ទំនុកតម្កើង 89:1 - ព្រះគម្ពីរខ្មែរសាកល

¹ ខ្ញុំ​នឹង​ច្រៀង​អំពី​សេចក្ដីស្រឡាញ់ឥតប្រែប្រួល​របស់​ព្រះយេហូវ៉ា​ជារៀងរហូត ខ្ញុំ​នឹង​ធ្វើឲ្យ​សេចក្ដីស្មោះត្រង់​របស់ព្រះអង្គ ត្រូវគេ​ស្គាល់​ដោយ​មាត់​របស់ខ្ញុំ​ពីជំនាន់មួយទៅជំនាន់មួយ​។

ព្រះគម្ពីរបរិសុទ្ធកែសម្រួល ២០១៦

¹ ទូល‌បង្គំ​នឹង​ច្រៀង​ពី​ព្រះ‌ហឫ‌ទ័យ​សប្បុរស របស់​ព្រះ‌យេហូវ៉ា ជា​រៀង​រហូត មាត់​ទូល‌បង្គំ​នឹងប្រកាស ពី​ព្រះ‌ហឫ‌ទ័យ​ស្មោះ‌ត្រង់របស់​ព្រះ‌អង្គ ឲ្យ​មនុស្ស​គ្រប់​ជំនាន់បាន​ស្គាល់ត​រៀង​ទៅ។

ព្រះគម្ពីរភាសាខ្មែរបច្ចុប្បន្ន ២០០៥

¹ ខ្ញុំ​នឹង​ច្រៀង​សរសើរ​ព្រះ‌ហឫទ័យ មេត្តា‌ករុណា​របស់​ព្រះ‌អម្ចាស់ រហូត​ត​ទៅ។ ខ្ញុំ​នឹង​ប្រកាស​អំពី​ព្រះ‌ហឫទ័យ​ស្មោះ‌ស្ម័គ្រ របស់​ព្រះអង្គ អស់‌កល្ប​ជា​អង្វែង​ត​រៀង​ទៅ។

ព្រះគម្ពីរបរិសុទ្ធ ១៩៥៤

¹ ទូលបង្គំ​នឹង​ច្រៀង​ពី​ព្រះ‌គុណ​នៃ​ព្រះ‌យេហូវ៉ា ជា​ដរាប មាត់​ទូលបង្គំ​នឹង​សំដែង​ឲ្យ​ស្គាល់​សេចក្ដី​ស្មោះ‌ត្រង់ របស់​ទ្រង់ រហូត​ដល់​អស់​ទាំង​ដំណ​ត​ទៅ

អាល់គីតាប

¹ ខ្ញុំ​នឹង​ច្រៀង​សរសើរ​ចិត្ត មេត្តា‌ករុណា​របស់​អុលឡោះ‌តាអាឡា រហូត​ត​ទៅ។ ខ្ញុំ​នឹង​ប្រកាស​អំពី​ចិត្ត​ស្មោះ‌ស្ម័គ្រ របស់​ទ្រង់ អស់‌កល្ប​ជា​អង្វែង​ត​រៀង​ទៅ។

ទំនុកតម្កើង 89:1 Referencias Cruzadas

ទំនុកតម្កើង 101:1

ទូលបង្គំ​នឹង​ច្រៀង​អំពី​សេចក្ដីស្រឡាញ់ឥតប្រែប្រួល និង​សេចក្ដីយុត្តិធម៌​។ ព្រះយេហូវ៉ា​អើយ ទូលបង្គំ​នឹង​ច្រៀងសរសើរតម្កើង​ព្រះអង្គ​!

ទំនុកតម្កើង 106:1

ហាលេលូយ៉ា​! ចូរ​អរព្រះគុណ​ដល់​ព្រះយេហូវ៉ា ដ្បិត​ព្រះអង្គ​ទ្រង់​ល្អ ដ្បិត​សេចក្ដីស្រឡាញ់ឥតប្រែប្រួល​របស់ព្រះអង្គ​នៅអស់កល្បជានិច្ច​!

ទំនុកតម្កើង 119:90

សេចក្ដីស្មោះត្រង់​របស់ព្រះអង្គ​មាននៅ​ពីជំនាន់មួយទៅជំនាន់មួយ​; ព្រះអង្គ​បាន​តាំង​ផែនដី​ឡើង នោះ​វា​ក៏​នៅស្ថិតស្ថេរ​។

ទំនុកតម្កើង 36:5

ព្រះយេហូវ៉ា​អើយ សេចក្ដីស្រឡាញ់ឥតប្រែប្រួល​របស់ព្រះអង្គ​ដល់​ផ្ទៃមេឃ សេចក្ដីស្មោះត្រង់​របស់ព្រះអង្គ​ដល់​ពពក​!

