La Biblia Online

Inicio
La Biblia Online
និក្ខមនំ 20:17

និក្ខមនំ 20:17 - ព្រះគម្ពីរភាសាខ្មែរបច្ចុប្បន្ន ២០០៥

¹⁷ កុំលោភ‌លន់ចង់បានផ្ទះរបស់អ្នកដទៃ កុំលោភ‌លន់ចង់បានប្រពន្ធគេ ឬក៏លោភ‌លន់ចង់បានអ្នកបម្រើប្រុស អ្នកបម្រើស្រី គោ លា ឬអ្វីផ្សេងទៀតដែលជារបស់គេឡើយ»។

Ver Capítulo Copiar

ព្រះគម្ពីរបរិសុទ្ធកែសម្រួល ២០១៦

¹⁷ កុំលោភចង់បានផ្ទះរបស់អ្នកជិតខាងខ្លួន កុំលោភចង់បានប្រពន្ធគេ ឬបាវបម្រើប្រុសស្រីរបស់គេ គោ លា ឬអ្វីផ្សេងទៀតដែលជារបស់អ្នកជិតខាងខ្លួនឡើយ»។

Ver Capítulo Copiar

ព្រះគម្ពីរបរិសុទ្ធ ១៩៥៤

¹⁷ កុំឲ្យលោភចង់បានផ្ទះអ្នកជិតខាងខ្លួនឲ្យសោះ ក៏កុំឲ្យលោភចង់បានប្រពន្ធគេ ឬបាវប្រុសបាវស្រីគេក្តី ឬគោ លា ឬរបស់អ្វីផងអ្នកជិតខាងខ្លួនឲ្យសោះ។

Ver Capítulo Copiar

អាល់គីតាប

¹⁷ កុំលោភលន់ចង់បានផ្ទះរបស់អ្នកដទៃ កុំលោភលន់ចង់បានប្រពន្ធគេ ឬក៏លោភលន់ចង់បានអ្នកបម្រើប្រុស អ្នកបម្រើស្រី គោ លា ឬអ្វីផ្សេងទៀតដែលជារបស់គេឡើយ»។

Ver Capítulo Copiar

Volver arriba ⬆

និក្ខមនំ 20:17
41 Referencias Cruzadas

លោកុ‌ប្បត្តិ 14:23

ទូលបង្គំមិនយកអ្វីៗដែលជាសម្បត្តិរបស់ព្រះ‌ករុណាសោះឡើយ សូម្បីតែអំបោះមួយសរសៃ ឬខ្សែស្បែកជើងមួយ ក៏ទូលបង្គំមិនយកដែរ កុំឲ្យព្រះ‌ករុណាមានរាជឱង្ការថា “យើងបានធ្វើឲ្យអាប់រ៉ាមទៅជាអ្នកមាន”។

លោកុ‌ប្បត្តិ 3:6

ស្ត្រីមើលទៅដើមឈើ ឃើញថាមានរស‌ជាតិឆ្ងាញ់ពិសា គួរឲ្យគយ‌គន់ ហើយថែមទាំងអាចធ្វើឲ្យមានប្រាជ្ញាទៀតផង នាងក៏បេះផ្លែមកបរិភោគ ព្រមទាំងចែកឲ្យប្ដីដែលនៅជាមួយ ហើយប្ដីក៏បរិភោគដែរ។

លោកុ‌ប្បត្តិ 34:23

បើយើងសុខចិត្តធ្វើតាមពាក្យស្នើរបស់គេ គេសុខចិត្តរស់នៅជាមួយយើង ហើយហ្វូងសត្វ ទ្រព្យសម្បត្តិ និងសត្វទាំងប៉ុន្មានរបស់គេ នឹងត្រូវបានមកជាកម្មសិទ្ធិរបស់យើងមិនខាន»។

យ៉ូប 31:1

ខ្ញុំបានសន្យាយ៉ាងម៉ឺង‌ម៉ាត់ថា ខ្ញុំនឹងមិនសម្លឹងមើលទៅ ស្ត្រីក្រមុំណាម្នាក់ ដោយចិត្តស្រើប‌ស្រាលឡើយ។

