ទំនុកតម្កើង 78:23 - ព្រះគម្ពីរខ្មែរសាកល

²³ យ៉ាងណាមិញ ព្រះអង្គ​ទ្រង់​បង្គាប់​ពពក​នៅ​ខាងលើ ហើយ​បើក​ទ្វារ​នៃ​មេឃ​;

ព្រះគម្ពីរបរិសុទ្ធកែសម្រួល ២០១៦

²³ ទោះ​ជា​យ៉ាង​នេះ​ក្ដី ព្រះ‌អង្គ​បាន​បង្គាប់​ផ្ទៃ​មេឃ​នៅ​ខាង​លើ ព្រះ‌អង្គ​បាន​បើក​ទ្វារ​ស្ថាន‌សួគ៌

ព្រះគម្ពីរភាសាខ្មែរបច្ចុប្បន្ន ២០០៥

²³ ទោះ​ជា​យ៉ាង​ណា​ក្ដី ព្រះអង្គ​បាន​បង្គាប់​ពពក ព្រះអង្គ​បាន​បើក​ផ្ទៃ​មេឃ

ព្រះគម្ពីរបរិសុទ្ធ ១៩៥៤

²³ ទ្រង់​បាន​បង្គាប់​ដល់​ផ្ទៃ​មេឃ​នៅ​ខាង​លើ ក៏​បាន​បើក​ទ្វារ​នៃ​ស្ថាន‌សួគ៌

អាល់គីតាប

²³ ទោះ​ជា​យ៉ាង​ណា​ក្ដី ទ្រង់​បាន​បង្គាប់​ពពក ទ្រង់​បាន​បើក​ផ្ទៃ​មេឃ

ទំនុកតម្កើង 78:23 Referencias Cruzadas

លោកុ‌ប្បត្តិ 7:11

នៅ​ឆ្នាំ​ទីប្រាំមួយរយ​នៃ​អាយុ​របស់​ណូអេ ក្នុង​ខែ​ទីពីរ ថ្ងៃ​ទី១៧ ក្នុង​ខែ​នោះ គឺ​នៅ​ថ្ងៃ​នោះ​ឯង ប្រភពទឹក​ទាំងអស់​នៃ​ទីជម្រៅ​ដ៏ធំ​បាន​ធ្លាយចេញមក ហើយ​បង្អួច​នៃ​មេឃ​ត្រូវបាន​បើក

ទំនុកតម្កើង 33:9

ដ្បិត​ព្រះអង្គ​បាន​មានបន្ទូល នោះក៏​កើតមាន ព្រះអង្គ​បាន​បង្គាប់ នោះក៏​នៅស្ថិតស្ថេរ​។

អេសាយ 5:6

យើង​នឹង​ធ្វើឲ្យ​វា​ហិនហោច​។ វា​នឹង​មិន​ត្រូវបាន​លួសកាត់ ក៏​មិន​ត្រូវបាន​ជ្រួយដី​ដែរ នោះ​អញ្ចាញ និង​បន្លា​នឹង​ដុះឡើង ហើយ​យើង​នឹង​បង្គាប់​ពពក​មិនឲ្យ​បង្អុរ​ភ្លៀង​លើ​ចម្ការនោះ​ឡើយ​។

ម៉ាឡាគី 3:10

ព្រះយេហូវ៉ា​នៃ​ពលបរិវារ​មានបន្ទូលថា​៖ “ចូរ​នាំ​តង្វាយមួយភាគដប់​ទាំងអស់​មក​ក្នុង​ឃ្លាំងដំណាក់ ដើម្បីឲ្យ​មាន​ស្បៀងអាហារ​នៅក្នុង​ដំណាក់​របស់យើង រួច​ល្បងល​យើង​ក្នុង​ការនេះ​ចុះ ថា​តើ​យើង​មិន​បើក​បង្អួច​នៃ​មេឃ​ឲ្យ​អ្នករាល់គ្នា ហើយ​បង្ហូរ​ពរ​មកលើ​អ្នករាល់គ្នា​រហូតដល់​គ្មានកន្លែងល្មមទុកបាន ឬយ៉ាងណា”។