La Biblia Online

Inicio
La Biblia Online
ជន‌គណនា 27:18

ជន‌គណនា 27:18 - ព្រះគម្ពីរភាសាខ្មែរបច្ចុប្បន្ន ២០០៥

¹⁸ ព្រះ‌អម្ចាស់មានព្រះ‌បន្ទូលមកលោកម៉ូសេថា៖ «ចូរនាំយ៉ូស្វេ ជាកូនរបស់នូន ជាមនុស្សដែលមានព្រះ‌វិញ្ញាណគង់ជាមួយមក ហើយដាក់ដៃលើគាត់។

Ver Capítulo Copiar

ព្រះគម្ពីរបរិសុទ្ធកែសម្រួល ២០១៦

¹⁸ ដូច្នេះ ព្រះ‌យេហូវ៉ាមានព្រះ‌បន្ទូលមកកាន់លោកម៉ូសេថា៖ «ចូរនាំយ៉ូស្វេ កូនរបស់នុន ជាមនុស្សដែលមានព្រះ‌វិញ្ញាណសណ្ឋិតលើមក ហើយដាក់ដៃលើគាត់

Ver Capítulo Copiar

ព្រះគម្ពីរបរិសុទ្ធ ១៩៥៤

¹⁸ រួចព្រះ‌យេហូវ៉ាទ្រង់មានបន្ទូលនឹងម៉ូសេថា ចូរនាំយកយ៉ូស្វេកូននុន ជាមនុស្សដែលមានព្រះ‌វិញ្ញាណសណ្ឋិតលើមក ហើយដាក់ដៃលើលោក

Ver Capítulo Copiar

អាល់គីតាប

¹⁸ អុលឡោះ‌តាអាឡាមានបន្ទូលមកម៉ូសាថា៖ «ចូរនាំយ៉ូស្វេ ជាកូនរបស់នូន ជាមនុស្សដែលមានរសអុលឡោះនៅជាមួយមក ហើយដាក់ដៃលើគាត់។

Ver Capítulo Copiar

Volver arriba ⬆

ជន‌គណនា 27:18
32 Referencias Cruzadas

លោកុ‌ប្បត្តិ 41:38

ព្រះចៅផារ៉ោនមានរាជ‌ឱង្ការទៅកាន់មន្ត្រីទាំងនោះថា៖ «យើងពុំអាចរកបុរសផ្សេងទៀត ដែលមានព្រះ‌វិញ្ញាណរបស់ព្រះ‌ជាម្ចាស់គង់ជាមួយ ដូចលោកនេះឡើយ»។

១ របា‌ក្សត្រ 7:27

លោកអេលី‌សាម៉ាជាឪពុករបស់លោកនូន លោកនូនជាឪពុករបស់លោកយ៉ូស្វេ។

និក្ខមនំ 17:9

លោកម៉ូសេពោលទៅកាន់លោកយ៉ូស្វេថា៖ «ចូរជ្រើស‌រើសមនុស្សមួយចំនួន ហើយចេញទៅច្បាំងជាមួយជន‌ជាតិអាម៉ា‌ឡេកចុះ។ ស្អែក ខ្ញុំនឹងឡើងទៅឈរលើកំពូលភ្នំ ទាំងកាន់ដំបងរបស់ព្រះ‌ជាម្ចាស់»។

ដានី‌យ៉ែល 5:14

យើងបានឮគេនិយាយថា លោកមានវិញ្ញាណរបស់ព្រះនៅក្នុងខ្លួន និងដឹងការលាក់កំបាំង ហើយមានតម្រិះប្រាជ្ញាដ៏វាង‌វៃអស្ចារ្យ។

ជន‌គណនា 11:17

យើងនឹងចុះមកនិយាយជាមួយអ្នក យើងនឹងយកវិញ្ញាណដែលស្ថិតនៅក្នុងអ្នក ទៅដាក់ក្នុងពួកគេទាំងអស់គ្នា ដើម្បីឲ្យពួកគេរំលែកបន្ទុក ក្នុងការមើលខុសត្រូវលើប្រជា‌ជនជាមួយអ្នកដែរ កុំឲ្យអ្នកទទួលបន្ទុកនេះតែម្នាក់ឯង។

ជន‌គណនា 13:16

នេះហើយជាឈ្មោះរបស់អស់អ្នកដែលលោកម៉ូសេចាត់ឲ្យទៅសង្កេតមើលស្រុក។ លោកម៉ូសេបានដាក់ឈ្មោះលោកហូសេ ជាកូនរបស់លោកនូនថា យ៉ូស្វេ ។

ជន‌គណនា 13:8

កុល‌សម្ព័ន្ធអេប្រាអ៊ីម គឺលោកហូសេ ជាកូនរបស់លោកនូន។

ជន‌គណនា 27:23

លោកដាក់ដៃលើលោកយ៉ូស្វេ ដើម្បីប្រគល់តំណែងឲ្យ ស្របតាមព្រះ‌បន្ទូលដែលព្រះ‌អម្ចាស់បង្គាប់មកលោកម៉ូសេ។

