ទំនុកតម្កើង 25:19 - ព្រះគម្ពីរខ្មែរសាកល

¹⁹ សូម​ចាប់អារម្មណ៍​នឹង​សត្រូវ​របស់ទូលបង្គំ​ផង ដ្បិត​ពួកគេ​មានចំនួនច្រើន ហើយ​ពួកគេ​ស្អប់​ទូលបង្គំ​ដោយ​សម្អប់​ដ៏សាហាវ​។

ព្រះគម្ពីរបរិសុទ្ធកែសម្រួល ២០១៦

¹⁹ សូមទត​មើល​សត្រូវ​របស់​ទូល‌បង្គំ មាន​គ្នា​ច្រើន​ប៉ុណ្ណា ហើយគេ​ស្អប់​ទូល‌បង្គំ ដោយ​ចិត្ត​សាហាវ​យ៉ាង​ណា។

ព្រះគម្ពីរភាសាខ្មែរបច្ចុប្បន្ន ២០០៥

¹⁹ សូម​ទត​មើល​ចុះ ខ្មាំង​សត្រូវ​របស់​ទូលបង្គំ មាន​គ្នា​ច្រើន​ប៉ុន​ណា ហើយ​គេ​ស្អប់​ទូលបង្គំ​ខ្លាំង​យ៉ាង​ណា។

ព្រះគម្ពីរបរិសុទ្ធ ១៩៥៤

¹⁹ សូម​ពិចារណា​មើល​ពួក​ខ្មាំង​ទូលបង្គំ​ដែល​មាន​គ្នា​ច្រើន ហើយ​មាន​សេចក្ដី​សំអប់ស្អប់​ដល់​ទូលបង្គំ ដោយ​ចិត្ត​សាហាវ​ណាស់

អាល់គីតាប

¹⁹ សូម​មើល​ចុះ ខ្មាំង​សត្រូវ​របស់​ខ្ញុំ មាន​គ្នា​ច្រើន​ប៉ុន​ណា ហើយ​គេ​ស្អប់​ខ្ញុំ​ខ្លាំង​យ៉ាង​ណា។

ទំនុកតម្កើង 25:19 Referencias Cruzadas

ទំនុកតម្កើង 11:5

ព្រះយេហូវ៉ា​ទ្រង់​ពិសោធ​មនុស្ស​សុចរិត ប៉ុន្តែ​ព្រលឹង​របស់ព្រះអង្គ​ស្អប់​មនុស្ស​អាក្រក់ និង​មនុស្ស​ស្រឡាញ់​អំពើហិង្សា​។

ទំនុកតម្កើង 138:7

ទោះបីជា​ទូលបង្គំ​ដើរ​នៅកណ្ដាល​ទុក្ខវេទនា​ក៏ដោយ ក៏​ព្រះអង្គ​នឹង​រក្សាជីវិត​ទូលបង្គំ​; ព្រះអង្គ​នឹង​លូក​ព្រះហស្ត​របស់ព្រះអង្គ​ទាស់នឹង​កំហឹង​របស់​សត្រូវ​ទូលបង្គំ ហើយ​ព្រះហស្តស្ដាំ​របស់ព្រះអង្គ​នឹង​សង្គ្រោះ​ទូលបង្គំ​។

ទំនុកតម្កើង 140:1

ព្រះយេហូវ៉ា​អើយ សូម​រំដោះ​ទូលបង្គំ​ពី​មនុស្ស​អាក្រក់ សូម​ការពារ​ទូលបង្គំ​ពី​មនុស្ស​ហិង្សា​ផង​!

ទំនុកតម្កើង 140:11

សូម​កុំឲ្យ​មនុស្ស​មួលបង្កាច់​បាន​នៅស្ថិតស្ថេរ​នៅលើ​ផែនដី​ឡើយ សូមឲ្យ​ការ​អាក្រក់​ប្រមាញ់យក​មនុស្ស​ហិង្សា​យ៉ាងឆាប់រហ័ស​!

ទំនុកតម្កើង 140:4

ព្រះយេហូវ៉ា​អើយ សូម​រក្សា​ទូលបង្គំ​ពី​កណ្ដាប់ដៃ​របស់​មនុស្ស​អាក្រក់​ផង​; សូម​ការពារ​ទូលបង្គំ​ពី​មនុស្ស​ហិង្សា​ដែល​គិតគូរ​នឹង​ផ្ដួល​ជើង​របស់ទូលបង្គំ​ផង​។

ទំនុកតម្កើង 143:3

សត្រូវ​តាមបៀតបៀន​ព្រលឹង​របស់ទូលបង្គំ គេ​បាន​ជាន់ឈ្លី​ជីវិត​របស់ទូលបង្គំ​ដល់​ដី គេ​បាន​ធ្វើឲ្យ​ទូលបង្គំ​រស់នៅ​ក្នុង​ទីងងឹត ដូចជា​មនុស្សដែល​ស្លាប់​ជាយូរមកហើយ​។

