Daniel 9:12 - New Revised Asante Twi Bible

¹² Na wahyɛ n’asɛm a ɔka tiaa yɛn ne yɛn atemmufoɔ a wɔbuu yɛn atɛn no den, sɛ ɔde bɔne kɛseɛ a ebi mmaa wiase nyinaa pɛn sɛdeɛ ɛbaa Yerusalem no baa yɛn soɔ;

Akuapem Twi Nkwa Asɛm

¹² Ɔhaw kɛse a wobɔɔ ho kɔkɔ sɛ wobɛyɛ atia yɛn ne yɛn ahemfo no, woayɛ. Ɔsoro ase nyinaa, biribiara nsii sɛnea asi wɔ Yerusalem no bi da.

Asante Twi Nkwa Asɛm

¹² Ɔhaw kɛseɛ a wobɔɔ ho kɔkɔ sɛ wobɛyɛ atia yɛn ne yɛn ahemfo no, woayɛ. Ɔsoro ase nyinaa, biribiara nsii sɛdeɛ asi wɔ Yerusalem no bi da.

KYERƐW KRONKRON

¹² Na wahyɛ n’asɛm a ɔka tiaa yɛn ne yɛn akannifo a wobuu yɛn atɛn no den, sɛ ɔde bɔne kɛse a ebi mmae, wiase nyinaa pɛn, sɛnea ɛbae Yerusalem no, baa yɛn so.

Daniel 9:12 Referencias Cruzadas

1 Ahene 3:9

Enti ma w’akoa nteaseɛ adwene na memfa memmu wo man atɛn, na menhunu papa ne bɔne mu, na hwan na ɔbɛtumi abu wo man kɛseɛ yi atɛn?

2 Ahene 22:16

Sɛ AWURADE seɛ nie: Hwɛ, mede bɔne bɛba ha ne ɛhafoɔ so, sɛdeɛ nwoma a Yuda hene akenkan no mu nsɛm nyinaa teɛ,

Hiob 12:17

Ɔpa apamfoɔ ho de wɔn kɔ, na ɔma atemmufoɔ dane nkwaseafoɔ;

Nnwom 148:11

Asase so ahemfo ne aman nyinaa, atitire ne asase so atemmufoɔ nyinaa,

Nnwom 2:10

Na afei, ahemfo, monhunu nyansa. Asase so atemmufoɔ, montie afotuo.

Mmebusɛm 8:16

me so na mpanimfoɔ nam di panin, ne aberempɔn, ne asase so atemmufoɔ nyinaa.

Yesaia 43:28

enti na mahura kronkronbea hɔ mmapɔmma no ho, na mayi Yakob mama mmusuo, na mede Israel mama adapaabɔfoɔ.

Yesaia 44:26

deɛ ɔma n’akoa asɛm gyina, na ɔma n’abɔfoɔ agyinatusɛm ba mu; deɛ ɔka Yerusalem ho sɛ: Nnipa bɛtena mu! ne Yuda nkuro ho sɛ: Wɔbɛkyekyere, na mɛma n’akurofo so agyinagyina.

Yeremia 30:7

Buei! Ɛda no so a ebi renyɛ sɛ ɛno, na ɛyɛ ahohiahia berɛ ma Yakob. Nanso wɔbɛfiri emu hɔ ara agye no nkwa.

Yeremia 32:23

Na wɔba bɛdii soɔ no, wɔantie wo, na wɔanni wo mmara so; deɛ wohyɛɛ wɔn sɛ wɔnyɛ no nyinaa, wɔanyɛ, enti na woama bɔne yi nyinaa abɛto wɔn yi.

Yeremia 39:16

Kɔ na kɔka kyerɛ Etiopiani Ebed-melek sɛ: Sɛ asafo AWURADE, Israel Nyankopɔn, seɛ nie: Hwɛ, merema me nsɛm no aba mu kuro yi ho, na asi wɔn bɔne, na ansi wɔn yie, w’anim na ɛbɛba mu da no.

Yeremia 44:23

Ɛsiane sɛ mohyehyee aduhwam yɛɛ AWURADE bɔne, na moantie AWURADE, na moanni ne mmara ne n’ahyɛdeɛ ne n’adansesɛm no soɔ nti, na asiane bɔne yi abɛsiane mo sɛdeɛ ɛteɛ nnɛ yi.

Kwadwom 1:12

Ɛmfa mo a mofa ɔkwan so twam nyinaa ho bi? Monhwɛ na monhunu sɛ ɔyea bi wɔ hɔ a ɛte sɛ me yea, a aka me yi, a AWURADE de aho me werɛ n’abufuhyeɛ da no!

Kwadwom 2:13

Ɛdeɛn adanseɛ na menni woɔ, ɛdeɛn na memfa mento wo ho, Yerusalem babaa? Ɛdeɛn na memma no ne wo nsɛ, na mede makyekyere wo werɛ, ababaa, Sion babaa? Na wo sɛeɛ so sɛ ɛpo, hwan na ɔbɛtumi asa wo yadeɛ?

