زَبور 130 - هُدائے پاکێن کتاب، بلۆچی زبانا

هُداوندئے وَدارا آن

دێم په اورشَلیما برزاد رئوگئے سئوتے.

¹ من چه جُهلانکیان ترا تئوارَ کنان، او هُداوند!

² هُداوند! منی تئوارا گۆش دار، منی پریات و زاریان دلگۆش کناتئے.

³ او هُداوند! اگن تئو گناهان هساب بکنئے، گڑا کئے پَشتَ کپیت، او هُداوند؟

⁴ بله تئو بَکشنده ائے تانکه تئیی تُرس مئے دلا ببیت.

⁵ من په هُداوندا ودارَ کنان، منی سجّهێن دل و جان ودارَ کنت و منی اُمێت گۆن هُدائے هبرا اِنت.

⁶ په هُداوندا ودارَ کنان چه هما نِگهپانان گێشتر که سُهبئے ودارا اَنت، هئو، چه هما نِگهپانان گێشتر که سُهبئے ودارا اَنت.

⁷ او اِسراییل! اُمێتا په هُداوندا بدار، که مِهر گۆن هُدایا اِنت و کامِلێن رَکّێنگ هماییئے دستا اِنت.

⁸ آ وت اِسراییلا مۆکیت چه آیانی سجّهێن گناهان.