Deuteronômio 19 - Kaxinawá Bíblia (BR)

Tsuãra hawara uiãmabia txanitxakai nematikiaki, na hãtxarã

¹⁵ Shanẽ ibu bebũshũ yura betsaki sinatakĩ kũyã akĩ shanẽ ibu yuikĩ: “Natunã, ma txakabuwashuki”, akĩ bestitxaitũ haska hawara hakiri txakabu yuibiaya shanẽ ibubũ hau nĩkayamanũbũwẽ. Hakia dabetũ kasmai, dabe inũ bestitũ habias hãtxawẽ txitekĩ yuiaibu nĩkashũ unãti watã shanẽ ibubũ kupitirubuki.

¹⁶ “Haska inũ, huni betsa txakabu yura betsaki sinatakĩ hawa meai uiãmabia haki kayai kũyã ikaya

¹⁷ ha dabe betsa haki kayanũ betsã hawa meamawẽ taea ha irabeaya Senhor Deusũ hatu nĩkaya hatu iyushũ hawenabu Senhor Deusbe hãtxashunikabu inũ shanẽ ibũ hawara txakabu inũ pepabu unãti wanikabu bebũshũ ha dabe nitxĩtã Senhor Deusũ hatu nĩkaya

¹⁸ unãti wanikabũ hatu yuka txakayamakĩ ha haki txanitxakai ha kũyã ishu txani unãtã

^19-21 habias kupiti yura betsaki txanitxakakĩ nuitapawashũwẽ taeshũ shanẽ ibubũ hau ha huni txakabũ haska shinãshu keska hawa hawẽ nuiamahaira hau kupikubaĩshanũbũwẽ, hawẽ hiwea benumakinã, ketxaish akĩ sheta paskeriakinã, hawẽ beru tsekariakinã, hawẽ tae kasmai hawẽ mekẽ meshteriakinã, ha txanitxakaibu matũ shanẽ ibũ hatu kupiaibu nĩkatã hawẽ datei hatũ shinã txakabu beshtekekubaĩshãkanikiki. Hatu haska wakĩ matu anua ha txakabu mã yamawakubaĩshanaii”, akĩ Moisĩ hatu yusinikiaki.