ទំនុកតម្កើង 33:2 - ព្រះគម្ពីរខ្មែរសាកល

² ចូរ​អរព្រះគុណ​ដល់​ព្រះយេហូវ៉ា​ដោយ​ពិណហាប ចូរ​ច្រៀងសរសើរតម្កើង​ព្រះអង្គ​ដោយ​ពិណបុរាណ​ខ្សែ​ដប់​!

ព្រះគម្ពីរបរិសុទ្ធកែសម្រួល ២០១៦

² ចូរ​អរ​ព្រះ‌គុណ​ដល់​ព្រះ‌យេហូវ៉ា​ដោយ​ចាប់​ស៊ុង ហើយ​លើក​ទំនុក​ថ្វាយ​ព្រះ‌អង្គ ដោយ​ដេញ​ពិណ​ខ្សែ​ដប់!

ព្រះគម្ពីរភាសាខ្មែរបច្ចុប្បន្ន ២០០៥

² ចូរ​លើក​តម្កើង​ព្រះ‌អម្ចាស់ ដោយ​សំឡេង​ពិណ ចូរ​ស្មូត្រ​ទំនុកតម្កើង ព្រះអង្គ ទាំង​លេង​ចាប៉ី​ខ្សែ​ដប់​កំដរ​ផង។

ព្រះគម្ពីរបរិសុទ្ធ ១៩៥៤

² ចូរ​អរ​ព្រះ‌គុណ​ដល់​ព្រះ‌យេហូវ៉ា ដោយ​ចាប់​ស៊ុង ហើយ​ច្រៀង​សរសើរ​ថ្វាយ​ទ្រង់ ដោយ​ដេញ​ពិណ​ខ្សែ​១០

អាល់គីតាប

² ចូរ​លើក​តម្កើង​អុលឡោះ‌តាអាឡា ដោយ​សំឡេង​ពិណ ចូរ​ច្រៀង គីតាបសាបូរ​ទ្រង់ ទាំង​លេង​ចាប៉ី​ខ្សែ​ដប់​កំដរ​ផង។

ទំនុកតម្កើង 33:2 Referencias Cruzadas

ទំនុកតម្កើង 144:9

ឱ​ព្រះ​អើយ ទូលបង្គំ​នឹង​ច្រៀង​ចម្រៀង​ថ្មី​ទៅកាន់​ព្រះអង្គ ទូលបង្គំ​នឹង​ច្រៀងសរសើរតម្កើង​ព្រះអង្គ​ដោយ​ពិណបុរាណ​ខ្សែ​ដប់​!

ទំនុកតម្កើង 149:3

សូមឲ្យ​ពួកគេ​សរសើរតម្កើង​ព្រះនាម​របស់ព្រះអង្គ​ដោយ​ការរាំសប្បាយ សូមឲ្យ​ពួកគេ​ច្រៀងសរសើរតម្កើង​ព្រះអង្គ​ដោយ​ក្រាប់ និង​ពិណហាប​!

ទំនុកតម្កើង 71:22

ព្រះ​នៃទូលបង្គំ​អើយ ទូលបង្គំ​ក៏​នឹង​អរព្រះគុណ​ព្រះអង្គ​ដោយ​ពិណបុរាណ ចំពោះ​សេចក្ដីពិតត្រង់​របស់ព្រះអង្គ​ដែរ​! អង្គ​ដ៏វិសុទ្ធ​នៃ​អ៊ីស្រាអែល​អើយ ទូលបង្គំ​នឹង​ច្រៀងសរសើរតម្កើង​ព្រះអង្គ​ដោយ​ពិណហាប​!

ទំនុកតម្កើង 92:3

ដោយ​ពិណខ្សែដប់ ដោយ​ពិណបុរាណ និង​ដោយ​សូរតន្ត្រី​នៃ​ពិណហាប​!

ទំនុកតម្កើង 92:4

ដ្បិត​ព្រះយេហូវ៉ា​អើយ ព្រះអង្គ​បាន​ធ្វើឲ្យ​ទូលបង្គំ​អរសប្បាយ​ដោយ​កិច្ចការ​របស់ព្រះអង្គ ទូលបង្គំ​នឹង​ស្រែកហ៊ោសប្បាយ​ចំពោះ​ស្នាព្រះហស្ត​របស់ព្រះអង្គ​!

វិវរណៈ 14:2

រួច​ខ្ញុំ​ឮ​សំឡេង​មួយ​ពី​លើមេឃ ដូចជា​សូរសន្ធឹក​ទឹក​ដ៏ច្រើន និង​ដូចជា​សំឡេង​ផ្គរលាន់​យ៉ាងខ្លាំង​។ សំឡេង​ដែល​ខ្ញុំ​បាន‍ឮ​នោះ ដូចជា​អ្នកលេងពិណ​កំពុង​លេង​ពិណ​របស់​ខ្លួន​ដែរ​។

វិវរណៈ 5:8

នៅពេល​កូនចៀម​បាន​យក​ក្រាំង​ហើយ សត្វមានជីវិត​ទាំង​បួន និង​ពួក​ចាស់ទុំ​ទាំង​ម្ភៃបួន​នាក់​បាន​ក្រាបចុះ​នៅចំពោះ​កូនចៀម​។ ម្នាក់ៗ​កាន់​ពិណ​មួយ និង​ពែង​មាស​ពេញ​ដោយ​គ្រឿងក្រអូប​ដែល​ជា​សេចក្ដីអធិស្ឋាន​របស់​វិសុទ្ធជន​។