1 Samuel 19:5 - New Revised Asante Twi Bible

⁵ Na ɔde ne kra too ne nsam kɔkumm Filistini no, na AWURADE dii nkonim kɛse maa Israel nyinaa. Wohunui na w’ani gyeeɛ; na adɛn nti na worebɛyɛ mogya a ɛdi bem ho bɔne na woakum Dawid kwa?

Twerɛ Kronkron

⁵ Na ɔde ne kra too ne nsam kɔkumm Filistini no, na AWURADE dii nkonim kɛse maa Israel nyinaa. Wohunui na w’ani gyeeɛ; na adɛn nti na worebɛyɛ mogya a ɛdi bem ho bɔne na woakum Dawid kwa?

Akuapem Twi Nkwa Asɛm

⁵ Wo werɛ afi bere a ɔde ne nkwa too ne nsam, kokum Filistini no, na ɛnam so maa Awurade de nkonimdi kɛse brɛɛ Israel no? Saa bere no, akyinnye biara nni ho sɛ, wʼani gyei. Adɛn nti na ɛsɛ sɛ wukum onipa a ne ho nni asɛm sɛ Dawid? Nkyerɛase pa biara nni mu koraa.”

Asante Twi Nkwa Asɛm

⁵ Wo werɛ afiri ɛberɛ a ɔde ne nkwa too ne nsam, kɔkumm Filistini ɔbrane, na ɛnam so maa Awurade de nkonimdie kɛseɛ brɛɛ Israel no? Saa ɛberɛ no, akyinnyeɛ biara nni ho sɛ, wʼani gyeeɛ. Adɛn enti na ɛsɛ sɛ wokum onipa a ne ho nni asɛm sɛ Dawid? Nkyerɛaseɛ pa biara nni so koraa.”

KYERƐW KRONKRON

⁵ Na ɔde ne kra too ne nsam kokum Filistini no, na AWURADE dii nkonim kɛse maa Israel nyinaa. Wuhui na w’ani gyei; na ɛdɛn nti na worebɛyɛ mogya a edi bem ho bɔne na woakum Dawid kwa?

1 Samuel 19:5 Referencias Cruzadas

2 Samuel 23:10

Ɔno na ɔsɔre kunkumm Filistifoɔ no kɔsii sɛ ne nsam goeɛ na ne nsa fam ne nkrantɛ ho. Na AWURADE yɛɛ nkonim ade kɛseɛ da no, na ɛdɔm no dane kɔdii n’akyiri sɛ wɔbɛfom adeɛ nko.

1 Berɛsosɛm 11:14

Ɔno ne nkaeɛ no kɔgyinaa asasewa no mfimfini gyee wɔn ho, na wɔkum Filistifoɔ no. Na AWURADE de nkonimdie kɛseɛ gyee wɔn.

1 Berɛsosɛm 11:18

Na mmarima baasa no te faa Filistifoɔ nsraban no mu kɔsaa Betlehem asubura a ɛwɔ kuro pono ho no mu nsuo de brɛɛ Dawid. Nanso Dawid ampɛ sɛ ɔnom, na ɔhwie gu maa AWURADE,

Nnwom 109:5

Na wɔde bɔne hyɛ me papa ananmu, na wɔkyiri me de hyɛ me dɔ ananmu.

Nnwom 119:109

Me kra da me nsam daa, nanso me werɛ mfiri wo mmara.

Nnwom 25:3

Ampa ara, wɔn a wɔhwɛ wo kwan no biara ani renwu, wɔn a wɔtwa nkontompo kwa no na wɔn ani bɛwuo.

Nnwom 69:4

Wɔn a wɔtane me kwa dɔɔso sene me tiri so nwi, m’asɛefoɔ a wɔyɛ m’atamfoɔ atorofoɔ dɔɔso, deɛ memfaeɛ no, wɔse mennane memma.

Nnwom 94:21

Wɔbɔ ɔteneneeni kra so kyenku, na wɔbu mogya a ɛdi bem fɔ.

2 Mose 14:13

Na Mose ka kyerɛɛ ɔman no sɛ: Monnsuro, monnyina pintinn, na monhwɛ AWURADE nkwagyeɛ a ɔde rebɛkyerɛ mo nnɛ, na Misraimfoɔ a mohu wɔn nnɛ yi, morenhu wɔn da biara da bio.

