Juízes 14 - Kaxinawá Bíblia (BR)

Sansãonẽ aĩbu binikiaki, na hãtxarã

¹ hawẽ mae manananua Sansão kaĩkaini matxi butebaini Filisteu nawabu maiwã pakea anu mae betsa Timna anu hikishũ Filisteu nawa aĩbu txipash hawẽrua uĩtã

² txĩtũkaini hawẽ hiwe anu kashũ hawẽ ibubu yuikĩ: —Timna anu kashũ Filisteu nawa aĩbu txipash ẽ uĩshinaki. Dasibi pewakĩ hawẽ ibubube ea hãtxashũtãkãwẽ, ha aĩbu ẽ aĩwãkatsis ikairã— hatu wa

³ hakia hawẽ ibubũ kemakĩ yuikĩ: —Filisteu nawabu tsuã Deus kẽwãbuma anua haskakĩ aĩbu binũ ika mĩ ikai? Mĩ betsabu aĩbu bake hayamamẽ? Nukunabu Israelĩ enabu dasibi anurã, aĩbu bake hayabumamẽ?— akabu Sansãonẽ hawẽ ibubu kemakĩ yuikĩ: —Ha aĩbu txipash ẽ betxipaihairai ikai ea haska wama ha aĩbũ ea yuka iki peshũtãkãwẽ— hatu wa

⁴ aĩbu Senhor Deusũ Sansão betxipaimashina hawẽ ibubũ unãma inibukiaki. Hakia ha Filisteu nawabũ ano tibi Israelĩ enabu yunukĩ hatu itxakawakubainaibu hawẽ beparãtã hatu merabewakĩ deteshũkatsis ikĩ Sansão Filisteu nawabu anu Senhor Deusũ yununikiaki.

⁵ Haskakẽ Timna anu kanũ ika hawẽ ibubu bebuaibũ txipu Sansão kai Timna anu hiweabũ uva bimi mishki bai kenekauna anu hikikaĩ leão yume bena kushipa tekerẽ tekerẽ ikĩ Sansão atxinũ ika kushikirã haki ishtxuaya

⁶ Senhor Deusũ yushinĩ Sansão kushipawa hawẽ mekẽ anu hawa tsumamabia leão atxishũ hawẽ pabu tibi tseka tseka akĩ tenãkĩ cabra bake pishta akawa hanua ana kai Timna anu hawẽ ibubuki nukutã leão detebirãshukiri hawa hatu yuiama

⁷ hanua hawẽ hiwe anu kashũ ha aĩbu txipash betxipaihairaki nukushũ yuikĩ: —Mia betxipaikĩ ẽ mia aĩwãkatsis ikaii— aka aĩbũ kemakĩ yuikĩ: —Peki Ẽ mia benewatiruki— aka Sansão inũ kakẽ

⁸ txipu shaba eskarabes kaya aĩbu bitanũ ika ana Timna anu txĩtũkirãkĩ leão tenãshina uĩtanũ ika baima hikikaĩ leão yura meranua samũ buna hawẽ bataya betxishũ

⁹ ha buna mapukia hawẽ bata mekẽnẽ dashpekĩ bitã hawẽ bata pibaini baiwẽ ana kai hanua hawẽ ibubuki nukushũ buna bata hatu inã akaibũ leão mawashina anua bishu hawa hatu yuiama kaya

¹⁰ hanua txipashã hiwetã Sansãonẽ epa hãtxai kakẽ Filisteu nawabũ beyawẽ taea hatu beyusmakĩ hatube berenãbu itxawashũ hatu benimawakĩ taewaya

¹¹ uĩshũ Sansãobe hau beyusnũbũ hawẽ datekĩ Filisteu nawa huni ewabũ 30 berunãbu katushũ yunuabu

¹² ha 30 berunãbu Sansãonẽ hatu yuikĩ: —Hunea unãmati hãtxa ẽ matu yuai hawamẽkaĩ ea yuishãkãwẽ. 7 dia nũ beyusi keyuriama hawamẽkaĩ shabakabi mã ea yuia tari mãyunepa hushupa dasibi sawetiya inũ haya beyusti tari dasibi matu tibi ẽ matu inãshanaii.

¹³ Hakia shabakabi mã ea yuiama habiaskari matuna matu tibitũ mã ea inãriashanaii— hatu wa berunãbũ Sansão kemakĩ yuikĩ: —Haska mĩ nuku yuishu peki. Mĩ hunea unãmati hãtxa nuku yuiriwe. Nĩkashũ shabakabi unãtã nũ mia yuitiruki— akabu

¹⁴ haska wabu hawẽ hunea unãmati hãtxa Sansãonẽ hatu yuikĩ: “Tsuara pianã anua hawẽ pia ana tashnishinaki. Ha kushipahaira anuarã, batahaira tashniriashinaki”, hatu washina shaba dabe inũ besti binukainaya “Hawamẽkaĩ?” ishũ yuitirubumawẽ taeshũ

¹⁵ ana shaba betsatiã Sansãonẽ aĩ yuikĩ: —“Hawẽ hunea unãmati hawamẽkaĩ”, nũ unãmaki. Mĩ benẽ hau mia yuinũ miãri nuku tapĩshũwẽ. Mĩ nuku ashuãma mia inũ mĩ epã enabu nũ matu menukĩ keyushanaii. Nukũ tari nuku biã bestinũ, iwanã, mã nuku itxawashinaraka— akabu

¹⁶ hawẽ aĩ Sansão anu kashũ kashakĩ yuikĩ: —Ẽ nuitapaii. Ea danãkĩ mĩ ea betxipaiama dakiki. Enabu mĩ hunea unãmati hãtxa mĩ hatu yuishina: “Hawamẽkaĩ”, haska mĩ hatu yuishina eari mĩ ea yuiamariki— aka Sansãonẽ kemakĩ yuikĩ: —Ẽ epa inũ ẽ ewa ẽ hatu yuiamariki. Haskakĩ mia besti ẽ mia yuiai?— aka

¹⁷ ana shaba dabe inũ dabeki kashakũkaĩkĩ Sansão bikahairawaiwẽ taeshũ atimas sétimo dia Sansãonẽ hawẽ aĩ hawara yuia hanua hawaira kashũ hawenabu yuia

¹⁸ 7 dia bari hikiaya berunãbũ Sansão yuikĩ: “Hawara batapahaira betsã binua hayamaki. Bunaki! Hawara kushipahaira betsã binua hayamaki. Leãoki!” akabu Sansãonẽ hatu kemakĩ: “Ẽ aĩ mã yukakĩ bikawamarã, haskatã mã yuiama ikeanaii”, hatu wa

¹⁹ hanushũ Senhor Deusũ Yushinĩ Sansão kushipawakẽ Filisteu nawabũ mae betsa Asquelom anu kashũ 30 hunibu hatu detekĩ tenãshũ hatũ beyusti tari pepa hatu biãshũ bushũ hawẽ hunea unãmati hãtxa tapĩtã habũ yuishinabu haska hatu yubashina ha tari hatu manakukĩ inãkĩ keyutã sinatahairai hawẽ epã hiwe anu txĩtũkaĩkẽ

²⁰ Sansão hawẽ aĩki sinatakĩ henebaĩshĩkẽ hawẽ epã Sansãonẽ haibu betsa hawẽ aĩ inãnikiaki.