La Biblia Online

Inicio
La Biblia Online
យេរេមា 3:21

យេរេមា 3:21 - ព្រះគម្ពីរភាសាខ្មែរបច្ចុប្បន្ន ២០០៥

²¹ មានសំឡេងលាន់ឮឡើង នៅតាមកំពូលភ្នំ គឺជាសម្រែកយំសោក និងសម្រែកអង្វរករ របស់ជន‌ជាតិអ៊ីស្រា‌អែល ដ្បិតពួកគេបានវង្វេងចេញពីមាគ៌ា គេបានបំភ្លេចព្រះ‌អម្ចាស់ ជាព្រះរបស់គេ។

Ver Capítulo Copiar

ព្រះគម្ពីរបរិសុទ្ធកែសម្រួល ២០១៦

²¹ មានឮសំឡេងនៅលើទីខ្ពស់ត្រងិល គឺជាពួកកូនចៅអ៊ីស្រា‌អែលដែលយំ ហើយទូល‌អង្វរ ដោយព្រោះគេបានបង្ខូចផ្លូវខ្លួន ហើយបានភ្លេចព្រះ‌យេហូវ៉ាជាព្រះរបស់ខ្លួន។

Ver Capítulo Copiar

ព្រះគម្ពីរបរិសុទ្ធ ១៩៥៤

²¹ មានឮសំឡេងនៅលើទីខ្ពស់ត្រងិល គឺជាពួកកូនចៅអ៊ីស្រាអែល ដែលយំ ហើយទូល‌អង្វរ ដោយព្រោះគេបានបង្ខូចផ្លូវខ្លួន ហើយបានភ្លេចព្រះ‌យេហូវ៉ា ជាព្រះនៃខ្លួនទៅ

Ver Capítulo Copiar

អាល់គីតាប

²¹ មានសំឡេងលាន់ឮឡើង នៅតាមកំពូលភ្នំ គឺជាសំរែកយំសោក និងសំរែកអង្វរករ របស់ជន‌ជាតិអ៊ីស្រ‌អែល ដ្បិតពួកគេបានវង្វេងចេញពីមាគ៌ា គេបានបំភ្លេចអុលឡោះ‌តាអាឡា ជាម្ចាស់របស់គេ។

Ver Capítulo Copiar

Volver arriba ⬆

យេរេមា 3:21
24 Referencias Cruzadas

យ៉ូប 33:27

ពេលនោះ គេនឹងច្រៀង នៅចំពោះមុខមនុស្ស‌ម្នាថា: “ខ្ញុំបានប្រព្រឹត្តអំពើបាប ខ្ញុំបានវង្វេងចេញពីមាគ៌ាដ៏ត្រឹមត្រូវ តែព្រះ‌ជាម្ចាស់ពុំបានដាក់ទោសខ្ញុំ ស្របតាមអំពើដែលខ្ញុំប្រព្រឹត្តនោះឡើយ។

សុភា‌សិត 10:9

អ្នកដើរតាមផ្លូវទៀងត្រង់តែងតែបានសុខ‌សាន្ត រីឯអ្នកដើរតាមផ្លូវវៀច‌វេរ នឹងត្រូវគេរកមុខឃើញ។

សុភា‌សិត 19:3

ភាពល្ងី‌ល្ងើរបស់មនុស្សរមែងបង្ខូចផ្លូវរបស់ខ្លួន ហើយគេបែរជាខឹងនឹងព្រះ‌អម្ចាស់ទៅវិញ។

អេសាយ 15:2

ប្រជា‌ជននាំគ្នាឡើងទៅវិហារនៅឌីបូន គេយំសោកនៅកន្លែងសក្ការៈតាមទួលខ្ពស់ៗ ជន‌ជាតិម៉ូអាប់នាំគ្នាសោកសង្រេង ស្រណោះក្រុងនេបូ និងក្រុងមេឌី‌បា គេកោរសក់ទាំងអស់គ្នា ហើយគេក៏កោរពុកមាត់ពុកចង្កាចេញដែរ។