យ៉ូប 31:9

ប្រសិនបើចិត្តខ្ញុំវង្វេង ព្រោះតែស្ត្រីណាម្នាក់ ប្រសិនបើខ្ញុំឃ្លាំមើលប្ដីគេមិននៅផ្ទះ

ទំនុកតម្កើង 10:3

មនុស្សពាលតែងតែនិយាយអួត អំពីការលោភ‌លន់របស់ខ្លួន ហើយមនុស្សកេង‌ប្រវ័ញ្ចនាំគ្នានិយាយចំអក និងប្រមាថព្រះ‌អម្ចាស់។

ទំនុកតម្កើង 119:36

សូមទាក់‌ទាញចិត្តទូលបង្គំ ឲ្យធ្វើតាមដំបូន្មានរបស់ព្រះអង្គ គឺមិនមែនឲ្យរកកម្រៃឡើយ!

សុភា‌សិត 4:23

ចូរកូនថែ‌រក្សាចិត្តគំនិតដោយប្រុងប្រយ័ត្ន ដ្បិតចិត្តគំនិតរបស់កូនយ៉ាងណា ជីវិតរបស់កូនក៏យ៉ាងនោះដែរ។

សុភា‌សិត 6:29

រីឯអ្នកដែលប៉ះ‌ពាល់ប្រពន្ធគេក៏ដូច្នោះដែរ គឺត្រូវតែទទួលផលវិបាកជានិច្ច។

សាស្តា 4:8

គឺមនុស្សរស់នៅកណ្ដោច‌កណ្ដែងតែម្នាក់ឯង គ្មានកូន គ្មានបងប្អូន តែអ្នកនោះធ្វើការមិនចេះឈប់ ចង់បានទ្រព្យ មិនចេះស្កប់ចិត្ត។ តើខ្ញុំខំប្រឹងធ្វើការសម្រាប់នរណា បានជាបង្អត់ខ្លួនឯងមិនឲ្យមានសុភមង្គលដូច្នេះ? ត្រង់នេះទៀតក៏សុទ្ធតែឥតបានការ ហើយជាការខ្វល់ខ្វាយឥតអំពើ។

អេសាយ 33:15

មានតែអ្នកប្រព្រឹត្តតាមមាគ៌ាដ៏សុចរិត និងអ្នកនិយាយការពិត ទើបអាចនៅក្បែរបាន គឺអ្នកមិនប្រព្រឹត្តអំពើហិង្សា ដើម្បីរកកម្រៃ អ្នកមិនព្រមទទួលសំណូក អ្នកខ្ទប់ត្រចៀកមិនព្រមស្ដាប់ពាក្យ គេបបួលទៅប្រហារជីវិតអ្នកដទៃ អ្នកមិនចង់ឃើញអំពើអាក្រក់។

អេសាយ 57:17

យើងបានខឹងនឹងប្រជា‌រាស្ត្ររបស់យើង ព្រោះពួកគេមានចិត្តលោភ‌លន់ និងប្រព្រឹត្តអំពើអាក្រក់ យើងបានដាក់ទោសពួកគេ យើងបានគេចមុខចេញពីពួកគេ ប៉ុន្តែ ទោះជាយ៉ាងណាក្ដី ក៏ប្រជា‌ជនដ៏រឹង‌រូសនេះ នៅតែប្រព្រឹត្តតាម ទំនើងចិត្តរបស់ខ្លួនដដែល។

យេរេមា 22:17

រីឯអ្នកវិញ អ្នកគិតតែពីស្វែងរក ប្រយោជន៍ផ្ទាល់ខ្លួន។ អ្នកបង្ហូរឈាមជនស្លូតត្រង់ និងជិះ‌ជាន់ប្រជា‌រាស្ត្រយ៉ាងព្រៃ‌ផ្សៃ»។