យ៉ូហាន 3:34

ព្រះអង្គដែលព្រះ‌ជាម្ចាស់ចាត់ឲ្យយាងមក ថ្លែងព្រះ‌បន្ទូលរបស់ព្រះ‌ជាម្ចាស់ ព្រោះព្រះ‌ជាម្ចាស់ប្រទានព្រះ‌វិញ្ញាណមកព្រះអង្គយ៉ាងបរិបូណ៌។

កិច្ចការ 13:3

ក្រោយពីបាននាំគ្នាតមអាហារ និងអធិស្ឋាន*រួចហើយ គេបានដាក់ដៃ*លើលោកទាំងពីរ ហើយឲ្យលោកចេញទៅ។

កិច្ចការ 19:6

លោកប៉ូលបានដាក់ដៃលើគេ ព្រះ‌វិញ្ញាណដ៏វិសុទ្ធក៏យាងមកសណ្ឋិតលើគេ ហើយគេនាំគ្នានិយាយភាសាចម្លែកអស្ចារ្យ* និងថ្លែងព្រះ‌បន្ទូលផង។

កិច្ចការ 6:3

ហេតុនេះ បងប្អូនអើយ សូមនាំគ្នាជ្រើសរើសយកបុរសប្រាំ‌ពីររូប ក្នុងចំណោមបងប្អូន ដែលជាអ្នកមានកេរ្តិ៍‌ឈ្មោះល្អ ហើយពោរ‌ពេញដោយព្រះ‌វិញ្ញាណ និងប្រាជ្ញាឈ្លាសវៃ។ យើងខ្ញុំនឹងតែង‌តាំងគេឲ្យបំពេញមុខងារនេះ។

កិច្ចការ 6:6

គេនាំអ្នកទាំងនោះមកជួបក្រុមសាវ័ក ក្រុមសាវ័កក៏នាំគ្នាអធិស្ឋាន ហើយដាក់ដៃ*ពីលើអ្នកទាំងនោះ។

ចោទិយ‌កថា 1:37

ព្រោះតែអ្នករាល់គ្នា ព្រះ‌អម្ចាស់ក៏ទ្រង់ព្រះ‌ពិរោធនឹងខ្ញុំ ព្រះអង្គមានព្រះ‌បន្ទូលមកខ្ញុំថា “សូម្បីតែអ្នកក៏មិនចូលទៅស្រុកនោះដែរ។

ចោទិយ‌កថា 3:21

នៅគ្រានោះ ខ្ញុំបានបញ្ជាទៅលោកយ៉ូស្វេថា “អ្នកបានឃើញផ្ទាល់នឹងភ្នែក អំពីការដែលព្រះ‌អម្ចាស់ ជាព្រះរបស់អ្នករាល់គ្នា បានប្រព្រឹត្តចំពោះស្ដេចទាំងពីរនេះស្រាប់ហើយ ព្រះ‌អម្ចាស់ក៏នឹងប្រព្រឹត្តចំពោះនគរទាំងប៉ុន្មានទៀត ដែលអ្នកត្រូវទៅវាយយកយ៉ាងនោះដែរ។

ចោទិយ‌កថា 3:28

ចូរចេញបញ្ជាទៅយ៉ូស្វេ ចូរលើកទឹកចិត្តគេឲ្យក្លា‌ហាន ដ្បិតយ៉ូស្វេនឹងនាំមុខប្រជា‌ជនឆ្លងកាត់ទន្លេយ័រដាន់ ហើយចែកទឹកដីដែលអ្នកមើលឃើញនេះ ឲ្យពួកគេទុកជាកេរ‌មត៌ក”។

ចោទិយ‌កថា 31:14

ព្រះ‌អម្ចាស់មានព្រះ‌បន្ទូលមកកាន់លោកម៉ូសេថា៖ «ឥឡូវនេះ ជិតដល់ថ្ងៃដែលអ្នកត្រូវស្លាប់ហើយ។ ចូរហៅយ៉ូស្វេមក ហើយអ្នកទាំងពីរត្រូវឈរនៅមាត់ទ្វារពន្លាជួបព្រះ‌អម្ចាស់។ យើងនឹងចេញបញ្ជាដល់យ៉ូស្វេ»។ លោកម៉ូសេ និងលោកយ៉ូស្វេ នាំគ្នាទៅឈរនៅមាត់ទ្វារពន្លាជួបព្រះ‌អម្ចាស់។

ចោទិយ‌កថា 31:23

ព្រះ‌អម្ចាស់បង្គាប់លោកយ៉ូស្វេ ជាកូនរបស់លោកនូនថា៖ «ចូរមានកម្លាំង និងចិត្តក្លា‌ហានឡើង ដ្បិតអ្នកនឹងនាំជន‌ជាតិអ៊ីស្រា‌អែលចូលទៅក្នុងស្រុក ដែលយើងបានសន្យាយ៉ាងម៉ឺង‌ម៉ាត់ ថាប្រគល់ឲ្យពួកគេ។ យើងនឹងស្ថិតនៅជាមួយអ្នក»។