អេសាយ 17:10

អ៊ីស្រា‌អែលអើយ អ្នកបានបំភ្លេចព្រះ‌ជាម្ចាស់ ដែលជាព្រះ‌សង្គ្រោះរបស់អ្នក អ្នកពុំបាននឹកឃើញព្រះ ដែលជាកំពែងការពារអ្នកទេ។ ហេតុនេះហើយបានជាអ្នកដាំដំណាំ សម្រាប់ថ្វាយជាសក្ការៈដល់ព្រះដទៃ។

អេសាយ 57:11

តើនរណាធ្វើឲ្យអ្នកភ័យខ្លាច រហូតដល់អ្នកក្បត់ចិត្តយើង ហើយលែងរវី‌រវល់នឹកនាដល់យើងបែបនេះ? អ្នកឈប់ស្រឡាញ់យើងដូច្នេះ មកពីយើងនៅស្ងៀមយូរពេកឬ?

យេរេមា 12:12

នៅតាមទួលខ្ពស់ៗក្នុងវាលរហោ‌ស្ថាន ពួកបំផ្លិច‌បំផ្លាញកំពុងតែមកដល់។ ដាវរបស់ព្រះ‌អម្ចាស់នឹងប្រហារស្រុកនេះ ពីជាយដែនម្ខាងទៅជាយដែនម្ខាង គ្មាននរណាម្នាក់គេចខ្លួនរួចឡើយ។

យេរេមា 13:25

យេរូ‌សាឡឹមអើយ នេះជាទារុណ‌កម្មដែលយើងបម្រុងទុកសម្រាប់អ្នក ដ្បិតអ្នកបានបំភ្លេចយើង ហើយបែរទៅផ្ញើជីវិតលើព្រះក្លែង‌ក្លាយ - នេះជាព្រះ‌បន្ទូលរបស់ព្រះ‌អម្ចាស់។

យេរេមា 18:15

ក៏ប៉ុន្តែ ប្រជា‌រាស្ត្ររបស់យើងបានបំភ្លេចយើង គេនាំគ្នាថ្វាយគ្រឿងសក្ការ‌បូជា ដល់ព្រះក្លែង‌ក្លាយ ដែលបណ្ដាលឲ្យពួកគេជំពប់ដួល នៅតាមផ្លូវដែលពួកគេធ្លាប់ដើរ ហើយធ្វើឲ្យពួកគេងាកចេញពីផ្លូវរបស់ខ្លួន ទៅដើរតាមផ្លូវដែលមិនទាន់ត្រួស‌ត្រាយ។

យេរេមា 2:32

មិនដែលមានស្ត្រីក្រមុំណា ភ្លេចគ្រឿងអលង្ការរបស់ខ្លួន ហើយក្រមុំដែលត្រូវរៀបការក៏មិនភ្លេច ខ្សែក្រវាត់មាសរបស់ខ្លួនដែរ។ រីឯប្រជា‌ជនរបស់យើងវិញ គេបានភ្លេចយើង តាំងពីយូរ‌លង់ណាស់មកហើយ។

យេរេមា 3:2

ចូរក្រឡេកមើលទៅកំពូលភ្នំមើល៍ តើមានកន្លែងណាមួយដែលអ្នកពុំបាន ផិតក្បត់យើង? អ្នកអង្គុយតាមផ្លូវ ទន្ទឹងរង់‌ចាំគូកំណាន់ចិត្ត របស់អ្នក ដូចអារ៉ាប់អង្គុយនៅវាលរហោ‌ស្ថាន អ្នកបានធ្វើឲ្យទឹកដីនេះទៅជាសៅហ្មង ព្រោះតែអំពើផិតក្បត់ និងអំពើប្រាសចាក សីលធម៌ដែលអ្នកប្រព្រឹត្ត។

យេរេមា 31:9

ពួកគេមកដល់ ទាំងយំផង ទាំងទូល‌អង្វរផង យើងនឹងដឹកនាំពួកគេដើរតាមផ្លូវរាបស្មើ គ្មានអ្វីជំពប់ជើង តម្រង់ទៅកន្លែង ដែលមានទឹកហូរ ដ្បិតយើងជាឪពុករបស់ជន‌ជាតិអ៊ីស្រា‌អែល ហើយអេប្រាអ៊ីមជាកូនច្បងរបស់យើង»។