យេរេមា 5:8

ពួកគេប្រៀបបាននឹងសេះបាដែលពេញកម្លាំង គឺម្នាក់ៗគិតតែចែ‌ចង់ប្រពន្ធគេ។

អេ‌សេ‌គាល 33:31

ប្រជា‌ជនរបស់យើងនឹងប្រមូលគ្នាមករកអ្នក ពួកគេអង្គុយនៅមុខអ្នក ស្ដាប់ពាក្យរបស់អ្នក តែមិនប្រតិបត្តិតាមទេ។ មាត់ពួកគេពោលថា គោរពពាក្យអ្នក តែពួកគេបែរជាធ្វើតាមចិត្តលោភ‌លន់របស់ខ្លួនទៅវិញ។

មីកា 2:2

បើគេប៉ុន‌ប៉ងចង់បានស្រែចម្ការណា គេដណ្ដើមយកស្រែចម្ការនោះ បើគេប៉ុន‌ប៉ងចង់បានផ្ទះណា គេរឹបអូសយកផ្ទះនោះ គេប្លន់ម្ចាស់ផ្ទះ និងគ្រួសារ ហើយដណ្ដើមយកមត៌ករបស់គាត់ទៀតផង។

ហាបាគុក 2:9

អ្នកមុខជាត្រូវវេទនាពុំ‌ខាន! ព្រោះអ្នករកទ្រព្យបានដោយទុច្ចរិត ដើម្បីធ្វើឲ្យក្រុមគ្រួសាររបស់ខ្លួន ក្លាយទៅជាអ្នកមាន ហើយសង់ផ្ទះរបស់ខ្លួនយ៉ាងខ្ពស់ ដោយចង់គេចផុតពីមហន្ត‌រាយ។

ម៉ាថាយ 20:15

តើខ្ញុំគ្មានសិទ្ធិនឹងយកប្រាក់របស់ខ្ញុំទៅធ្វើអ្វីតាមបំណងចិត្តខ្ញុំទេឬ? ឬមួយអ្នកច្រណែន មកពីឃើញខ្ញុំមានចិត្តសប្បុរស?”។

ម៉ាថាយ 5:28

រីឯខ្ញុំវិញ ខ្ញុំសុំបញ្ជាក់ប្រាប់អ្នករាល់គ្នាថា អ្នកណាមើលស្ត្រីម្នាក់ ហើយមានចិត្តស្រើប‌ស្រាលចង់រួមបវេណីជាមួយនាង អ្នកនោះដូចជាបានប្រព្រឹត្តអំពើផិតក្បត់ជាមួយនាង នៅក្នុងចិត្តរបស់ខ្លួនរួចស្រេចទៅហើយ។

លូកា 12:15

បន្ទាប់មក ព្រះអង្គមានព្រះ‌បន្ទូលទៅបណ្ដា‌ជនថា៖ «ចូរប្រយ័ត្ន កុំលោភ‌លន់ចង់បានទ្រព្យ‌សម្បត្តិឲ្យសោះ។ ទោះបីមនុស្សមានសម្បត្តិបរិបូណ៌យ៉ាងណាក៏ដោយ ក៏ជីវិតគេមិនអាស្រ័យនៅលើទ្រព្យ‌សម្បត្តិឡើយ»។

លូកា 16:14

កាលពួកខាងគណៈ‌ផារីស៊ី*ឮដូច្នោះ គេក៏ចំអកឲ្យព្រះ‌យេស៊ូ ដ្បិតពួកគេស្រឡាញ់ប្រាក់ណាស់។

កិច្ចការ 20:33

ខ្ញុំមិនដែលចង់បានមាស ប្រាក់ ឬសម្លៀក‌បំពាក់អ្វីពីនរណាឡើយ។

កិច្ចការ 5:4

កាលដើមឡើយ ដីនោះជាកម្មសិទ្ធិរបស់អ្នក លុះដល់អ្នកលក់ផុតទៅ ប្រាក់ដែលបានមកនោះអ្នកអាចប្រើ‌ប្រាស់តាមចិត្ត! ចុះហេតុដូចម្ដេចបានជាអ្នកមានគំនិតប្រព្រឹត្តយ៉ាងហ្នឹង? អ្នកបានកុហកព្រះ‌ជាម្ចាស់ គឺមិនមែនកុហកមនុស្សទេ»។

