Matayo 1 - Tandu tani adea ngoro ta tišile Marako tini. Tandu tani adea ngoro ta tišile Matayo tini.

¹ Buku Yesu Kristuni tizo di, akodi Dawidini mva e, akodi Iburaimuni mva e.

² Iburaimu ti Yisaka dre; Yisaka dre Yakobo tizo; Yakobo dre Yuda akodia adrupia be tizo;

³ Yuda dre Perese, Zera be tizo Tamaru; Perese dre Eserome tizo; Eseroma dre Arama tizo;

⁴ Arama dre Aminadaba tizo; Aminadaba dre Nasona tizo; Nasona dre Salamona tizo.

⁵ Salamona dre Boaza tizo Raabaru; Boaza dre Obede tizo Rutaru; Obede dre Yisai tizo;

⁶ Yisai dre Dawidi, akodi mokonziro di, tizo. Dawidi dre Solomo tizo akodiru, akodi dridri Uriyani toko e;

⁷ Solomo dre Rabama tizo; Rabama dre Aiya tizo; Aiya dre Asa tizo;

⁸ Asa dre Yosafata tizo; Yosafata dre Yorama tizo; Yorama dre Uziya tizo;

⁹ Uziya dre Yotama tizo; Yotama dre Aza tizo; Aza dre Izikiya tizo;

¹⁰ Izikiya dre Manase tizo; Manase dre Amona tizo; Amona dre Yosiya tizo;

¹¹ Yosiya dre Yekoña tizo adrupie be, vese mundia drizo Babela a di.

¹² Vese mundia drizo Babela a di, velero Yekoña dre Salatiele tizo; Salatiele dre Zelubabela tizo;

¹³ Zelubabela dre Abiuda tizo; Abiuda dre Eleyakima tizo; Eleyakima dre Azora tizo;

¹⁴ Azora dre Sadoka tizo; Sadoka dre Akimi tizo: Akimi dre Eliyuda tizo;

¹⁵ Eliyuda dre Elazara tizo; Elazara dre Matana tizo; Matana dre Yakobo tizo;

¹⁶ Yakobo dre Yosefa ago Maria adea ni tizo, a ti Yesu, i dre zile Kristu akodiru.

¹⁷ Kadre nitini biro o̱ei Iburaimuni kofule Dawidi be di a adre biro mudri‐dri‐su; biro Dawidini kofula vese mundia drizo Babela a di, adre biro mudri‐dri‐su; biro o̱ei vese mundia drizo Babela a di ca Kristuru adre biro mudri‐dri‐su.

¹⁸ Tai Yesu Kristu ni tizo di adre nitini: A ko fe akodini andre Maria Yosefadre mole dre di, aii aliki tumani dre ko, dridri a no adi adre a be Teri Lolose.

¹⁹ Yosefa, akodia ago dre adrele ago ta piri olepi dise, dre akodi lezo tadale ko, kañi ko’oro akodi diaki keto a ko.

²⁰ Adi kotušu tai nii i lena di, mi no ka, malaika Miri adea agadre adi kandra torobise, dre tazo, ki di, Yosefa, mi Dawidini mva mi koro Maria ami toko dole midre di ko: a, i dre tile adi lena, adre Teri Lolose dise.

²¹ Adi koti mva‐ago di; mi kozi runa Yesu; akodi dre ai mundia pale aiiki takonji ase dise.

²² Tai nii dii o̱ei dre acazo, tai Miri dre tale nabise dii kacaro, tara’a ki di,

²³ Mi no ka, kianji kadre a be, dre mva‐ago tizo, Aii dre akodini ru zizo Imanuele; ala ru nidi zile, Nzambe adre ama be.

²⁴ Yosefa dre larozo aiyi ase, dre tai ozo ngoro malaika Miri adea dre tale idre di tini, dre ai toko dozo;

²⁵ dre akodi nizo ko, akodi tidre mva‐agoro di ka: adi dre akodi ru zizo Yesu.