Adiyisɛm 15:4 - New Revised Asante Twi Bible

⁴ Awurade, hwan na ɔrensuro woɔ na ɔrenhyɛ wo din animuonyam? Ɛfiri sɛ wo nko na woyɛ kronkron, na amanaman nyinaa bɛba abɛkoto w’anim, ɛfiri sɛ w’atɛn tenenee ada adi.

Twerɛ Kronkron

⁴ Awurade, hwan na ɔrensuro woɔ na ɔrenhyɛ wo din animuonyam? Ɛfiri sɛ wo nko na woyɛ kronkron, na amanaman nyinaa bɛba abɛkoto w’anim, ɛfiri sɛ w’atɛn tenenee ada adi.

Akuapem Twi Nkwa Asɛm

⁴ Hena na ɔrensuro wo, Awurade? Hena na ɔrenka wo kɛseyɛ? Wo nko na woyɛ kronkron. Aman nyinaa bɛba abɛsom wɔ wʼanim, efisɛ obiara ahu wo nnwuma trenee no.”

Asante Twi Nkwa Asɛm

⁴ Hwan na ɔnsuro wo, Awurade? Hwan na ɔrenka wo kɛseyɛ? Wo nko na woyɛ kronkron. Aman nyinaa bɛba abɛsom wɔ wʼanim, ɛfiri sɛ, obiara ahunu wo tenenee nnwuma no.”

KYERƐW KRONKRON

⁴ Awurade, hena na ɔrensuro wo na ɔnhyɛ wo din anuonyam? Efisɛ wo nko na woyɛ kronkron, na amanaman nyinaa bɛba abɛkotow w’anim, efisɛ w’asɛntrenee ada adi.

Adiyisɛm 15:4 Referencias Cruzadas

Nnwom 105:7

Ɔno ne AWURADE yɛn Nyankopɔn, n’atemmuo wɔ asase nyinaa so.

Nnwom 111:9

Wasoma ɔgyeɛ abrɛ ne man, wahyɛ n’apam de kɔsi daa, ne din yɛ kronkron, na ɛho yɛ hu.

Nnwom 22:23

Mo a mosuro AWURADE, monyi no ayɛ. Yakob asefoɔ nyinaa, monhyɛ no animuonyam, na Israel asefoɔ nyinaa, momfɛre no.

Nnwom 22:27

Asase ano ano sofoɔ nyinaa bɛkae adane aba AWURADE nkyɛn, na amanaman mmusuakuo nyinaa abɛkoto n’anim.

Nnwom 22:3

Na woyɛ kronkron, wote w’ahennwa so, na wo na Israel ayeyie nyinaa wɔ woɔ.

Nnwom 86:9

Amanaman a woyɛeɛ nyinaa bɛba abɛkoto w’anim, AWURADE, na wɔabɛhyɛ wo din animuonyam.

Nnwom 89:7

Onyankopɔn a ne ho yɛ hu, akronkronfoɔ dwabɔ kɛseɛ no mu, na wɔsuro no sene wɔn a wɔatwa ne ho ahyia nyinaa.

Nnwom 97:8

Sion te, na n’ani gye, Yuda mmammaa ho sane wɔn, AWURADE, w’atemmuo nti.

Nnwom 99:5

Momma AWURADE yɛn Nyankopɔn so, na monkoto nsɔre ne nan ase adwa anim. Ɔno na ɔyɛ kronkron.

Nnwom 99:9

Momma AWURADE, yɛn Nyankopɔn, so, na monkoto nsɔre wɔ ne bepɔ kronkron so, na AWURADE, yɛn Nyankopɔn, ne kronkron.

Yesaia 24:15

Enti monhyɛ AWURADE animuonyam apueeɛ, po mu nsupɔ mu nso monkamfo AWURADE, Israel Nyankopɔn, din.

Yesaia 25:3

Enti ɔman a ɛyɛ den bɛhyɛ wo animuonyam, amanaman ahoɔdenfoɔ kuro bɛsuro wo.

Yesaia 26:9

Me kra ani gyina wo anadwo, aane, me mu honhom nso, mede mefe wo, na sɛ w’atemmuo ka asase a, wiasefoɔ sua tenenee.

Yesaia 45:23

Maka me ho ntam, tenenee anomu na asɛm afire, na ɔrensane, sɛ: Me na nkotodwe nyinaa bɛkoto me, na tɛkyerɛma nyinaa aka me ntam.

Yesaia 57:15

Na sɛ deɛ ɔkorɔn na wɔama no soɔ, deɛ ɔte hɔ daa na ne din yɛ kronkron no seɛ nie: Mete soro ne deɛ ɛhɔ yɛ kronkron, ne deɛ wabubuo na ne honhom brɛ aseɛ no nkyɛn nso, sɛ mɛma ahobrɛasefoɔ honhom anya nkwa, na mama wɔn a wɔabubu wɔn no akoma anya nkwa.

Yesaia 6:3

Na oyi team kyerɛ oyi sɛ: Kronkron, kronkron, kronkron ne asafo AWURADE! N’animuonyam ahyɛ asase nyinaa ma.

Yesaia 60:5

Ɛno na wobɛhunu, na w’anim ate, w’akoma de ahosɛpɛ bɛdi ahurisie, ɛfiri sɛ ɛpo ahonyadeɛ dodoɔ redane abɛyɛ wo deɛ, amanaman ahodeɛ reba wo nkyɛn.

Yeremia 10:7

Hwan na ɔrensuro woɔ, O amanaman Hene? Wo na ɛfata woɔ; amanaman anyansafoɔ nyinaa mu ne wɔn ahennie nyinaa mu, obiara nni hɔ a ɔte sɛ woɔ.