Yeremia 26:15

Hunu nko na monhunu sɛ, sɛ moku me a, mogya a ɛdi bem na mobɛhwie agu mo ne kuro yi ne emutefoɔ soɔ, na nokorɛ mu, AWURADE na asoma me mo nkyɛn, sɛ memmɛka nsɛm yi nyinaa ngu mo aso mu.

Mateo 27:24

Na Pilato hunuu sɛ ɔntumi nyɛ ho hwee na mmom sakasaka reba no, ɔfaa nsuo hohoroo ne nsa nkurɔfokuo no anim kaa sɛ: Medi bem wɔ onipa tenenee yi mogya ho; mo ara monhwɛ.

Mateo 27:4

Mayɛ bɔne sɛ mayi mogya a bɔne nni mu mama. Ɛnna wɔse: Ɛfa yɛn ho bɛn? Wo ara w’asɛm!

Yohane 15:25

Na ɛyɛɛ hɔ, na asɛm a wɔatwerɛ no wɔn mmara mu no aba mu sɛ: Wɔtane me kwa.

Asomafo 20:24

Na memfa yei menyɛ biribi, nanso memmu me kra aboɔden memma me ho, na mede anigyeɛ mawie me nanteɛ ne ɔsom a menyaa no Awurade Yesu nkyɛn sɛ menni Nyankopɔn adom asɛmpa no ho adanseɛ.

Filipifo 2:30

Ɛfiri sɛ Kristo adwuma nti na ɔbɛn owuo, na ɔde ne nkwa too hɔ sɛ ɔbɛsi mo ananmu asom me wɔ nnoɔma nyinaa mu.

Hebrifo 2:3

yɛn nso, sɛ yɛammu nkwagyeɛ kɛseɛ a ɛte sɛ yei a, yɛbɛdwane afiri mu sɛn? Ɛno na Awurade firii aseɛ kaeɛ no, wɔn a wɔteeɛ no hyɛɛ mu den maa yɛn,

Atemmufo 12:3

na mehunuu sɛ moremma mmɛgye me no, mede me nkwa metoo me nsam, na mesene mekɔɔ Amonfoɔ no so, na AWURADE de wɔn hyɛɛ me nsa, na adɛn na moaforo aba me soɔ ne me rebɛko nnɛ yi?

Atemmufo 9:17

sɛ m’agya ko maa mo na ɔde ne nkwa too ne nsam, na ɔgyee mo firii Midian nsam,

1 Samuel 11:13

Na Saulo kaa sɛ: Wɔnnkum obiara nnɛ da yi, ɛfiri sɛ ɛnnɛ AWURADE ayɛ nkwagyedeɛ Israel mu.

1 Samuel 14:45

Na ɛdɔm no ka kyerɛɛ Saulo sɛ: Yonatan a wayɛ Israel mu ɔgyeɛ adwuma kɛseɛ yi nwu anaa? Ɛmpare no! Sɛ AWURADE te aseɛ yi, ne tirinwi baako mpo rentɔ fam, ɛfiri sɛ ɔne Onyankopɔn na ayɛ adeɛ nnɛ da yi. Na ɔman no gyee Yonatan na wanwu.

1 Samuel 19:6

Na Saulo tiee Yonatan, na Saulo kaa ntam sɛ: Sɛ AWURADE te aseɛ yi, wɔrenkum no da!

1 Samuel 20:32

Na Yonatan buaa n’agya Saulo ka kyerɛɛ no sɛ: Adɛn nti na wɔnku no? Ɛdeɛn na wayɛ?

1 Samuel 22:14

Na Ahimelek buaa ɔhene sɛ: Na wo nkoa nyinaa mu hwan na ɔyɛ ɔnokwafoɔ sɛ Dawid a ɔyɛ ɔhene ase, na ɔtie w’asɛm, na wɔdi no ni wɔ wo fie?

1 Samuel 28:21

Na ɔbaa no baa Saulo nkyɛn, na ɔhunuu sɛ wabɔ hu, na ɔka kyerɛɛ no sɛ: Hwɛ, w’afenaa atie wo, na mede me nkwa mato me nsam, na matie wo nsɛm a woka kyerɛɛ me no,