زَبور 125 - هُدائے پاکێن کتاب، بلۆچی زبانا

هُداوندا وتی کئومئے چپّ و چاگرد گِپتگ

دێم په اورشَلیما برزاد رئوگئے سئوتے.

¹ آ که هُداوندئے سرا تئوکلَ کننت سَهیونئے کۆهئے پئیما اَنت که سُرێنگَ نبیت و تان اَبد برجاهَ مانیت.

² انچُش که کۆهان، اورشَلیم چپّ و چاگرد کرتگ، هُداوندا وتی کئومئے چپّ و چاگرد گِپتگ، انّون و تان اَبد.

³ بدکارێن بادشاهێئے اَسا پهرێزکارانی میراسئے سرا هُکمرانَ نبیت که پهرێزکار وتی دستا په بدکاری سِلّ مکننت.

⁴ او هُداوند! په نێکدلان نێکی کن په همایان که دلِش راست و تچک اَنت.

⁵ بله هما مردم که چپّ و چۆٹێن راهانَ رئونت، هُداوند آیان گۆن بدکاران یکجاهَ گَلّێنیت. اِسراییل اێمن و سلامت بات.