ទំនុកតម្កើង 18:48

ព្រះអង្គ​បាន​រំដោះ​ខ្ញុំ​ពី​សត្រូវ​របស់ខ្ញុំ​។ ពិតមែនហើយ ព្រះអង្គ​បាន​លើក​ទូលបង្គំ​ឡើង​ឲ្យ​ខ្ពស់ជាង​អ្នកតតាំង​នឹង​ទូលបង្គំ ក៏​បាន​រំដោះ​ទូលបង្គំ​ពី​មនុស្ស​ហិង្សា​។

ទំនុកតម្កើង 27:12

សូម​កុំ​ប្រគល់​ទូលបង្គំ​ទៅតាម​បំណង​របស់​ពួក​បច្ចាមិត្ត​ទូលបង្គំ​ឡើយ ដ្បិត​ពួក​សាក្សី​ភូតភរ និង​ពួក​ដកដង្ហើមចេញ​ជា​សេចក្ដីឃោរឃៅ បាន​ក្រោកឡើង​ប្រឆាំងនឹង​ទូលបង្គំ​។

ទំនុកតម្កើង 27:2

នៅពេល​ពួក​ធ្វើអាក្រក់ គឺ​បច្ចាមិត្ត និង​សត្រូវ​របស់ខ្ញុំ បាន​ចូលមកជិត​ដើម្បី​ស៊ី​សាច់​ខ្ញុំ ពួកគេ​ក៏​បាន​ជំពប់ ហើយ​ដួល​ទៅ​។

ទំនុកតម្កើង 38:19

យ៉ាងណាមិញ ពួក​សត្រូវ​ដ៏​សកម្ម​របស់ទូលបង្គំ ខ្លាំងពូកែ​ណាស់ ហើយ​អ្នកដែល​ស្អប់​ទូលបង្គំ​ដោយ​ឥតហេតុ​ក៏​មានច្រើន​ដែរ​។

ទំនុកតម្កើង 38:20

គឺ​អ្នកដែល​តបសង​នឹង​ការល្អ​ដោយ​ការអាក្រក់​ហើយ ដែល​ចោទប្រកាន់​ទូលបង្គំ ដោយព្រោះ​ទូលបង្គំ​ដេញតាម​ការ​ល្អ​។

ទំនុកតម្កើង 52:2

អ្នកដែល​ប្រព្រឹត្ត​ល្បិចកល​អើយ អណ្ដាត​របស់អ្នក​គិតគូរ​សេចក្ដីអន្តរាយ ដូច​កាំបិតកោរ​ដែល​សំលៀង​!

ទំនុកតម្កើង 56:2

វាល់ព្រឹកវាល់ល្ងាច ពួក​សត្រូវ​ជាន់ឈ្លី​ទូលបង្គំ ដ្បិត​មនុស្ស​ជាច្រើន​វាយប្រហារ​ទូលបង្គំ​ដោយ​អំនួត​!

ទំនុកតម្កើង 57:4

ព្រលឹង​របស់ខ្ញុំ​នៅកណ្ដាលចំណោម​សិង្ហ ខ្ញុំ​ដេក​ក្នុងចំណោម​អ្នកដែល​ស៊ីបំផ្លាញ គឺ​មនុស្សលោក​; ធ្មេញ​របស់ពួកគេ​ជា​លំពែង និង​ជា​ព្រួញ ហើយ​អណ្ដាត​របស់ពួកគេ​ជា​ដាវ​ដ៏មុត​។

ទំនុកតម្កើង 86:14

ឱ​ព្រះ​អើយ មនុស្ស​ក្អេងក្អាង​បាន​ក្រោកឡើង​ប្រឆាំងនឹង​ទូលបង្គំ ហើយ​ហ្វូង​មនុស្ស​កាចសាហាវ​បាន​ស្វែងរក​ព្រលឹង​របស់ទូលបង្គំ​; ពួកគេ​មិន​បាន​ដាក់​ព្រះអង្គ​នៅមុខ​ពួកគេ​ឡើយ​!

លូកា 22:2

ពួក​នាយកបូជាចារ្យ និង​ពួក​គ្រូវិន័យ​កំពុង​រកមធ្យោបាយ​ធ្វើគុត​ព្រះយេស៊ូវ ដ្បិត​ពួកគេ​ខ្លាច​ប្រជាជន​។

លូកា 23:5

ពួកគេ​នៅតែ​អះអាងយ៉ាងម៉ឺងម៉ាត់​ថា​៖ “អ្នកនេះ​ញុះញង់​ប្រជាជន ទាំង​បង្រៀន​នៅ​យូឌា​ទាំងមូល ចាប់ពី​កាលីឡេ​រហូតដល់​ទីនេះ”។