ចោទិយ‌កថា 31:3

ព្រះ‌អម្ចាស់ ជាព្រះរបស់អ្នក នឹងយាងនៅមុខអ្នក ព្រះអង្គនឹងបំផ្លាញប្រជា‌ជាតិនានាចេញពីមុខអ្នក ដើម្បីឲ្យអ្នកដណ្ដើមយកស្រុកពីពួកគេ។ លោកយ៉ូស្វេនឹងធ្វើជាមេដឹកនាំរបស់អ្នក ដូចព្រះ‌អម្ចាស់មានព្រះ‌បន្ទូល។

ចោទិយ‌កថា 34:9

លោកយ៉ូស្វេ ជាកូនរបស់លោកនូន ពោរ‌ពេញដោយប្រាជ្ញា‌ញាណ ដ្បិតលោកម៉ូសេបានដាក់ដៃលើលោក ។ ជន‌ជាតិអ៊ីស្រា‌អែលនាំគ្នាស្ដាប់បង្គាប់លោកយ៉ូស្វេ ដោយធ្វើតាមព្រះ‌បន្ទូលដែលព្រះ‌អម្ចាស់បង្គាប់មកលោកម៉ូសេ។

១ ធីម៉ូថេ 4:14

កុំធ្វេស‌ប្រហែសនឹងព្រះ‌អំណោយទានដែលស្ថិតនៅក្នុងអ្នក គឺជាព្រះ‌អំណោយទាន ដែលអ្នកបានទទួល ដោយពាក្យដែលគេបានថ្លែងប្រាប់ក្នុងនាមព្រះ‌អម្ចាស់ និងដោយក្រុមព្រឹទ្ធា‌ចារ្យ*បានដាក់ដៃ*លើ

១ ធីម៉ូថេ 5:22

កុំប្រញាប់ដាក់ដៃតែង‌តាំងអ្នកណាម្នាក់ពេក ដើម្បីកុំឲ្យចូលរួមក្នុងអំពើបាបរបស់អ្នកដទៃ។ ចូររក្សាខ្លួនឲ្យបរិសុទ្ធ*។

ហេព្រើរ 6:2

អំពីសេចក្ដីបង្រៀនពីការជ្រមុជផ្សេងៗ អំពីពិធីដាក់ដៃ* អំពីការរស់ឡើងវិញ ឬអំពីការវិនិច្ឆ័យទោសអស់‌កល្បជានិច្ចនោះឡើយ។

យ៉ូស្វេ 1:17

យើងខ្ញុំធ្លាប់ស្ដាប់បង្គាប់លោកម៉ូសេសព្វគ្រប់យ៉ាងណា យើងក៏ស្ដាប់បង្គាប់លោកយ៉ាងនោះដែរ។ សូមព្រះ‌អម្ចាស់ជាព្រះរបស់លោកគង់នៅជាមួយលោក ដូចព្រះអង្គបានគង់នៅជាមួយលោកម៉ូសេដែរ។

ពួកចៅ‌ហ្វាយ 11:29

គ្រានោះ ព្រះ‌វិញ្ញាណនៃព្រះ‌អម្ចាស់សណ្ឋិតលើលោកយែបថា លោកបានធ្វើដំណើរកាត់ស្រុកកាឡាដ និងស្រុកម៉ាណា‌សេ រួចទៅដល់មីស‌ប៉ា ក្នុងស្រុកកាឡាដ។ បន្ទាប់មក លោកបន្តដំណើរពីទីនោះ ឆ្ពោះទៅស្រុកអាំម៉ូន។

ពួកចៅ‌ហ្វាយ 3:10

ព្រះ‌វិញ្ញាណនៃព្រះ‌អម្ចាស់សណ្ឋិតលើលោកអូធ្នាល លោកក៏ធ្វើជាមេដឹកនាំរបស់ប្រជា‌ជនអ៊ីស្រា‌អែល។ លោកអូធ្នាលចេញទៅច្បាំង ហើយព្រះ‌អម្ចាស់ប្រទានឲ្យលោកមានជ័យ‌ជម្នះ ដោយប្រគល់ព្រះ‌បាទគូសាន-រីសា‌ថែម ជាស្ដេចស្រុកអើ‌រ៉ាម-ណាហា‌រេម មកក្នុងកណ្ដាប់ដៃរបស់លោក។

១ សាំ‌យូ‌អែល 16:18

រាជបម្រើម្នាក់ទូលថា៖ «ទូលបង្គំស្គាល់យុវជនម្នាក់ ជាកូនរបស់លោកអ៊ីសាយ អ្នកភូមិបេថ្លេ‌ហិម។ គេចេះលេងភ្លេង ជាអ្នកក្លាហានអង់‌អាច ជាអ្នកចម្បាំងដ៏ខ្លាំង‌ក្លា ឈ្លាស‌វៃក្នុងការនិយាយស្ដី មានរូបសម្បត្តិល្អស្អាត ហើយព្រះ‌អម្ចាស់ក៏គង់នៅជាមួយដែរ»។

Síguenos en:

Enlaces Patrocinados

Anuncios

Anuncios

¡Síguenos en WhatsApp! Síguenos