ទំនុកតម្កើង 13:1 - ព្រះគម្ពីរខ្មែរសាកល

¹ ព្រះយេហូវ៉ា​អើយ តើ​ដល់ពេលណា​? ព្រះអង្គ​នឹង​ភ្លេច​ទូលបង្គំ​ជាដរាប​ឬ​? តើ​ព្រះអង្គ​នឹង​លាក់​ព្រះភក្ត្រ​របស់ព្រះអង្គ​ពី​ទូលបង្គំ​ដល់ពេលណា​?

ព្រះគម្ពីរបរិសុទ្ធកែសម្រួល ២០១៦

¹ ឱ​ព្រះ‌យេហូវ៉ា​អើយ តើ​ព្រះ‌អង្គ​នឹង​ភ្លេច​ទូល‌បង្គំ​រហូត​ឬ? តើ​ដល់​កាល​ណា​ទៀត? តើ​ព្រះ‌អង្គ​លាក់​ព្រះ‌ភក្ត្រ ពី​ទូល‌បង្គំ​ដល់​កាល​ណា?

ព្រះគម្ពីរភាសាខ្មែរបច្ចុប្បន្ន ២០០៥

¹ ឱ​ព្រះ‌អម្ចាស់​អើយ តើ​ព្រះអង្គ​នៅ​តែ​ភ្លេច​ទូលបង្គំ ដល់​ពេល​ណា? តើ​ព្រះអង្គ​នៅ​តែ​មិន​ព្រម​ទត​មើល មក​ទូលបង្គំ​ដល់​កាល​ណា​ទៀត?

ព្រះគម្ពីរបរិសុទ្ធ ១៩៥៤

¹ ឱ​ព្រះ‌យេហូវ៉ា​អើយ តើ​ទ្រង់​នឹង​ភ្លេច​ទូលបង្គំ​ដល់​កាល​ណា​ទៀត តើ​ដល់​អស់‌កល្ប​ឬ​អី តើ​នឹង​លាក់​ព្រះ‌ភក្ត្រ​ទ្រង់​ចំពោះ ទូលបង្គំ​ដល់​កាល​ណា

អាល់គីតាប

¹ ឱ​អុលឡោះ‌តាអាឡា​ជា​ម្ចាស់​អើយ តើ​ទ្រង់​នៅ​តែ​ភ្លេច​ខ្ញុំ ដល់​ពេល​ណា? តើ​ទ្រង់​នៅ​តែ​មិន​ព្រម​មើល មក​ខ្ញុំ​ដល់​កាល​ណា​ទៀត?

ទំនុកតម្កើង 13:1 Referencias Cruzadas

ទំនុកតម្កើង 10:12

ព្រះយេហូវ៉ា​អើយ សូម​ក្រោកឡើង​! ឱ​ព្រះ​អើយ សូម​លើក​ព្រះហស្ត​របស់ព្រះអង្គ​ឡើង​! សូម​កុំ​ភ្លេច​មនុស្ស​តូចទាប​ឡើយ​!

ទំនុកតម្កើង 35:17

ព្រះអម្ចាស់​អើយ តើ​ព្រះអង្គ​គ្រាន់តែទតមើល​ដល់ពេលណា​ទៀត​? សូម​សង្គ្រោះ​ព្រលឹង​របស់ទូលបង្គំ​ពី​ការបំផ្លាញ​របស់ពួកគេ សូម​សង្គ្រោះ​ដួងជីវិត​របស់ទូលបង្គំ​ពី​សិង្ហស្ទាវ​ផង​។

ទំនុកតម្កើង 44:24

ហេតុអ្វីបានជា​ព្រះអង្គ​លាក់​ព្រះភក្ត្រ​របស់ព្រះអង្គ ហើយ​ភ្លេច​ទុក្ខវេទនា និង​ការសង្កត់សង្កិន​ដល់​យើងខ្ញុំ​ដូច្នេះ​?

ទំនុកតម្កើង 6:3

ឥឡូវនេះ ព្រលឹង​របស់ទូលបង្គំ​តក់ស្លុត​យ៉ាងខ្លាំង​។ ចុះ​ព្រះអង្គ​វិញ ព្រះយេហូវ៉ា​អើយ តើ​ដល់ពេលណា​?

ទំនុកតម្កើង 74:1

ឱ​ព្រះ​អើយ ហេតុអ្វីបានជា​ព្រះអង្គ​បោះបង់​យើងខ្ញុំ​ចោល​ជារៀងរហូត​ដូច្នេះ​? ហេតុអ្វីបានជា​ព្រះពិរោធ​របស់ព្រះអង្គ​ហុយឡើង​ទាស់នឹង​ហ្វូងចៀម​នៅ​វាលស្មៅ​របស់ព្រះអង្គ​ដូច្នេះ​?

ទំនុកតម្កើង 80:4

ព្រះយេហូវ៉ា​ដ៏ជា​ព្រះ​នៃ​ពលបរិវារ​អើយ តើ​ព្រះអង្គ​នឹង​ព្រះពិរោធ​ទាស់នឹង​សេចក្ដីអធិស្ឋាន​របស់ ប្រជារាស្ត្រ​ព្រះអង្គ​ដល់ពេលណា​ទៀត​?

ទំនុកតម្កើង 85:5

តើ​ព្រះអង្គ​ក្រេវក្រោធ​នឹង​យើងខ្ញុំ​ជារៀងរហូត​ឬ​? តើ​ព្រះអង្គ​នឹង​បន្លាយ​ព្រះពិរោធ​របស់ព្រះអង្គ​ដល់​គ្រប់ជំនាន់​ឬ​?

ទំនុកតម្កើង 89:46

ព្រះយេហូវ៉ា​អើយ តើ​ដល់ពេលណា​? តើ​ព្រះអង្គ​នឹង​លាក់អង្គទ្រង់​ជាដរាប​ឬ​? តើ​សេចក្ដីក្រេវក្រោធ​របស់ព្រះអង្គ​នឹង​នៅតែ​ឆេះ​ដូច​ភ្លើង​ឬ​?

ទំនុកតម្កើង 90:14

សូម​ចម្អែត​យើងខ្ញុំ​នៅ​ពេលព្រឹកព្រលឹម​ដោយ​សេចក្ដីស្រឡាញ់ឥតប្រែប្រួល​របស់ព្រះអង្គ​ផង ដើម្បីឲ្យ​យើងខ្ញុំ​បាន​ស្រែកដោយអំណរ ហើយ​អរសប្បាយ​ក្នុង​អស់ទាំង​ថ្ងៃ​របស់យើងខ្ញុំ​។

អេសាយ 59:2

គឺ​អំពើទុច្ចរិត​របស់អ្នករាល់គ្នា​វិញ​ទេតើ ដែល​ខណ្ឌចែក​រវាង​អ្នករាល់គ្នា និង​ព្រះ​របស់អ្នករាល់គ្នា គឺ​បាប​របស់អ្នករាល់គ្នា​ទេតើ ដែល​បាំង​ព្រះភក្ត្រ​ព្រះអង្គ​ពី​អ្នករាល់គ្នា មិន​ឲ្យ​ព្រះអង្គ​សណ្ដាប់​ឡើយ​។