ទំនុកតម្កើង 134:3 - ព្រះគម្ពីរខ្មែរសាកល

³ សូមឲ្យ​ព្រះយេហូវ៉ា​ព្រះសូនបង្កើត​នៃ​ផ្ទៃមេឃ និង​ផែនដី ប្រទានពរ​អ្នក ពី​ស៊ីយ៉ូន​!​៕

ព្រះគម្ពីរបរិសុទ្ធកែសម្រួល ២០១៦

³ សូម​ព្រះ‌យេហូវ៉ា ដែល​ព្រះ‌អង្គ​បង្កើត​ផ្ទៃ​មេឃ និង​ផែនដី ប្រទាន​ពរ​អ្នក​រាល់​គ្នា​ពី​ក្រុង​ស៊ីយ៉ូន!

ព្រះគម្ពីរភាសាខ្មែរបច្ចុប្បន្ន ២០០៥

³ សូម​ព្រះ‌អម្ចាស់​ដែល​បាន​បង្កើត​ផ្ទៃ​មេឃ និង​ផែនដី ប្រទាន​ពរ​ដល់​អ្នក​ពី​ក្រុង​ស៊ីយ៉ូន!

ព្រះគម្ពីរបរិសុទ្ធ ១៩៥៤

³ សូម​ឲ្យ​ព្រះ‌យេហូវ៉ា ដែល​ទ្រង់​បង្កើត​ផ្ទៃ​មេឃ នឹង​ផែនដី ទ្រង់​ប្រទាន​ពរ​ដល់​អ្នក​រាល់​គ្នា ពី​ក្រុង​ស៊ីយ៉ូន​មក​ផង។

អាល់គីតាប

³ សូម​អុលឡោះ‌តាអាឡា​ដែល​បាន​បង្កើត​ផ្ទៃ​មេឃ និង​ផែនដី ប្រទាន​ពរ​ដល់​អ្នក​ពី​ក្រុង​ស៊ីយ៉ូន!

ទំនុកតម្កើង 134:3 Referencias Cruzadas

ទំនុកតម្កើង 110:2

ព្រះយេហូវ៉ា​នឹង​លូក​ដំបងរាជ្យ​ដ៏មានឫទ្ធានុភាព​របស់ព្រះអម្ចាស់​ពី​ស៊ីយ៉ូន​; សូមឲ្យ​ព្រះអម្ចាស់​គ្រប់គ្រង​នៅកណ្ដាលចំណោម​ខ្មាំងសត្រូវ​របស់ព្រះអង្គ​ចុះ​។

ទំនុកតម្កើង 115:15

សូមឲ្យ​មានព្រះពរ​ដល់​អ្នករាល់គ្នា ពី​ព្រះយេហូវ៉ា​ព្រះសូនបង្កើត​នៃ​ផ្ទៃមេឃ និង​ផែនដី​!

ទំនុកតម្កើង 124:8

ជំនួយ​របស់យើង គឺ​នៅក្នុង​ព្រះនាម​របស់​ព្រះយេហូវ៉ា​ព្រះសូនបង្កើត​នៃ​ផ្ទៃមេឃ និង​ផែនដី​៕

ទំនុកតម្កើង 128:5

សូមឲ្យ​ព្រះយេហូវ៉ា​ប្រទានពរ​អ្នក​ពី​ស៊ីយ៉ូន​! សូមឲ្យ​អ្នក​បាន​ឃើញ​សេចក្ដីល្អ​របស់​យេរូសាឡិម ក្នុង​អស់ទាំងថ្ងៃនៃជីវិត​របស់អ្នក​!

ទំនុកតម្កើង 135:21

សូមឲ្យ​មានព្រះពរ​ដល់​ព្រះយេហូវ៉ា ពី​ស៊ីយ៉ូន គឺ​ព្រះអង្គដែល​គង់នៅ​យេរូសាឡិម​! ហាលេលូយ៉ា​!​៕

ទំនុកតម្កើង 136:5

គឺ​ដល់​ព្រះអង្គដែល​បង្កើត​បណ្ដាមេឃ​ដោយ​ការយល់ដឹង ដ្បិត​សេចក្ដីស្រឡាញ់ឥតប្រែប្រួល​របស់ព្រះអង្គ​នៅអស់កល្បជានិច្ច​!

ទំនុកតម្កើង 14:7

ឱបើ​សេចក្ដីសង្គ្រោះ​របស់​អ៊ីស្រាអែល​ចេញមក​ពី​ស៊ីយ៉ូន​ទៅអេះ! នៅពេល​ព្រះយេហូវ៉ា​ធ្វើឲ្យ​ប្រជារាស្ត្រ​របស់ព្រះអង្គ​ដែលជា​ឈ្លើយសឹក​ត្រឡប់មកវិញ នោះ​សូមឲ្យ​យ៉ាកុប​បាន​ត្រេកអរ សូមឲ្យ​អ៊ីស្រាអែល​បាន​អរសប្បាយ​!​៕

ទំនុកតម្កើង 20:2

សូមឲ្យ​ព្រះអង្គ​ចាត់​ជំនួយ​ពី​ទីវិសុទ្ធ​មក​ឯ​ព្រះករុណា ហើយ​ទ្រទ្រង់​ព្រះករុណា​ពី​ស៊ីយ៉ូន​។

ទំនុកតម្កើង 20:3

សូមឲ្យ​ព្រះអង្គ​នឹកចាំ​អស់ទាំង​តង្វាយ​របស់ព្រះករុណា ហើយ​ទទួល​តង្វាយដុត​របស់ព្រះករុណា​ដែរ​។ សេឡា

សាការី 12:1

នេះជា​ទំនាយ ជា​ព្រះបន្ទូល​របស់​ព្រះយេហូវ៉ា ស្ដីអំពី​អ៊ីស្រាអែល​: នេះជា​សេចក្ដីប្រកាស​របស់​ព្រះយេហូវ៉ា ដែល​លាត​ផ្ទៃមេឃ ហើយ​ចាក់គ្រឹះ​ផែនដី ព្រមទាំង​សូន​វិញ្ញាណ​របស់​មនុស្ស​ឡើង​នៅក្នុង​ខ្លួនគេ​ផង​៖

រ៉ូម 11:26

នោះ​ទើប​អ៊ីស្រាអែល​ទាំងមូល​នឹង​បាន​សង្គ្រោះ ដូចដែល​មាន​សរសេរ​ទុកមក​ថា​: “ព្រះរំដោះ​នឹង​យាង​មក​ពី​ស៊ីយ៉ូន ព្រះអង្គ​នឹង​ដកយក​ការមិនគោរពព្រះ​ចេញ​ពី​យ៉ាកុប​។