زَبور 93 - هُدائے پاکێن کتاب، بلۆچی زبانا

تئیی بادشاهی پاک و پلگار اِنت

¹ هُداوند بادشاهیَ کنت آییا وتا په شان و شئوکت آراستگ، هُداوند پُرشئوکت اِنت و زۆر و واکا سِلَهبند. دنیا مُهر اۆشتاتگ و نلرزیت.

² تئیی بادشاهی تهت چه اَزل بَرجَم اِنت و تئو چه اَزل هستئے.

³ او هُداوند! کئور چست بوتگ‌اَنت، کئوران وتی تئوار چست کرتگ، کئوران وتی گُرّگانی تئوار چست کرتگ.

⁴ هُداوند چه مزنێن آپانی تئواران، چه دریائے چئولانی پرُشگا مزن‌شانتِر اِنت، بُرزێن اَرشا.

⁵ او هُداوند! تئیی هُکم مُدام برجاهَ ماننت، تئیی بادشاهی پاک و پلگار اِنت، مُدام، تان اَبد.