زَبور 53 - هُدائے پاکێن کتاب، بلۆچی زبانا

نێک‌کارے نێست

په سازگر و وش‌آوازانی سالارا. ”مَهَلّاتئے“ تَرزئے سرا. داوودئے شئیری گوَشتانک.

¹ نادان وتی دلا گوَشیت: ”هُداے نێست.“ اے پَلیتّ اَنت و کارِش بَژناک، نێک‌کارے نێست.

² هُدا چه آسمانا بنی آدما چاریت تان بگندیت بارێن داناے هست که هُدائے شۆهازا اِنت.

³ سجّهێنان هُدائے راه گار داتگ، هۆریگا پلیت بوتگ‌اَنت، نێک‌کارے نێست، یکّے هم نێست.

⁴ بدکار هچ سرپدَ نبنت؟ اے منی کئوما اَنچشَ ورنت که مردم نگنَ ورنت و هُدایا هچ تئوارَ نکننت.

⁵ اۆدا که هچ تُرسے نێست اے سَکَّ تُرسنت، چیا که هُدا شمئے اَنگِرّ کنۆکانی هڈّان شِنگ و شانگَ کنت، تئو اِشان شرمندگَ کنئے، چیا که هُدایا آ چه وت دئور داتگ‌اَنت.

⁶ کَسے چه سَهیونا بیایات و اِسراییلا برَکّێنات. وهدے هُدا وشبهتیا په وتی کئوما پِرَ ترّێنیت، آکوب گَل و بالَ بیت و اِسراییل شادهیَ کنت.