Hesekiel 32:8 - New Revised Asante Twi Bible

⁸ Mɛma ɔsoro nkanea a ɛhyerɛn abiri wo so, na mama esum aduru w’asase so, AWURADE Nyankopɔn asɛm nie.

Twerɛ Kronkron

⁸ Mɛma ɔsoro nkanea a ɛhyerɛn abiri wo so, na mama esum aduru w’asase so, AWURADE Nyankopɔn asɛm nie.

Akuapem Twi Nkwa Asɛm

⁸ Ɔsoro akanea a ɛhyerɛn nyinaa mɛma aduru sum wɔ wo so; mɛma sum aduru wʼasase, Otumfo Awurade asɛm ni.

Asante Twi Nkwa Asɛm

⁸ Ɔsoro nkanea a ɛhyerɛn nyinaa mɛma aduru sum wɔ wo so; mɛma esum aduru wʼasase, Otumfoɔ Awurade asɛm nie.

KYERƐW KRONKRON

⁸ Mɛma ɔsoro akanea a ɛhyerɛn abiri wo so, na mama esum aduru w’asase so, AWURADE Nyankopɔn asɛm ni.

Hesekiel 32:8 Referencias Cruzadas

1 Mose 1:14

Na Onyankopɔn kaa sɛ: Nkanea mmra ewiem, na ɛmmɛpae awia ne anadwo mu, na ɛnyɛ nsɛnkyerɛnneɛ mma mmerɛ, nna ne mfeɛ nkyekyɛmu.

Hiob 9:7

Ɔhyɛ owia, na ɛmpue; na ɔsosɔ nsoromma ano.

2 Mose 10:22

Na Mose tenee ne nsa kɔɔ ahunum, na esum kabii duruu Misraim asase no nyinaa so nnansa.

Mmebusɛm 20:20

Deɛ ɔdome n’agya ne ne na no, ne kanea bɛdum esum kabii mu.

Ɔsɛnkafo 12:2

ansa na owia ne hann ne ɔsrane ne nsoromma aduru sum, na osuo nya tɔ a, asane amuna,

Yesaia 13:10

Na ɔsoro nsoromma ne emu akunini renhyerɛn, owia bɛduru sum n’adifire mu, na ɔsrane nso renharan.

Yesaia 34:4

Na ɔsoro asafo nyinaa bɛporɔ, na wɔabobɔ ɔsoro sɛ nwoma, na n’asafo nyinaa apo, sɛdeɛ obobe so ahahan poɔ anaasɛ borɔdɔma so deɛ poɔ no.

Yoel 2:10

Asase woso wɔn anim, ɔsoro hinhim, owia ne ɔsrane aduru sum, na nsoromma kame ne haran.

Sakaria 14:6

Na ɛda no awɔ anaa nsukyeneeɛ remma.