Kwadwom 2:17

AWURADE ayɛ deɛ ɔsusuiɛ; wama n’asɛm aba mu pɛpɛɛpɛ, n’asɛm a ɔfiri tete mmerɛ no mu hyɛeɛ no; wadwiri, na wanni ho adɔna, na wama ɔtamfoɔ ani agye wo ho, wama w’ahohiahiafoɔ ahoɔden so.

Kwadwom 4:6

Na me man babaa amumuyɛ so akatua sene Sodom bɔne no deɛ, ɛno nti na wɔbutuu no amonom, a ɛnyɛ nsa na ɛsɛe no.

Hesekiel 13:6

Ahuhudeɛ ne atorɔ nkɔmhyɛ na wɔn a wɔka sɛ: AWURADE asɛm nie, no hunu, nso na AWURADE nsomaa wɔn, nanso wɔtwɛn sɛ ɔbɛma wɔn asɛm no aba mu.

Hesekiel 5:9

Na ɛsiane w’akyiwadeɛ nyinaa nti, mɛyɛ wo deɛ menyɛɛ bi da, na merenyɛ ne nsɛsoɔ bio.

Daniel 12:1

Ɛberɛ no mu na Mikael, ɔbɔfoɔ titire a ɔgyina hɔ ma wo man mma no bɛsɔre agyina. Na ɛbɛyɛ ahohiahia berɛ a ɛfirii sɛ ɔman baeɛ no bɛsi berɛ no soɔ ɛmmaa da, na ɛberɛ no mu na wɔbɛgye wo manfoɔ afiri mu, obiara a wɔbɛhunu sɛ wɔatwerɛ ne din nwoma no mu no.

Yoel 2:2

esum ne kusuuyɛ da, mununkum ne kusukuukuu da. Ɔman bi a wɔdɔɔso na wɔyɛ den a ebi nte sɛ no firi teteete, na n’akyiri nso ebi renyɛ sɛ ɛno awoɔ ntoatoasoɔ a ɛdidi soɔ mfeɛ mu reyerɛ sɛ adekyeeɛ yerɛ mmepɔ soɔ no.

Amos 3:2

Mo nko ara na menim mo, asase so mmusua nyinaa mu, ɛno nso nti na mɛtua mo mo amumuyɛ nyinaa so ka.

Sakaria 1:6

Nanso me nsɛm ne m’ahyɛdeɛ a mehyɛɛ me nkoa adiyifoɔ no no, anto mo agyanom anaa? Na wɔsanee na wɔkaa sɛ: Sɛdeɛ asafo AWURADE dwene sɛ ɔbɛyɛ yɛn sɛdeɛ yɛn akwan ne yɛn nneyɛɛ teɛ no, saa na ɔne yɛn adi no.

Sakaria 1:8

Mehunuu anadwo, na hwɛ, na ɔbarima bi te ɔpɔnkɔ kɔkɔɔ so, na ɔgyina ohwamdua a ɛwɔ bonhwa mu no ntam, na apɔnkɔ akɔkɔɔ, ntokontrama ne afufuo gyinagyina n’akyi. Na mebisaa sɛ: Me wura, yeinom yɛ deɛn?

Sakaria 7:12

Na wɔyɛɛ wɔn akoma sɛ ahwehwɛboɔ, na wɔantie mmara ne nsɛm a asafo AWURADE nam ne honhom so maa akane adiyifoɔ no bɛkaeɛ no, na ɛmaa abufuhyeɛ kɛseɛ firi asafo AWURADE nkyɛn baeɛ no.

Mateo 24:21

Na ɛno na ahohiahia kɛseɛ a ɛfiri wiase mfitiaseɛ de bɛsi nnɛ, ebi mmaa da, nanso ebi remma da, bɛba.

Mateo 5:18

Na nokorɛ mese mo sɛ, ɔsoro ne asase nnya ntwaa mu yi, atwerɛdeɛ ketewa baako anaa nsensaneeɛ baako mpo remfiri mmara no mu ntwa mu, gye sɛ ne nyinaa aba mu ansa.

Marko 13:19

Na nna no bɛyɛ ahohiahia a ɛfiri Nyankopɔn adebɔ mfitiaseɛ de bɛduru nnɛ, ebi mmaa saa da, nanso ɛremma saa bio.

Luka 21:22

ɛfiri sɛ yei ne aweretɔ nna, na nnoɔma a wɔatwerɛ no nyinaa aba mu.

Romafo 15:8

Na mese: Kristo ayɛ twetiatwafoɔ somfoɔ de akyerɛ Nyankopɔn nokorɛ sɛ ɔbɛhyɛ bɔ a wɔahyehyɛ agyanom no mu den;