Yeremia 16:19

O AWURADE, m’ahoɔden ne m’aban denden, me dwanekɔbea ahohiahia da mu, wo nkyɛn na amanaman bɛfiri asase anoano aba abɛka sɛ: Atorɔ nko ne yɛn agyanom awunnyadeɛ no, ahuhudeɛ a mfasoɔ nni mu.

Yeremia 5:22

Monsuro me? AWURADE asɛm nie, anaasɛ mo akoma ntu m’anim? Me a mede anwea meto po ano hyeɛ, daa hyeɛ a ɛntumi ntra; na sɛ mpo n’asorɔkyeɛ bɔ a, ɛntumi no, na sɛ ɛhuru sɛ deɛn ara a, ɛntumi ntra.

Hosea 3:5

Akyire yi no Israel mma bɛsane abɛhwehwɛ AWURADE wɔn Nyankopɔn ne wɔn hene Dawid, na wɔn ho bɛpopo de aba AWURADE ne n’adɔeɛ ho, nna a ɛdi akyire no mu.

Habakuk 1:12

AWURADE, me Nyankopɔn ne me Kronkronni, ɛnyɛ wo na wofiri tete nteredee? AWURADE, wo ne ɔbotantim; yɛrenwu na mmom wo ara na woahyɛ Kaldeafoɔ sɛ wɔmmu yɛn atɛn na yɛn asotwe nti na wode wɔn asi hɔ.

Sakaria 14:16

Na amanaman a wɔbaa Yerusalem soɔ no nyinaa mu nkaeɛ no nyinaa bɛforo aba, daa afe, abɛsɔre ɔhene, asafo AWURADE, na wɔahwɛ asese fa no.

Sakaria 2:11

Na amanaman bebree de wɔn ho bɛba abɛbɔ AWURADE ho ɛda no, na wɔayɛ me ɔman; na mɛtena wo mu, na wobɛhunu sɛ asafo AWURADE na asoma me wo nkyɛn.

Malaki 1:11

Na ɛfiri owiapueeɛ de kɔsi n’atɔeɛ no me din yɛ kɛseɛ amanaman mu, na wɔhye aduhwam bɔ afɔdeɛ ma me din mmaa nyinaa, na wɔde ayɛyɛdeɛ a ɛho teɛ ba; na me din yɛ kɛseɛ amanaman mu, asafo AWURADE na ɔseɛ.

Romafo 15:9

na Nyankopɔn mmɔborɔhunu nti amanaman mufoɔ ahyɛ no animuonyam, sɛdeɛ wɔatwerɛ sɛ: Yei nti mɛkamfo wo amanaman mu, na mato dwom ama wo din.

1 Petro 1:16

na wɔatwerɛ sɛ: Monyɛ kronkron, ɛfiri sɛ me, meyɛ kronkron.

Adiyisɛm 11:15

Na ɔbɔfoɔ a ɔtɔ so nson no hyɛnee ne totorobɛnto. Na ɛnne akɛseɛ gyegyegyegyee soro sɛ: Wiase ahennie ayɛ yɛn Awurade ne ne Kristo no dea, na ɔbɛdi hene daa daa.

Adiyisɛm 14:7

na ɔde nne kɛseɛ teaa mu sɛ: Monsuro Onyankopɔn na monhyɛ no animuonyam, ɛfiri sɛ n’atemmuo dɔn adu. Na monkoto deɛ ɔyɛɛ ɔsoro ne asase ne ɛpo ne asutire no.

Adiyisɛm 16:5

Na metee sɛ nsuo so bɔfoɔ no se: Wo a wowɔ hɔ, na wowɔ hɔ dada, na woyɛ kronkron, wotene, ɛfiri sɛ woabu atɛn saa,

Adiyisɛm 16:7

Na metee sɛ ɛnne bi firi afɔrebukyia no mu a ɛse: Aane, Awurade Nyankopɔn, adeɛ nyinaa so tumfoɔ, w’atemmuo yɛ nokorɛ ne tenenee.

Adiyisɛm 19:2

ɛfiri sɛ n’atemmuo yɛ nokorɛ na ɛtene, sɛ ɔbuu odwamamfoɔ kɛseɛ a ɔde n’adwamammɔ asɛe asase no atɛn, na ɔtɔɔ ne nkoa mogya so werɛ wɔ ne nsamu.

Adiyisɛm 19:8

Na wɔde nwera pa a ɛhoa fitaa, a ɛho teɛ maa no sɛ ɔmfira. Na nwera pa no ne ahotefoɔ tenenee.

Adiyisɛm 3:7

Na Filadelfia asafo mu bɔfoɔ no, twerɛ kɔma no sɛ: Sɛɛ na ɔkronkronni, ɔnokwafoɔ no, deɛ ɔkura Dawid safoa, na ɔhini a obi nto mu, na ɔto mu, a obi nhini no, seɛ:

Adiyisɛm 4:8

Na ateasefoɔ baanan no mu biara wɔ ntaban nsia, na aniwa ahyehyɛ wɔn ho ne wɔn mu mama, na wɔto dwom daa awia ne anadwo sɛ: Kronkron, kronkron, kronkron ne Awurade Nyankopɔn, ade nyinaa so tumfoɔ a ɔtenaa hɔ, na ɔwɔ hɔ, na ɔrebɛba.

Adiyisɛm 6:10

Na wɔde nne kɛseɛ teaa mu sɛ: Awurade Tumfoɔ, Ɔkronkronni ne Ɔnokwafoɔ, ɛnkɔsi da bɛn na woremmu atɛn, na worentɔ wɔn a wɔte asase soɔ no yɛn mogya so were?

1 Samuel 2:2

Obiara nyɛ Kronkron sɛ AWURADE, na obiara nni w’akyi, na Ɔbotan bi nni hɔ sɛ yɛn Nyankopɔn.