រ៉ូម 13:9

ព្រោះមានសេចក្ដីចែងទុកមកថា «កុំប្រព្រឹត្តអំពើផិតក្បត់ កុំសម្លាប់មនុស្ស កុំលួចទ្រព្យ‌សម្បត្តិគេ កុំមានចិត្តលោភ‌លន់» ព្រមទាំងមានបទ‌បញ្ជាឯទៀតដែលសរុបមកក្នុងពាក្យតែមួយនេះថា: «ចូរស្រឡាញ់បងប្អូនឯទៀតៗ ឲ្យបានដូចស្រឡាញ់ខ្លួនឯងដែរ» ។

រ៉ូម 7:7

ដូច្នេះ តើយើងគិតដូចម្ដេច? តើក្រឹត្យ‌វិន័យជាបាបឬ? ទេ មិនមែនទេ។ ប៉ុន្តែ ប្រសិនបើគ្មានក្រឹត្យ‌វិន័យទេនោះ ខ្ញុំក៏មិនដឹងថា បាបជាអ្វីដែរ។ ប្រសិនបើក្រឹត្យ‌វិន័យមិនហាមថា «កុំលោភ‌លន់» នោះខ្ញុំមុខជាពុំដឹងថាការលោភ‌លន់នេះជាអ្វីផង។

១ កូរិន‌ថូស 6:10

ពួកចោរប្លន់ ពួកលោភ‌លន់ចង់បានទ្រព្យគេ ពួកប្រមឹក ពួកជេរប្រមាថ ពួកប្លន់យកទ្រព្យគេ ពុំអាចទទួលព្រះ‌រាជ្យរបស់ព្រះ‌ជាម្ចាស់ទុកជាមត៌កឡើយ។

អេភេសូរ 5:3

ដោយបងប្អូនជាប្រជា‌ជនដ៏វិសុទ្ធ* មិនត្រូវឲ្យមានឮនិយាយអំពីការប្រាស‌ចាកសីលធម៌ អបាយ‌មុខគ្រប់យ៉ាង ឬការលោភ‌លន់ក្នុងចំណោមបងប្អូនសោះឡើយ

អេភេសូរ 5:5

ចូរដឹងឲ្យច្បាស់ថា អ្នកប្រាស‌ចាកសីលធម៌ អ្នកប្រព្រឹត្តអំពើអបាយ‌មុខ និងអ្នកលោភ‌លន់ដែលយកទ្រព្យសម្បត្តិធ្វើជាព្រះ មិនអាចទទួលមត៌កក្នុងព្រះ‌រាជ្យ*របស់ព្រះ‌គ្រិស្ត និងរបស់ព្រះ‌ជាម្ចាស់បានជាដាច់ខាត។

ចោទិយ‌កថា 5:21

កុំលោភ‌លន់ចង់បានប្រពន្ធគេ កុំប៉ង‌ប្រាថ្នាចង់បានផ្ទះរបស់អ្នកដទៃ ឬក៏ចង់បានស្រែចម្ការ អ្នកបម្រើប្រុស អ្នកបម្រើស្រី គោ លា ឬរបស់អ្វីផ្សេងទៀតរបស់គេឡើយ”។

ចោទិយ‌កថា 7:25

ត្រូវដុតកម្ទេចរូបព្រះរបស់ពួកគេ ដោយឥតនឹកស្ដាយមាសប្រាក់ ដែលស្ថិតនៅលើរូបទាំងនោះឡើយ។ កុំទុកវត្ថុទាំងនោះឲ្យសោះ ក្រែងលោវាក្លាយទៅជាអន្ទាក់ដល់អ្នក ដ្បិតព្រះ‌អម្ចាស់ ជាព្រះរបស់អ្នក ស្អប់វត្ថុទាំងនោះណាស់។

