زَبور 127 - هُدائے پاکێن کتاب، بلۆچی زبانا

اگن هُداوند لۆگا مبندیت...

دێم په اورشَلیما برزاد رئوگئے سئوتے. سلئیمانئے زَبور.

¹ اگن هُداوند لۆگا مبندیت، بانبندانی زهمت بێکار اِنت. اگن هُداوند، شهرئے نِگهپانیا مکنت، نِگهپانانی نِگهپانی بێکار اِنت.

² تئیی، سُهبا ماهلّه پاد آیگ و شپا تان دێرا آگه بئیگ بێکار اِنت. زهمتَ کشّئے که ترا په ورگا نان برسیت، آ که هُدایا دۆست اَنت، اگن واب ببنت هم هُدا اے چیزّان آیانا دنت.

³ چُکّ چه هُداوندئے نێمگا میراس اَنت و پدرێچ چه هماییئے نێمگا مُزّ.

⁴ ورناییا آورتگێن مردێن‌چُکّ انچش اَنت که جنگۆلێئے دستا تیر.

⁵ بَهتاور هما مرد اِنت که تیردانی چه چُکّا پُرّ اِنت. وهدے چُشێن مردمے شهرئے دروازگا گۆن دژمنا دێم په دێمَ بیت هچبر پشل و شرمندگَ نبیت.