1 Mose 17:2 - New Revised Asante Twi Bible

² Na mɛma m’apam ada me ne wo ntam, na mama woadɔ kɛse ara.

Twerɛ Kronkron

² Na mɛma m’apam ada me ne wo ntam, na mama woadɔ kɛse no ara.

Akuapem Twi Nkwa Asɛm

² Mesi apam a ɛda me ne wo ntam no so dua, na mama wʼasefo adɔɔso.”

Asante Twi Nkwa Asɛm

² Mɛsi apam a ɛda me ne wo ntam no so dua, na mama wʼasefoɔ adɔɔso.”

KYERƐW KRONKRON

² Na mɛma m'apam ada me ne wo ntam, na mama woadɔ kɛse ara.

1 Mose 17:2 Referencias Cruzadas

1 Mose 12:2

Na mɛyɛ wo ɔman kɛseɛ, na mahyira wo, na mama wo din ayɛ kɛseɛ, na woayɛ nhyira.

1 Mose 13:16

Na mɛma w’asefoɔ adɔɔso sɛ asase so mfuturo. Na sɛ obi tumi kan asase so mfuturo a, ɛnneɛ na ɔbɛtumi akan w’asefoɔ nso.

1 Mose 15:18

Da no ara na AWURADE ne Abram yɛɛ apam sɛ: W’asefoɔ na mede asase yi mama wɔn ɛfiri Misraim asubɔnten ho de kɔsi asubɔnten kɛseɛ, Eufrate asubɔnten ho:

1 Mose 15:5

Na ɔde no firii adi kaa sɛ: Hwɛ ɔsoro ɛ, na kan nsoromma sɛ wobɛtumi akan anaa? Na ɔka kyerɛɛ no sɛ: Sɛ w’asefoɔ bɛyɛ ne no.

1 Mose 22:17

Hyira na mɛhyira woɔ, na dɔ na mɛma w’asefoɔ adɔre sɛ ɔsoro nsoromma ne mpoano anwea. Na w’asefoɔ bɛfa wɔn atamfoɔ nkuro ano apono adi so.

1 Mose 28:3

Na Onyankopɔn Tweaduampɔn nhyira wo, na ɔmma wo nnɔ, na ɔmma wo nyɛ bebree, na woayɛ aman asafo;

1 Mose 9:9

Hwɛ, afei merema m’apam atim hɔ ama mo ne mo asefoɔ a ɛbɛdi mo akyi,

2 Ahene 13:23

Nanso AWURADE dom wɔn, na ne yam hyehyee no maa wɔn, na ɔdanee ne ho kyerɛɛ wɔn n’apam a ɔne Abraham, Isak ne Yakob pameeɛ no nti, na wampɛ sɛ ɔsɛe wɔn, na wanto wɔn antwene amfiri n’anim de bɛsi seesei.

1 Berɛsosɛm 16:16

sɛdeɛ ɔne Abraham pameeɛ no ne ne ntam a ɔkaa Isak no.

Nnwom 25:14

AWURADE yi ne tirim asɛm kyerɛ wɔn a wɔsuro no, na ɔma wɔhunu n’apam no mu.

Romafo 9:4

na wɔyɛ Israelfoɔ a abayɛ ne animuonyam, ne apam ahodoɔ ne mmarahyɛ ne nyamesom ne bɔhyɛ ahodoɔ no yɛ wɔn dea;