زَبور 150 - هُدائے پاکێن کتاب، بلۆچی زبانا

هر سهدار هُداوندا ستا بکنات

¹ هُداوندا بنازێنێت، هَلّێلویا. هُدایا آییئے پاکێن اَرشا ستا کنێت، آییئے زۆر و واکئے آسمانان.

² په آییئے پُرواکێن کاران آییا ستا کنێت، په آییئے کاملێن مزنیا آییا ستا کنێت.

³ آییا گۆن سُرنائے تئوارا ستا کنێت، گۆن سُرۆز و چنگان ستاای کنێت.

⁴ آییا گۆن ژانگ و ناچ ستا کنێت، گۆن سیمّی سازان و نَلا ستاای کنێت.

⁵ آییا گۆن ڈُهلان ستا کنێت، گۆن بُرزتئوارێن ڈُهلان.

⁶ هرچیزّا که ساه مان، هُداوندا ستا بکنات. هُداوندا بنازێنێت، هَلّێلویا.