Deuteronômio 12 - Kaxinawá Bíblia (BR)

Hene puketã mae bestitxai anushũ Senhor Deus kẽwãshanaibukiri hatu yuinibukiaki, na hãtxarã

¹ Israelĩ enabu Moisĩ ana hatu yuikĩ: —Nukũ shenipabũ mekenika Senhor Deusũ ha mai pakea yunukĩ matu ibuwamashanai anu hikitã na hãtxa ẽ matu yusiaĩ harishũ Senhor Deusũ yunuti inũ hawẽ nemati hãtxa matũ hiwea hirabiwẽ mã txibãkĩ akubaĩshanũbũ ẽ matu yuiai ea nĩkakãwẽ.

² Hene kesha betsaurishũ yura betsa betsapa shukua tibibũ mae hatu mebĩ mã hatube detenamekubaĩshanaii. Hanushũ hatũ yushibubu kẽwãmisbu yamawakĩ keyukubaĩshãkãwẽ, mati keyatapa anu inũ mati tenãmã anu inũ hi tupã namãshũ habũ hanushũ kẽwãmisburã.

³ Hanushũ hawẽ kẽwãti txi tapu tekekĩ keyukĩ inũ, hawẽ kẽwãti mishki nitxinibu durukĩ keyukĩ inũ, txibu nitxinibu hanushũ kẽwãmisbu kua keyukĩ inũ, hatũ yushibubu dami wanishũ kẽwãmisbu yamawakĩ keyushãkãwẽ. Ha dami uĩkĩ hatũ yushibu shinãmisbu dasibi tere akĩ keyukubaĩshãkãwẽ, ha hatũ yushibu dami hau tsuã ana shinãyamashanũbunã.

⁴ “Haska hatũ yushibubu kẽwãmisbu keska txibãkĩ nukũ mekenika Senhor Deus ha itsa watã kẽwãyamashãkãwẽ.

⁵ Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.

⁶ Ha Senhor Deus benimawati inabu menukĩ keyuti inũ, dízimo inãti inũ, hamapai merabenãti inũ, haki tanai bebũkiri mĩ yubakaima inãkuĩti inũ, matũ shinanẽ besti inãkuĩti inũ, habu dukũ ina awa bake bene inũ txashuwã kaiaĩbu ha hiwe anu hari dasibi hatu inãkĩ bupakeshãkãwẽ.

⁷ Haska mã daya txakayamakubainai yunu matu inãshina shinãkĩ Senhor Deus bebũshũ itxashũ matunabubetã besti pi benimakĩ uĩmakubaĩshãkãwẽ, Senhor Deusũ matu duawakubaĩshinawẽ taeshunã.

⁸ Natiã haska nuku tibitũ shinãkĩ haska nũ betxipaiai nũ akubainaibu keska ukeri puketã na mã ikai keskayamashãkãwẽ.

⁹ Txanimahaira ha mae anu mã unanuma hiwekubaĩshanai anu Senhor Deusũ matu inãshanai anu mã hikiriamaki.

¹⁰ Hakia Hene Jordão ma puketã hanu Senhor Deusũ matu ibuwashuni anu hikitushitã hanua matuki sinataibu Senhor Deusũ hatu matu nemashunaya hawama dateama mã unanuma hiwekubaĩshanaii”, hatu watã

Senhor Deusũ hãtxa ikũwãkĩ henetimakiaki, na hãtxarã

³² hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.