1 Berɛsosɛm 13:11 - New Revised Asante Twi Bible

¹¹ Na Dawid ampɛ sɛ AWURADE abufuo aba Usa soɔ, na ɔfrɛɛ hɔ sɛ Peres-usa de bɛsi nnɛ.

Twerɛ Kronkron

¹¹ Na Dawid ampɛ sɛ AWURADE abufuo aba Usa soɔ, na ɔfrɛɛ hɔ sɛ Peres-usa de bɛsi nnɛ.

Akuapem Twi Nkwa Asɛm

¹¹ Dawid bo fuwii, efisɛ Awurade abufuw atia Usa. Ɔtoo beae hɔ din Peres-Usa a wɔda so frɛ hɔ saa de besi nnɛ.

Asante Twi Nkwa Asɛm

¹¹ Dawid bo fuiɛ, ɛfiri sɛ Awurade abufuo atia Usa. Ɔtoo beaeɛ hɔ edin Peres-Usa a wɔda so frɛ hɔ saa de bɛsi ɛnnɛ.

KYERƐW KRONKRON

¹¹ Na ɛyɛɛ Dawid awerɛhow sɛ AWURADE abu aba Usa so, na ɔfrɛɛ hɔ sɛ Peres-usa de besi nnɛ.

1 Berɛsosɛm 13:11 Referencias Cruzadas

1 Mose 32:32

Enti Israelfoɔ nni ntini a ɛwɔ asene mu akwaa tokuro mu no de bɛduru nnɛ, ɛfiri sɛ ɔkaa Yakob dwonkuo tokuro mu, n’asene mu ntini no so.

2 Samuel 6:7

Na AWURADE bo fuu Usa, na mfomsoɔ no nti Onyankopɔn bɔɔ no wɔ hɔ, na ɔwuu Nyankopɔn adaka no nkyɛn mu.

2 Samuel 6:9

Na Dawid suroo AWURADE da no, na ɔkaa sɛ: AWURADE adaka no bɛba me nkyɛn sɛn nie?

1 Berɛsosɛm 13:10

Na AWURADE bo fuu Usa, na ɔkumm no, sɛ ɔtenee ne nsa kaa adaka no nti, na ɔwuu Nyankopɔn anim hɔ.

1 Berɛsosɛm 13:12

Na Dawid suroo Nyankopɔn da no, na ɔkaa sɛ: Mede Nyankopɔn adaka no bɛba me nkyɛn sɛn?

1 Berɛsosɛm 15:13

Na akane no ɛnyɛ mo na moyɛeɛ nti na AWURADE yɛn Nyankopɔn bu baa yɛn soɔ, sɛ yɛanhwehwɛ no n’atorɔmuadeɛ no soɔ.

2 Mose 19:22

Na asɔfoɔ nso a wɔbɛn AWURADE no nnwira wɔn ho, na AWURADE anto anhyɛ wɔn so.

Yona 4:4

Na AWURADE ka kyerɛɛ no sɛ: Ɛyɛ sɛ wo bo fu anaa?

Yona 4:9

Ɛnna Onyankopɔn ka kyerɛɛ Yona sɛ: Ɛyɛ sɛ wo bo fuu adedenkruma no ho anaa? Na Yona buaa sɛ: Aane ɛyɛ sɛ me bo fu de kɔ owuo mu.

5 Mose 34:6

Na ɔsiee no bonhwa mu Moab asase so, Bet-peor ntentensoɔ. Na obiara nnim ne damena de bɛsi nnɛ.

Yosua 4:9

Na Yosua memaa aboɔ dummienu so sisii Yordan mu, deɛ asɔfoɔ a wɔso apam adaka no nan sisiiɛ hɔ, na ɛwɔ hɔ de bɛsi nnɛ.