ភីលីព 3:19

ដល់ទីបំផុត អ្នកទាំងនោះត្រូវវិនាសអន្តរាយ គេយកក្រពះធ្វើជាព្រះ យកកេរខ្មាសធ្វើជាកិត្តិយស ហើយគិតតែពីអ្វីៗដែលនៅលើផែនដីនេះប៉ុណ្ណោះ។

កូឡុស 3:5

ដូច្នេះ សូមបងប្អូនសម្លាប់អ្វីៗខាងលោកីយ៍ចោលទៅ គឺអំពើប្រាស‌ចាកសីលធម៌ អំពើសៅ‌ហ្មង ចិត្តស្រើប‌ស្រាល បំណងប្រាថ្នាអាក្រក់ និងចិត្តលោភ‌លន់ គឺយកទ្រព្យ‌សម្បត្តិធ្វើជាព្រះ។

ហេព្រើរ 13:5

កុំបណ្ដោយខ្លួនឲ្យឈ្លក់នឹងការស្រឡាញ់ប្រាក់ឡើយ គឺត្រូវស្កប់ចិត្តនឹងទ្រព្យសម្បត្តិ ដែលបងប្អូនមាននៅពេលនេះ ដ្បិតព្រះ‌ជាម្ចាស់មានព្រះ‌បន្ទូលថា៖ «យើងនឹងមិនទុកអ្នកចោល ហើយក៏មិនបោះបង់អ្នកចោលដែរ»។

យ៉ូស្វេ 7:21

ក្នុងជយ‌ភណ្ឌខ្ញុំប្របាទបានឃើញអាវធំមួយយ៉ាងល្អប្រណីត ធ្វើនៅស្រុកស៊ី‌ណើរ ហើយឃើញប្រាក់សុទ្ធទម្ងន់ប្រមាណហុក‌សិបតម្លឹង និងមាសមួយដុំទម្ងន់ប្រមាណដប់ប្រាំតម្លឹង។ ដោយខ្ញុំប្របាទចង់បានពេក ខ្ញុំប្របាទក៏យករបស់ទាំងនោះ។ ឥឡូវនេះ ខ្ញុំប្របាទកប់ទុកនៅក្នុងតង់ត៍របស់ខ្ញុំប្របាទ ដោយដាក់ប្រាក់នៅក្រោមគេបង្អស់»។

១ សាំ‌យូ‌អែល 12:3

ឥឡូវនេះ ខ្ញុំឈរនៅមុខអ្នករាល់គ្នាស្រាប់ហើយ សូមចោទប្រកាន់ខ្ញុំ នៅចំពោះព្រះ‌ភ័ក្ត្រព្រះ‌អម្ចាស់ និងនៅចំពោះស្ដេច ដែលព្រះអង្គចាក់ប្រេងអភិ‌សេកចុះ ថាតើខ្ញុំដែលយកគោ ឬលារបស់អ្នកណាខ្លះ? តើខ្ញុំបានកេង‌ប្រវ័ញ្ច និងសង្កត់‌សង្កិននរណាខ្លះ? តើខ្ញុំបានទទួលសំណូកពីនរណា ហើយបិទភ្នែកបណ្ដោយឲ្យគេធ្វើតាមចិត្ត? ប្រសិនបើខ្ញុំបានធ្វើដូច្នោះមែន ខ្ញុំនឹងសងទៅគេវិញ»។

១ សាំ‌យូ‌អែល 15:19

ហេតុអ្វីបានជាព្រះ‌ករុណាមិនគោរពតាមព្រះ‌បន្ទូលរបស់ព្រះ‌អម្ចាស់? ហេតុអ្វីបានជាព្រះ‌ករុណាយកជយ‌ភណ្ឌពីខ្មាំង ហើយប្រព្រឹត្តអំពើអាក្រក់មិនគាប់ព្រះ‌ហឫទ័យព្រះអង្គទៀតដូច្នេះ?»។

Síguenos en:

Enlaces Patrocinados

Anuncios

Anuncios

¡Síguenos en WhatsApp! Síguenos