn deɛ, wɔbɛsisi, na me nso, mɛdwiri, na wɔafrɛ wɔn sɛ: Abɔnefosɛm hyeɛ, ne: Ɔman a AWURADE afa wɔn abufuo de rekɔsi daa.

Twerɛ Kronkron

⁴ Sɛ Edom ka sɛ: Wɔapɛkyɛ yɛn, nanso yɛbɛsane akɔ akɔsisi agoago no a, sɛ asafo AWURADE seɛ nie: Wɔn deɛ, wɔbɛsisi, na me nso, mɛdwiri, na wɔafrɛ wɔn sɛ: Abɔnefosɛm hyeɛ, ne: Ɔman a AWURADE afa wɔn abufuo de rekɔsi daa.

Akuapem Twi Nkwa Asɛm

⁴ Ebia Edom bɛka se, “Ɛwɔ mu sɛ wɔadwerɛw yɛn de, nanso yɛbɛsan asi mmubui no.” Nanso sɛɛ na Asafo Awurade nso se: “Wobesi nanso mebubu no. Wɔbɛfrɛ wɔn Amumɔyɛ Asase, nnipa a Awurade abufuw bɛtena wɔn so daa.

Asante Twi Nkwa Asɛm

⁴ Ebia Edom bɛka sɛ, “Ɛwom sɛ wɔadwera yɛn deɛ, nanso yɛbɛsane asi mmubuiɛ no bio.” Nanso, yei ne deɛ Asafo Awurade nso seɛ: “Wɔbɛsi nanso mɛbubu no. Wɔbɛfrɛ wɔn, Amumuyɛ Asase, nnipa a Awurade abufuo bɛtena wɔn so daa.

KYERƐW KRONKRON

⁴ Sɛ Edom ka se: Wɔapɛtɛw yɛn, nanso yɛbɛsan akɔ akosisi agowagow no a, sɛ asafo Awurade se ni: Wɔn de, wobesisi, na me nso, medwiriw, na wɔafrɛ wɔn sɛ: Abɔnefosɛm hye, ne: Ɔman a Awurade afa wɔn abufuw de akosi daa.

Malaki 1:4 Referencias Cruzadas

Hiob 12:14

Hwɛ, ɔdwiri, na wɔrento, ɔto onipa mu, na wɔremmue.

Hiob 34:29

Na sɛ ɔno na ɔma no dwo a, hwan na ɔbɛbu fɔ? Na ɔde n’ani hunta a, hwan na ɔbɛhu no? Ɔman mu so oo, ɔbaakofoɔ so oo, ɔyɛ no pɛ,

Hiob 9:4

Akoma mu nyansafoɔ ne tumi mu hoɔdenfoɔ no, hwan na wasene ne kɔn wɔ ne soɔ na asi no yie?

Nnwom 127:1

Sɛ AWURADE ansi dan no a, wɔn a wɔsie yɛ ho adwuma kwa. Sɛ AWURADE anwɛn kuro no a, ɔwɛmfoɔ siri ho pɛ kwa.

Nnwom 137:7

O AWURADE, kae Yerusalem da no ma Edom mma, sɛ wɔsee sɛ: Monnwiri, monnwiri! Monnwiri nkɔsi ne fapem so!

Nnwom 33:10

AWURADE ma amanaman agyina dane hunu, ɔma aman adwene yɛ ɔkwa.

Mmebusɛm 21:30

Nyansa ne nhunumu ne afotuo biara nni hɔ a ɛne AWURADE bɛdi asie.

Yesaia 10:4

Ɛnkaa hwee sɛ wɔbɛbrɛ wɔn ho ase afra nneduafoɔ mu anaa wɔne atɔfoɔ atotɔ afra. Yei nyinaa mu no n’abufuo nnyaee, na ne nsa atene ara.

Yesaia 11:14

Na wɔbɛtu akɔsi Filistifoɔ mmatiri so atɔeɛ fam, na wɔbɛbom afom apueeɛ mma afa; Na wɔbɛtene wɔn nsa wɔ Edom ne Moab so, na Amon mma atie wɔn.

Yesaia 34:10

ɛrennum anadwo ne awia, ne wisie bɛpunu akɔsi daa, na ayɛ amamfo, awoɔ ntoatoasoɔ nyinaa mu, na obiara remfa hɔ bio koraa;

Yesaia 34:5

Na m’afena anom amee wɔ soro; hwɛ, ɛsiane ba Edom so, ɛreba me nnome man no so abɛbu atɛn.

Yeremia 31:17

na anidasoɔ wɔ hɔ ma wo daakye, AWURADE asɛm nie, wo mma bɛsane aba wɔn asase so bio.

