Deuteronômio 18 - Kaxinawá Bíblia (BR)

Ikũwãbumã beya hau ayamashanũbũ hatu yusinikiaki, na hãtxarã

⁹ Moisĩ ana hatu yuikĩ: “Ukeri maiwã pakea matũ mekenika Senhor Deusũ matu ibu wamashanai anu ibuwai hikitanã, nawa betsa betsapabũ habũ hamapai beya atimapa txakabuhaira hayabuki. Hatu uĩtã hatu mawayamashãkãwẽ.

^10-11 Habunã, yushibu txakabubu daewakatsi ikĩ hatũ bake mishtĩbu inãkĩ menu keyushũmisbu inũ, yushibu hatu yukashunikabu inũ, huni mukaya mesebu inũ, nai anu bishi dua unanikabu inũ, yushĩbe hãtxanikabu inũ, yushĩwẽ shũ itiabu inũ, yurabu mawabube hãtxanikabu matu dapi hiwebaũshãkanikiki. Haska tibi hatuna tapĩkĩ mawayamashãkãwẽ.

¹² Tsuabũra haska waibu danãkĩ Senhor Deusũ betxipaitirumahairaki. Haska nawabũ beya txakabuhaira hayabuwẽ taeshũ matu bebushũkaĩkĩ matũ mekenika Senhor Deusũ hawẽ kushipawẽ matu hatu nitxĩshũkubaĩshanikiki.

¹³ Senhor Deusũ matu uiãyã hawẽ hãtxa hawa kaneama pepakubaĩshãkãwẽ.

¹⁴ Nawa betsa betsapa mã hatu nitxĩshanaibũ harishũ hatũ mukayabũ haska inũbariai hatu yusiaĩbu ikũwãmisbuki. Hawara tashnishanai bebũkiri yuimisbu hayaburiki. Hamẽ maturã, matũ mekenika Senhor Deusũ habũ amisbu keska matu nemamiswẽ taea hatu txibaĩ haskayamakubaĩshãkãwẽ.

Deusũ hãtxa yuishunika betsa tashnishanikiaki, na hãtxarã

¹⁵ Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

¹⁶ Mati Horebe anu itxashũ Senhor Deusũ hui kushipa ana nĩkakatsi ikama ea yukai eska hãtxai: ‘Senhor Deusũ hui nũ ana nĩkakatsi ikamaki. Hawẽ txi here kushipa tuenai nũ ana uĩkatsi ikamariki, mawakatsi ikamarã’, akĩ haska matũ ibubũ ea yukanibuki.

¹⁷ Hatũ hãtxa Senhor Deusũ nĩkatã ea yuikĩ: ‘Haska shinãkĩ yuiaiburã, peki.

¹⁸ Hatu anua ẽ hãtxa ea yuishunika mia keskari katushũ ẽ tashnimashanaii. Kushipa wakĩ haska ẽ yunua hatũ ea habu yuishũkubaĩshanikiki.

¹⁹ Hamẽ ẽ kenawẽ hãtxakĩ ea hatu yuishunai tsuabũra hawẽ hãtxa nĩkama ikubainaibu eanã, ẽ hatu kupishanaii.

²⁰ Hakia tsuabura ẽ kenawẽ hãtxabiakĩ hawara ẽ ha yuiama hawẽ shinanẽ besti matu yuiaibu inũ yushĩ betsã kenawẽ hãtxakĩ matu yuiriaibu hatu nĩkama tenãshãkãwẽ’, akĩ Senhor Deusũ ea yuiniki.

²¹ Haska ẽ matu yuiaya matũ huĩti merã shinãkĩ: ‘Tsuãra Senhor Deusũ hãtxa yuiairã, haskatã nũ unãtirumẽ?’ mã itiruki. Matu yuinũ ea nĩkakãwẽ.

²² Senhor Deusũ kenawẽ hãtxakĩ matu yuibiabu haska yuiai hawa kaiãmakẽ Senhor Deusũ hatu yunuamaki. Hakia kanekĩ hatu kẽwãmanũ ika hatũ shinanẽ besti matu yuiaibu hatũ hãtxa nĩkama hatuki dateyamakubaĩshãkãwẽ”, akĩ hawenabu Moisĩ yusinikiaki.