Hiob 22:3 - New Revised Asante Twi Bible

³ Otumfoɔ nya ho biribi sɛ wotene, anaasɛ ɔnya mfasoɔ sɛ w’akwan di mu?

Twerɛ Kronkron

³ Otumfoɔ nya ho biribi sɛ wotene, anaasɛ ɔnya mfasoɔ sɛ w’akwan di mu?

Akuapem Twi Nkwa Asɛm

³ Sɛ woyɛ ɔtreneeni a, anigye bɛn na Otumfo no benya? Sɛ wʼakwan ho nni asɛm a, mfaso bɛn na obenya?

Asante Twi Nkwa Asɛm

³ Sɛ woyɛ ɔteneneeni a, anigyeɛ bɛn na Otumfoɔ no bɛnya? Sɛ wʼakwan ho nni asɛm a, mfasoɔ bɛn na ɔbɛnya?

KYERƐW KRONKRON

³ So Otumfo nya ho biribi sɛ woteɛ, anaasɛ onya mfaso sɛ w’akwan di mu?

Hiob 22:3 Referencias Cruzadas

1 Berɛsosɛm 29:17

Na menim, me Nyankopɔn, sɛ wo deɛ, wosɔ akoma hwɛ, na teeyɛ na ɛsɔ w’ani. Me deɛ, m’akomam teeyɛ mu na mayi me yam ama yeinom nyinaa, na afei wo man a wɔhu wɔn ɛha yi nso, mede anigyeɛ mahunu sɛ wɔn nso ayi wɔn yam ama wo adeɛ.

Hiob 21:15

Ɛdeɛn ne Otumfoɔ no a yɛnsom no, na sɛ yɛbɔ no mpaeɛ a, mfasoɔ bɛn na yɛbɛnya?

Hiob 22:2

Ɔdasani bi bɛtumi adi mu wɔ Onyankopɔn anim anaa? Hwɛ, onimdefoɔ mpo, ɔdi mu wɔ n’ankasa n’ani so.

Hiob 22:4

Wo suro nti na ɔbɛka w’anim, na ɔde wo akɔ atemmuo mu anaa?

Hiob 34:9

Na ɔka sɛ: Ɛnyɛ mfasoɔ mma onipa sɛ ɔne Onyankopɔn bɔ.

Hiob 35:7

Sɛ wotene a, ɛdeɛn na wode ma no, anaasɛ wo nsam ɛdeɛn na ɔgyeɛ?

Nnwom 119:59

Meda medwene m’akwan ho, na medane me nan mekyerɛ w’adansesɛm.

Nnwom 39:1

Mekaa sɛ: Mɛhwɛ m’akwan yie, na mamfa me tɛkyerɛma manyɛ bɔne. Mede nnareka bɛsɔ m’ano, sɛ ɔbɔnefoɔ wɔ m’anim yi.

Mmebusɛm 11:1

Nsisie nsania yɛ AWURADE akyiwadeɛ, na abrammo a ɛtene no yɛ no anisɔ.

Mmebusɛm 11:20

AWURADE akyiwadeɛ ne akoma kontonkyifoɔ, na wɔn a wɔn kwan yɛ pɛ sɔ n’ani.

Mmebusɛm 12:22

AWURADE akyiwadeɛ ne atorɔ ano, na wɔn a wɔdi nokorɛ sɔ n’ani.

Mmebusɛm 15:8

Abɔnefoɔ afɔdeɛ yɛ AWURADE akyiwadeɛ, na teefoɔ mpaebɔ deɛ ɛyɛ n’anisɔdeɛ.

Mmebusɛm 9:12

Sɛ wohunu nyansa a, wohunu fa, na sɛ wodi fɛw a, wo nko na wobɛsoa.

Malaki 2:17

Mode mo nsɛm hyɛ AWURADE brɛ. Nanso moka sɛ: Ɛdeɛn na yɛde hyɛ no brɛ? Sɛ mobisa sɛ: Obiara a ɔyɛ bɔne no, ɔyɛ wɔ AWURADE anim, na wɔn ho yɛ no anisɔ; anaasɛ: Atemmuo Nyankopɔn no wɔ he?

Asomafo 24:16

Na yei mu na mesɔ me ho mehwɛ, sɛ mɛnya ahonim a ɛnni fɔ Nyankopɔn ne nnipa fam daa.

2 Korintofo 7:1

Afei sɛ yɛwɔ saa bɔhyɛ yi nti, adɔfoɔ, momma yɛnhohoro yɛn ho mfiri honam ne honhom mu fi nyinaa ho, na yɛawie yɛn ahoteɛ Onyankopɔn suro mu.

Filipifo 4:18

Na manya ne nyinaa ama no aboro so. Na ɛfiri sɛ me nsa kaa deɛ mode manee Epafrodito no, mayɛ ma, ɛyɛ ehwa a ɛyɛ dɛ, ɛyɛ afɔrebɔ a wɔgye a ɛsɔ Nyankopɔn ani.