Jonás 2 - Las Escrituras en Ashéninka Ucayali del Sur

¹ Ikanta ramanaa Jonás ijeekakira imotziki omani,

² ikantzi: “íTajorentsi! Noñaakiro nokemaatsi-waetaka, nokowako-takimi. Pikaminthaakina eeroka. Pikemakina nokaemi kaminkari-mashiki.

³ Pookawi-takina ocheenkaatzira inkaari, Onoshika-nakina oshinchaari. Aanakina omoetonkaari inthomoekinta.”

⁴ Ari nokantziri: “íTajorentsi! Pookawentakina. Eero noñahaero pitajorentsi-pankote.

⁵ Othonkakina opamankakina nijaa, Opeyakina ocheenkaatzira inkaari. Tema othonkakina ankowiyinatakina jamantoshe.

⁶ Notsiryaanaki inthomoeki nareeta-paentawo kepatsi. Kimiwitaka ashi noyiromi nojeekemi jempe rashita-koeta-kinami. Roo kanteencha Nowinkatharite Tajorentsi, eeroka owawijaa-kotaana nokamimi.

⁷ Nokanta nokamimataki, nokenkishiryaaneemi eeroka Tajorentsi. Pikemakiro namanani pitajorentsi-pankoteki.

⁸ Ikaatzi pinkatha-waetziriri roshiya-kaawo tajorentsi-niro, Tee ikinatzimi.

⁹ Rooma naaka, kamiñeenka nopaasoonkiteemi, Notahaemiri natsipe-takaani nashita-kaemiri. Aritaki nanteemiro nokantzimiri. Tema apatziro pikanta-kaawo Pitajorentsitzi, powawijaa-kotantzi.”

¹⁰ Ari ikanta-kahaari Tajorentsi irika omani, ikamaankaeri Jonás othapyaaki inkaari.