زَبور 47 - هُدائے پاکێن کتاب، بلۆچی زبانا

هُدا، سجّهێن جهانئے بادشاه

په سازگر و وش‌آوازانی سالارا. کۆرهئے چُکّانی زَبور.

¹ او سجّهێن کئومان! چاپ بجنێت. گۆن شادمانیئے بُرزێن سئوتان دێم په هُدایا کوکّار کنێت.

² چیا که بُرزێن اَرشئے هُداوند باکَمال اِنت، سجّهێن جهانئے مزنێن بادشاه.

³ کئومان مئے چێردستَ کنت، راجان مئے پادانی چێرا.

⁴ مئے میراسا په ما گچێنَ کنت، وتی دۆستێن آکوبئے پَهرا. اۆشت...

⁵ هُدا شادمانیئے کوکّارانی نیاما بُرزاد شتگ، هُداوند سُرنائے تئوارئے نیاما.

⁶ گۆن وتی نازێنکان هُدایا ستا کنێت، نازێنک جنێت، بنازێنێت، مئے بادشاها بنازێنێت.

⁷ چیا که هُدا سجّهێن جهانئے بادشاه اِنت، آییا گۆن شئیرے بنازێنێت.

⁸ هُدا کئومانی سرا بادشاهیَ کنت، آ وتی پاکێن تهتا نِشتگ.

⁹ کئومانی سرۆک و مستر مُچّ بوتگ‌اَنت، گۆن اِبراهێمئے هُدائے کئوما یکجاه، چیا که جهانئے سجّهێن سردار، هُدائیگ اَنت، آ بێهساب مزن‌شان اِنت.