Yeremia 49:20

Enti montie AWURADE agyina a watu no Edom ho, ne ne tirimbɔ a wabɔ no Temanfoɔ ho no, ampa ara, wɔbɛtwe wɔn sɛ nnwan mu nkumaa akɔ, ampa ara, wɔn ho bɛyɛ wɔn tenabea ahodwiri.

Yeremia 49:7

Edom deɛ nie: Sɛ asafo AWURADE seɛ nie: Nyansa biara nni Teman bio? Afotuo abɔ nhunumufoɔ? Wɔahwie wɔn nyansa agu anaa?

Yeremia 49:8

Monnwane, monnane mo akyi, monkɔtena deɛ emu dɔ hɔ, O Dedanfoɔ! Na mede Esau sɛeɛ bɛba ne so, berɛ a mɛba mabɛtwe n’aso no.

Yeremia 5:17

Na wɔbɛdi wo nnɔbaeɛ ne w’aduane; wɔbɛkum wo mmammarima ne wo mmammaa, na wɔbɛdi wo nnwan ne w’anantwie, wɔbɛdi wo bobe ne w’aborɔdɔma, na wɔde afena abobɔ wo nkuro a ɛyɛ den a wode wo ho too soɔ no.

Kwadwom 3:37

Hwan na ɔka na ɛba mu, berɛ a AWURADE nhyɛeɛ?

Hesekiel 11:10

Nkrantɛ ano na mobɛtotɔ, Israel hyeɛ so na mɛbu mo atɛn, na moahunu sɛ mene AWURADE.

Hesekiel 25:13

sɛ AWURADE Nyankopɔn seɛ nie: Mɛtene me nsa atia Edom, na matwitwa emu nnipa ne afieboa, na mayɛ no afo afiri Teman, na wɔatotɔ nkrantɛ ano akɔduru Dedan.

Hesekiel 25:14

Na mede me man Israel nsa bɛwie m’aweretɔ Edom so, na wɔne Edom adi no m’abufuo ne m’anibereɛ so, na wɔahunu m’aweretɔ, AWURADE Nyankopɔn asɛm nie.

Hesekiel 26:14

Na mɛyɛ wo ɔbotan kwawee, wobɛdane asau hatabea. Wɔrenkyekyere wo bio, na me, AWURADE, na maka, AWURADE Nyankopɔn asɛm nie.

Hesekiel 35:4

Mɛma wo nkuro adeda mpan, na adane afo, na woahunu sɛ mene AWURADE.

Hesekiel 35:9

Mɛyɛ wo daa afoafo, na wo nkuro no, obiara rentena mu, na moahunu sɛ mene AWURADE.

Amos 1:11

Sɛ AWURADE seɛ nie: Edom amumuyɛ ntoatoasoɔ nti merennane n’asotwe no, sɛ ɔde afena tii ne nua, na ne yam anhyehye no, na n’abufuo sɛee adeɛ ara na ɔyɛɛ n’abohuro no so adeɛ daa nti.

Amos 3:15

Na mɛbobɔ awɔberɛ fie ne ahuhuberɛ fie, na asonse fie nso asɛe na afie bebree nso ase ahye koraa, AWURADE asɛm nie.

Amos 5:11

Enti ɛnam sɛ motiatia mmɔborɔni soɔ na mogye ne hɔ ayuo nti, mode aboɔ a wɔatwa atoto aban, nanso morentena mu, moatɛ bobe nturo a ɛyɛ fɛ, nanso morennom mu nsa.

Amos 6:11

Na hwɛ, AWURADE ahyɛ, na wɔbɛbɔ efi kɛseɛ no pasapasa ne efi ketewa no nso dukuduku.

Amos 6:2

Monsene nkɔ Kalne nkɔhwɛ, na momfiri hɔ nkɔ Hamat kɛseɛ, na monsiane nkɔ Filistifoɔ Gat. Wɔyɛ sene ahennie yi, anaasɛ wɔn hyeɛ mu trɛ sene mo hyeɛ anaa?

Obadia 1:1

Obadia anisoadehunu nie. Sei na AWURADE Nyankopɔn ka fa Edom ho: Yɛate AWURADE anomu asɛm sɛ wasoma abɔfoɔ ma wɔakɔ amanaman mu sɛ: Monsɔre, momma yɛnsɔre ntia Edom ne no nkɔko.

Obadia 1:10

Atirimuɔden a wode bɔɔ wo nua Yakob nti na aniwuo bɛkata wo ho, na wɔatwa wo atwene akɔsi daa.

Malaki 1:3

na metanee Esau, na mayɛ ne mmepɔ no afo, ne n’agyapadeɛ nso ayɛ anwea pradada sɛ ɛserɛ so kraman adeɛ.

Mateo 12:30

Deɛ ɔnka me ho no, na ɔtia me; na deɛ ɔne me mmoaboa ano no, na ɔhwete mu.