ទំនុកតម្កើង 59:16

រីឯ​ទូលបង្គំ​វិញ ទូលបង្គំ​នឹង​ច្រៀង​អំពី​ព្រះចេស្ដា​របស់ព្រះអង្គ ហើយ​ច្រៀងដោយអំណរ​អំពី​សេចក្ដីស្រឡាញ់ឥតប្រែប្រួល​របស់ព្រះអង្គ​នៅ​ពេលព្រឹក ដ្បិត​ព្រះអង្គ​ជា​ទីពឹងជ្រក​នៃ​ទូលបង្គំ និង​ជា​ជម្រក​នៅ​ថ្ងៃ​នៃ​ទុក្ខលំបាក​របស់​ទូលបង្គំ​។

ទំនុកតម្កើង 71:8

មាត់​របស់ទូលបង្គំ​ពេញ​ដោយ​ពាក្យសរសើរតម្កើង វាល់ព្រឹកវាល់ល្ងាច ទូលបង្គំនឹងថ្លែងអំពី​សិរីរុងរឿង​របស់ព្រះអង្គ​។

ទំនុកតម្កើង 88:11

តើ​សេចក្ដីស្រឡាញ់ឥតប្រែប្រួល​របស់ព្រះអង្គ​ត្រូវបាន​ថ្លែង​នៅក្នុង​ផ្នូរ ហើយ​សេចក្ដីស្មោះត្រង់​របស់ព្រះអង្គ​ត្រូវបាន​ថ្លែង​នៅ​ស្ថាននរក​ឬ​?

ទំនុកតម្កើង 89:24

សេចក្ដីស្មោះត្រង់ និង​សេចក្ដីស្រឡាញ់ឥតប្រែប្រួល​របស់យើង​នឹង​នៅជាមួយ​គាត់ ហើយ​ស្នែង​របស់គាត់​នឹង​ត្រូវបាន​តម្កើងឡើង​ក្នុង​នាម​របស់យើង​។

ទំនុកតម្កើង 89:33

យ៉ាងណាមិញ យើង​នឹង​មិន​ដក​សេចក្ដីស្រឡាញ់ឥតប្រែប្រួល​របស់យើង​ចេញ​ពី​គាត់​ឡើយ ហើយក៏​មិន​អាក់ខាន​ចំពោះ​សេចក្ដីស្មោះត្រង់​របស់យើង​ដែរ​។

ទំនុកតម្កើង 89:49

ព្រះអម្ចាស់​នៃទូលបង្គំ​អើយ សេចក្ដីស្រឡាញ់ឥតប្រែប្រួល​របស់ព្រះអង្គ​កាលពីមុន ដែល​ព្រះអង្គ​បាន​ស្បថ​នឹង​ដាវីឌ​ដោយ​សេចក្ដីស្មោះត្រង់​របស់ព្រះអង្គ តើ​នៅ​ឯណា​?

ទំនុកតម្កើង 89:8

ព្រះយេហូវ៉ា​ដ៏ជា​ព្រះ​នៃ​ពលបរិវារ​អើយ តើ​នរណា​ខ្លាំងពូកែ​ដូច​ព្រះអង្គ​? ព្រះយេហូវ៉ា​អើយ សេចក្ដីស្មោះត្រង់​របស់ព្រះអង្គ​នៅ​ជុំវិញ​ព្រះអង្គ​!

ទំនុកតម្កើង 92:2

ដើម្បី​ប្រកាស​សេចក្ដីស្រឡាញ់ឥតប្រែប្រួល​របស់ព្រះអង្គ​នៅ​ពេលព្រឹក ហើយ​ប្រកាស​សេចក្ដីស្មោះត្រង់​របស់ព្រះអង្គ​នៅ​ពេលយប់

អេសាយ 25:1

ព្រះយេហូវ៉ា​អើយ ព្រះអង្គ​ជា​ព្រះ​នៃទូលបង្គំ​! ទូលបង្គំ​នឹង​លើកតម្កើង​ព្រះអង្គ ទូលបង្គំ​នឹង​អរព្រះគុណ​ដល់​ព្រះនាម​របស់ព្រះអង្គ ដ្បិត​ព្រះអង្គ​បាន​ធ្វើ​កិច្ចការដ៏អស្ចារ្យ ជា​ផែនការ​តាំងពីយូរមក​ហើយ ដោយ​សេចក្ដីស្មោះត្រង់ និង​សេចក្ដីពិតត្រង់​។

ទីតុស 1:2

ដែល​ផ្អែកលើ​សេចក្ដីសង្ឃឹម​នៃ​ជីវិតអស់កល្បជានិច្ច​។ ព្រះ​ដែល​មិនចេះភូតភរ បាន​សន្យា​អំពី​ជីវិតអស់កល្បជានិច្ច តាំងពីមុន​កាលសម័យ​មកម្ល៉េះ​។