Ezequiel 1 - Kaxinawá Bíblia (BR)

Hawẽ tsautiki Deus tsaua Ezequielĩ uinikiaki, na hãtxarã

¹ Ha shaba 5 inũ, ushe 4 inũ, ano 30tiã Babilônia anu Nabucodonosorĩ enabũ hatu iwenibube ea Ezequiel ẽ hiwea shaba betsatiã hene hawẽ kena Quebar kesha anu ẽ nikẽ nai bepemanakainai anua nama keskakĩ Deus ẽ uiniki.

² Ha haskairã, Babilônia anu Judá enabũ shanẽ ibuhaira Joaquim iyuyamabu ma 5 ano kaitianã,

³ ea ẽ Buzĩ huni bake Deusbe enabu ẽ hatu hãtxashunika Ezequiel anu Deusũ hawẽ hãtxa ea yuiniki, Caldéia nawabũ enabube hatũ mai pakea anu ea iwenibu Quebar hene kesha ẽ nikẽ hanushũ Senhor Deusũ hawẽ kushipawẽ ea meniki.

⁴ Ea meaya nortekiria niwewã kushipahaira meshu mayakabirani beai ẽ uiãyã nai kuĩ anua kana bakai keskai txi tashnibirani puabaunaya txashahaira baka baka ikai merã mane txasha txasha ikai keska

⁵ ha namakis uke meranua huni kuĩ itsa dabe inũ dabe hiweabu ẽ uĩyamaki.

⁶ Habu tibirã, hatũ bushka anu dabe inũ dabe besuya inũ dabe inũ dabe pei hayabuki.

⁷ Habũ kishi yushtuma ina awa bakẽ hũtsis keskabuki. Ha habũ hũtsisrã, mane bronze tashipa dekẽ hi hi ikai keskabuki.

^8-9 Ha dikabi habu dabe inũ dabe besuya inũ dabe inũ dabe peiyaburã, ha hatũ pei tsamia namã hatũ pishkĩ nata merã hatũ mekẽ dabe inũ dabe tsamia hayabuki. Habũ pei tibirã, meshti ibukunaki. Habu mapuirã, hawa txĩtuãma hariris bumisbuki.

¹⁰ Habũ besu betsa betsapakiri matu yuinũ nĩkakãwẽ. Ha hiweabu dabe inũ dabe tibi 4 besuya betsa ha dukunã, huni kuĩ besuki. Yusiurirã, inu betsa leão ewapatũ besuki. Ukeri yusmauri ina awa benẽ besuki. Ukeri petxiuri nawa tete besu hayaki.

¹¹ Habũ pũyã peiyarã, daberã, manaũri peshaki. Dabe betsarã, pei meshti ibaunaki. Ha pei dabewẽri ha tibitũ hatũ yura bepuabuki.

²² Ha hiweabu mapubaunabu nai hatu mamaki dunua anu hawara hene keska txashahaira hayaki.

²³ Ha nai namanã, ha hiweabũ pei peshai pũtei meshti ikabuki. Ha tibitũ hawẽ pei betsa dabewẽ hatũ yura bepuabuki.

²⁴ Haska uĩkĩ ẽ nĩkaya hatũ peiwẽ mapua buirã, hene bai mata txakayama kushipamis keska hawẽ huiki. Ha haskarã, Deus kushipa dasibi binuatũ hui keskai inũ, detenamenikabu mirimahaira kushibainaibu keska habũ pei shũ shũ ibaini ha hiweabu haskabaini niti ika mapua niti itã hatũ pei utsi waibũ

²⁵ habũ bushka masuatũ nai dunua mamakia hui kushipa tashniaya

²⁶ ha nai dunua mamakia uĩkinã, shanẽ ibũ tsauti bishtu nãketapa beshnahaira keska anu ha tsauti anu yura kayabi keska tsaua ẽ uiãyã

²⁷ ha huni keska hawẽ natu manãkiri ẽ uianã, txi anu matxatu shuia kuhairai dekẽ dekẽ imis keska ha huni keska hawẽ natu maikiri txi hayariki. Ha haskatũ yabu keyubauna txasha txasha ikikiki.

²⁸ Ha dũkebauna txasha txasha ikai anu ui itã nawã bai tapimis keskai nai kuĩ anua Deusũ kushipa hawẽruahaira hui tashnikainaya haska Senhor Deus txasha txasha ikai ea uĩmai uĩtã kẽwaĩ dãti iki maĩ beti ika ẽ dakakẽ,