សាស្តា 3:8 - ព្រះគម្ពីរខ្មែរសាកល

⁸ ពេល​សម្រាប់​ស្រឡាញ់ និង​ពេល​សម្រាប់​ស្អប់​; ពេល​សម្រាប់​សង្គ្រាម និង​ពេល​សម្រាប់​សន្តិភាព​។

ព្រះគម្ពីរបរិសុទ្ធកែសម្រួល ២០១៦

⁸ មាន​ពេល​សម្រាប់​ស្រឡាញ់ ពេល​សម្រាប់​ស្អប់ មាន​ពេល​សម្រាប់​ចម្បាំង និង​ពេល​សម្រាប់​សេចក្ដី​សុខ។

ព្រះគម្ពីរភាសាខ្មែរបច្ចុប្បន្ន ២០០៥

⁸ មាន​ពេល​ស្រឡាញ់ មាន​ពេល​ស្អប់ មាន​ពេល​ធ្វើ​សង្គ្រាម មាន​ពេល​សន្តិ‌ភាព។

ព្រះគម្ពីរបរិសុទ្ធ ១៩៥៤

⁸ មាន​ពេល​សំរាប់​ស្រឡាញ់ ហើយ​ពេល​សំរាប់​ស្អប់ មាន​ពេល​សំរាប់​ចំបាំង ហើយ​ពេល​សំរាប់​សេចក្ដី​សុខ

អាល់គីតាប

⁸ មាន​ពេល​ស្រឡាញ់ មាន​ពេល​ស្អប់ មាន​ពេល​ធ្វើ​សង្គ្រាម មាន​ពេល​សន្តិ‌ភាព។

សាស្តា 3:8 Referencias Cruzadas

ទំនុកតម្កើង 101:3

ទូលបង្គំ​នឹង​មិន​ដាក់​សេចក្ដីចង្រៃ​អ្វីមួយ​នៅចំពោះ​ភ្នែក​របស់ទូលបង្គំ​ឡើយ​។ ទូលបង្គំ​ស្អប់​ទង្វើ​របស់​អ្នកដែលបែរចេញ​; ទង្វើទាំងនោះ​មិន​នៅជាប់​នឹង​ទូលបង្គំ​ឡើយ​។

ទំនុកតម្កើង 105:25

ព្រះអង្គ​បាន​បង្វែរ​ចិត្ត​របស់ពួកបច្ចាមិត្ត​ឲ្យ​ស្អប់​ប្រជារាស្ត្រ​របស់ព្រះអង្គ ហើយ​ឲ្យ​ប្រព្រឹត្តដោយឧបាយកល​ទាស់នឹង​ពួក​បាវបម្រើ​របស់ព្រះអង្គ​។

ទំនុកតម្កើង 139:21

ព្រះយេហូវ៉ា​អើយ តើ​ទូលបង្គំ​មិន​ស្អប់​អ្នកដែល​ស្អប់​ព្រះអង្គ​ទេ​ឬ​? តើ​ទូលបង្គំ​មិន​ស្អប់ខ្ពើម​អ្នកដែលក្រោកឡើងប្រឆាំងនឹង​ព្រះអង្គ​ទេ​ឬ​?

សុភា‌សិត 13:5

មនុស្ស​សុចរិត​ស្អប់​ពាក្យ​ភូតភរ រីឯ​មនុស្ស​អាក្រក់​វិញ បញ្ចេញសេចក្ដីសម្អុយ ទាំង​ប្រព្រឹត្តគួរឲ្យខ្មាស​ផង​។

លូកា 14:26

“ប្រសិនបើ​អ្នកណា​មកឯ​ខ្ញុំ ហើយ​មិន​ស្អប់​ឪពុក ម្ដាយ ប្រពន្ធ កូន​ៗ បងប្អូនប្រុស និង​បងប្អូនស្រី​របស់​ខ្លួន ថែមទាំង​មិន​ស្អប់​ជីវិត​របស់​ខ្លួន​ទេ អ្នកនោះ​មិនអាច​ធ្វើជា​សិស្ស​របស់ខ្ញុំ​បានឡើយ​។

អេភេសូរ 3:19

ហើយ​ឲ្យ​ស្គាល់​សេចក្ដីស្រឡាញ់​របស់​ព្រះ​គ្រីស្ទ​ដែល​ហួសវិស័យ​លើសពី​ចំណេះដឹង​របស់មនុស្ស ព្រមទាំង​ឲ្យ​អ្នករាល់គ្នា​ត្រូវបាន​បំពេញ​ដោយ​គ្រប់ទាំង​ភាពពេញលេញ​របស់​ព្រះ​។

អេភេសូរ 5:25

ប្ដី​រាល់គ្នា​អើយ ចូរ​ស្រឡាញ់​ប្រពន្ធ ដូចដែល​ព្រះ​គ្រីស្ទ​បាន​ស្រឡាញ់​ក្រុមជំនុំ ហើយ​បាន​ប្រគល់​អង្គទ្រង់​ជំនួស​ក្រុមជំនុំ​ដែរ

ទីតុស 2:4

ដើម្បីឲ្យ​គាត់​អាច​អប់រំ​ស្ត្រី​ក្មេង​ឲ្យ​ស្រឡាញ់ប្ដី ស្រឡាញ់កូន

វិវរណៈ 2:2

យើង​ស្គាល់​កិច្ចការ​របស់អ្នក ទាំង​ការនឿយហត់ និង​ការអត់ធ្មត់​របស់អ្នក ព្រមទាំង​ដឹង​ថា អ្នក​មិនអាច​ទ្រាំទ្រ​នឹង​មនុស្ស​អាក្រក់​បានឡើយ​។ អ្នក​បាន​ល្បងល​ពួក​ដែល​ហៅ​ខ្លួនឯង​ថា​សាវ័ក ប៉ុន្តែ​តាមពិត​មិនមែន​ជា​សាវ័ក ហើយ​ឃើញថា​ពួកគេ​ជា​អ្នក​ភូតភរ​។