ទំនុកតម្កើង 94:22 - ព្រះគម្ពីរខ្មែរសាកល

²² យ៉ាងណាមិញ ព្រះយេហូវ៉ា​ជា​ទីពឹងជ្រក​របស់​ខ្ញុំ ព្រះ​របស់ខ្ញុំ​ជា​ថ្មដា​នៃ​ជម្រក​របស់ខ្ញុំ​។

ព្រះគម្ពីរបរិសុទ្ធកែសម្រួល ២០១៦

²² ប៉ុន្តែ ព្រះ‌យេហូវ៉ា​ជា​ទី​ពឹង​មាំ​មួន​នៃ​ទូល‌បង្គំ ហើយ​ព្រះ​នៃ​ទូល‌បង្គំ​ព្រះ‌អង្គ​ជា​ថ្ម​ដា និង​ជា​ជម្រក​នៃ​ទូល‌បង្គំ។

ព្រះគម្ពីរភាសាខ្មែរបច្ចុប្បន្ន ២០០៥

²² ក៏​ប៉ុន្តែ ព្រះ‌អម្ចាស់​ជា​កំពែង​ការពារ​ខ្ញុំ ព្រះ​របស់​ខ្ញុំ​ជា​ថ្ម‌ដា និង​ជា​ជម្រក សម្រាប់​ខ្ញុំ។

ព្រះគម្ពីរបរិសុទ្ធ ១៩៥៤

²² ប៉ុន្តែព្រះ‌យេហូវ៉ា​ទ្រង់​ជា​ទី​ពឹង​យ៉ាង​ខ្ពស់​នៃ​ទូលបង្គំ គឺ​ព្រះ​នៃ​ទូលបង្គំ ទ្រង់​ជា​ថ្មដា ដែល​ទូលបង្គំ​ពឹង‌ពាក់​បាន

អាល់គីតាប

²² ក៏​ប៉ុន្តែ អុលឡោះ‌តាអាឡា​ជា​កំពែង​ការពារ​ខ្ញុំ ម្ចាស់​របស់​ខ្ញុំ​ជា​ថ្ម‌ដា និង​ជា​ជំរក សម្រាប់​ខ្ញុំ។

ទំនុកតម្កើង 94:22 Referencias Cruzadas

ទំនុកតម្កើង 18:2

ព្រះយេហូវ៉ា​ជា​ថ្មដា​របស់ខ្ញុំ ជា​បន្ទាយ​របស់ខ្ញុំ និង​ជា​ព្រះរំដោះ​របស់ខ្ញុំ​។ ព្រះ​របស់ខ្ញុំ​ជា​ថ្មដា​របស់ខ្ញុំ ខ្ញុំ​ជ្រកកោន​ក្នុង​ព្រះអង្គ​! ព្រះអង្គជា​ខែល​របស់ខ្ញុំ ជា​ស្នែង​នៃ​សេចក្ដីសង្គ្រោះ​របស់ខ្ញុំ និង​ជា​ទីពឹងជ្រក​របស់ខ្ញុំ​។

ទំនុកតម្កើង 59:9

ឱ​កម្លាំង​នៃទូលបង្គំ​អើយ ទូលបង្គំ​នឹង​រង់ចាំ​ព្រះអង្គ​! ឱ​ព្រះ​អើយ ព្រះអង្គជា​ទីពឹងជ្រក​នៃទូលបង្គំ​!

ទំនុកតម្កើង 62:2

មានតែ​ព្រះអង្គ​ប៉ុណ្ណោះ​ជា​ថ្មដា ជា​សេចក្ដីសង្គ្រោះ និង​ជា​ទីពឹងជ្រក​របស់ខ្ញុំ ខ្ញុំ​នឹង​មិន​រង្គើ​ជាខ្លាំង​ឡើយ​។

ទំនុកតម្កើង 62:6

មានតែ​ព្រះអង្គ​ប៉ុណ្ណោះ​ជា​ថ្មដា ជា​សេចក្ដីសង្គ្រោះ និង​ជា​ទីពឹងជ្រក​របស់ខ្ញុំ ខ្ញុំ​នឹង​មិន​រង្គើ​ឡើយ​។

ទំនុកតម្កើង 62:8

ប្រជាជន​អើយ ចូរ​ជឿទុកចិត្តលើ​ព្រះអង្គ​គ្រប់ពេលវេលា ចូរ​បង្ហូរ​ចិត្ត​របស់អ្នករាល់គ្នា​ចេញ​នៅចំពោះ​ព្រះអង្គ​ចុះ គឺ​ព្រះ​ហើយ ជា​ជម្រក​ដល់​យើង​! សេឡា

ទំនុកតម្កើង 9:9

ព្រះយេហូវ៉ា​ជា​ទីពឹងជ្រក​ដល់​អ្នកដែល​ត្រូវគេ​សង្កត់សង្កិន ជា​ទីពឹងជ្រក​នៅ​ពេល​មាន​ទុក្ខលំបាក​។

ទំនុកតម្កើង 94:10

ព្រះអង្គដែល​វាយប្រដៅ​ប្រជាជាតិ​នានា គឺ​ព្រះអង្គដែល​បង្រៀន​ចំណេះដឹង​ដល់​មនុស្ស តើ​ព្រះអង្គ​មិន​ស្ដីបន្ទោស​ទេ​ឬ​?

អេសាយ 33:16

គឺ​អ្នកនោះ​ហើយ បាន​ស្នាក់នៅ​កន្លែងខ្ពស់​។ ទីពឹងជ្រក​របស់អ្នកនោះ​ជា​បន្ទាយ​នៃ​ថ្មដា អាហារ​របស់អ្នកនោះ​នឹង​ត្រូវបាន​ប្រទានមក ទឹក​របស់អ្នកនោះ​នឹង​មាននៅជានិច្ច​។