យេរេមា 7:29

ប្រជា‌ជនក្រុងយេរូ‌សាឡឹមអើយ អ្នកលែងជាប្រជា‌ជនដែលញែកខ្លួនថ្វាយ ព្រះ‌អម្ចាស់ទៀតហើយ! ចូរយំរៀបរាប់នៅលើភ្នំនេះទៅ! ដ្បិតព្រះ‌អម្ចាស់មិនរវី‌រវល់នឹងអ្នកទេ ព្រះអង្គបោះបង់ចោលមនុស្សមួយជំនាន់នេះ ដែលបាននាំគ្នាធ្វើឲ្យព្រះអង្គពិរោធ។

អេ‌សេ‌គាល 23:35

ព្រះ‌ជា‌អម្ចាស់មានព្រះ‌បន្ទូលដូចតទៅ៖ «ដោយនាងបានបំភ្លេចយើង ដោយនាងបែរខ្នងដាក់យើង នាងនឹងត្រូវរងទុក្ខទោស ព្រោះតែអំពើថោកទាប និងអំពើពេស្យា‌ចាររបស់ខ្លួន»។

អេ‌សេ‌គាល 7:16

អ្នកដែលគេចខ្លួនរួច នាំគ្នារត់ទៅរស់នៅតាមភ្នំ ដូចព្រាបរស់នៅតាមជ្រលងភ្នំ។ ពួកគេទាំងអស់គ្នាស្រែកថ្ងូរ ព្រោះតែកំហុសដែលម្នាក់ៗបានប្រព្រឹត្ត។

ហូសេ 13:6

ពេលពួកគេមកដល់កន្លែងសម្បូណ៌‌សប្បាយ ពួកគេបរិភោគយ៉ាងឆ្អែត‌ឆ្អន់។ ពេលពួកគេបរិភោគយ៉ាងឆ្អែត‌ឆ្អន់ ពួកគេវាយ‌ឫកខ្ពស់ ហេតុនេះហើយបានជាពួកគេបំភ្លេចយើង។

ហូសេ 8:14

អ៊ីស្រា‌អែលបំភ្លេចព្រះដែលបានបង្កើតខ្លួនមក ហើយគេនាំគ្នាសង់វិមានផ្សេងៗ។ រីឯយូដាវិញ គេសង់ទីក្រុង ដែលមានកំពែងរឹង‌មាំកាន់តែច្រើន តែយើងនឹងឲ្យភ្លើងឆាប‌ឆេះក្រុងរបស់គេ ព្រមទាំងឆេះកម្ទេចវិមានរបស់ពួកគេផង។

មីកា 3:9

នាម៉ឺនមន្ត្រីនៃកូនចៅលោកយ៉ាកុប មេដឹកនាំនៃកូនចៅលោកអ៊ីស្រា‌អែលអើយ សូមនាំគ្នាស្ដាប់! អស់លោកស្អប់យុត្តិធម៌ ហើយបង្ខូចច្បាប់។

ជន‌គណនា 22:32

ទេវតារបស់ព្រះ‌អម្ចាស់ពោលមកលោកថា៖ «ហេតុអ្វីបានជាលោកវាយលារបស់លោកដល់ទៅបីដងដូច្នេះ? ខ្ញុំបានចេញមកឃាត់លោក ដ្បិតផ្លូវដែលលោកតម្រង់ទៅនេះជាផ្លូវនាំឲ្យវិនាស។

២ កូរិនថូស 7:10

តាមពិត ទុក្ខព្រួយស្របតាមព្រះ‌ជាម្ចាស់បែបនេះ តែងតែនាំឲ្យកែប្រែចិត្តគំនិត ដើម្បីទទួលការសង្គ្រោះ ហើយយើងមិនស្ដាយក្រោយឡើយ។ រីឯទុក្ខព្រួយតាមបែបលោកីយ៍ តែងតែនាំឲ្យស្លាប់វិញ។

Síguenos en:

Enlaces Patrocinados

Anuncios

Anuncios

¡Síguenos en WhatsApp! Síguenos