Hagai 2:6 - New Revised Asante Twi Bible

⁶ Na sɛ asafo AWURADE seɛ nie: Bio! Aka kumaa sɛ mawoso ɔsoro ne asase ne ɛpo ne asase pɛsɛɛ,

Twerɛ Kronkron

⁶ Na sɛ asafo AWURADE seɛ nie: Bio! Aka kumaa sɛ mawoso ɔsoro ne asase ne ɛpo ne asase pɛsɛɛ,

Akuapem Twi Nkwa Asɛm

⁶ “Eyi ne asɛm a Asafo Awurade ka. ‘Ɛrenkyɛ biara, mɛwosow ɔsoro ne asase bio. Mɛwosow po tamaa ne asase kesee nso.

Asante Twi Nkwa Asɛm

⁶ “Yei ne asɛm a Asafo Awurade seɛ. ‘Ɛrenkyɛre biara, mɛwoso ɔsoro ne asase bio. Mɛwoso ɛpo hahanaa ne asase kesee nso.

KYERƐW KRONKRON

⁶ Na sɛ asafo Awurade se ni: Bio: Aka kakraa bi na mawosow ɔsoro ne asase ne ɛpo ne asase kesee,

Hagai 2:6 Referencias Cruzadas

Hiob 9:6

Ɔwoso asase firi n’atenaeɛ, na ne nnyinasoɔ popo.

Nnwom 18:7

Ɛnna asase hinhimiiɛ na ɛwosoeɛ, na mmepɔ nnyinasoɔ popoe, na ɛhinhimii, ɛfiri sɛ na ne bo ahuru no.

Nnwom 37:10

Aka kakraa bi na ɔbɔnefoɔ nni hɔ, na wɔhwehwɛ ne tenaberɛ a, na ɔnni hɔ.

Yesaia 10:25

nanso aka kakra bi na abufuhyeɛ no to atwa, na m’abufuo adane akɔdwerɛ wɔn.

Yesaia 13:13

Enti mɛma ɔsoro awoso, na asase ahinhim afiri ne sibea, asafo AWURADE abufuferɛ no ano ne n’abufuhyeɛ da no nti.

Yesaia 2:19

Na wɔbɛhyɛne abotan ntokuro ne fam amena mu, afiri AWURADE ho hu anim ne ne kɛseyɛ animuonyam no ho, da a ɔbɛsɔre abɛwoso asase no.

Yesaia 29:17

Ɛnyɛ kakraa bi na aka na Lebanon adane nnuaba turo, na nnuaba turo nso, wɔabu no sɛ kwaeɛ?

Yesaia 34:4

Na ɔsoro asafo nyinaa bɛporɔ, na wɔabobɔ ɔsoro sɛ nwoma, na n’asafo nyinaa apo, sɛdeɛ obobe so ahahan poɔ anaasɛ borɔdɔma so deɛ poɔ no.

Yeremia 33:14

Hwɛ, nna bi reba, AWURADE asɛm nie, sɛ mɛma asɛmpa a mekaa no Israel fie ne Yuda fie ho no aba mu.

Yeremia 51:33

Na sɛ asafo AWURADE, Israel Nyankopɔn, seɛ nie: Babel babaa te sɛ ayuporebea, berɛ a wɔtiatia soɔ no. Aka kakraa bi na twaberɛ aduru ama no.

Hesekiel 38:19

na me ninkuntwe mu, m’anibereɛ gya no mu, maka sɛ: Ampa ara, ɛda no awosoɔ kɛseɛ bɛba Israel asase so,

Hesekiel 38:20

na ɛpo mu mpataa ne ewiem nnomaa bɛwoso m’anim. Wiram mmoa ne wɔn a wɔwea asase soɔ nyinaa, ne nnipa a wɔwɔ asase so nyinaa, na mmepɔ bɛdwiri agu, na abotan korɔnkorɔn ahwehwe ase, na afasuo nyinaa ahwehwe ase.

Yoel 3:16

Na AWURADE firi Sion bobom na ɔfiri Yerusalem ma ne nne so, na ɔsoro ne asase wosowoso; nanso AWURADE yɛ dwanekɔbea ma ne man, ne aban a ɛyɛ den ma Israel mma.

Asomafo 2:19

Na mɛma anwanwadeɛ aba ewiem wɔ ɔsoro, na nsɛnkyerɛnneɛ aba asase so ɛfam, mogya ne ogya ne wisie kumoo.

Hebrifo 10:37

Na aka kakraa bi na deɛ ɔbɛba no aba, na ɔrenkyɛ.

Adiyisɛm 11:9

Na nkurɔfoɔ ne mmusuakuo ne kasa ahodoɔ ne aman mu binom bɛhwɛ wɔn afunu nnansa ne fa, na wɔremma wɔmfa wɔn afunu no ntoto ɛda mu.