Amós 9 - Kaxinawá Bíblia (BR)

Senhor Deusũ hatu kupiaya tsua pashama ishãkanikiaki, na hãtxarã

¹ Jerusalém anu hawẽ kẽwãti Templo hemaĩtĩ anu txi tapu dapi Senhor Deus nia ẽ uiãyã ea yuikĩ: “Ha txibu masua tibiki mane bronze maiti hawẽrua haya hau teskekirã niri ikĩ yurabu hau hatu txusha txusha akubainũ ha bronze dera dera akĩ pure pure akubaĩkĩ heneyamashãwẽ. Tsuara habu ha tekekirã hatu tenãmarã, haburã, nupe txaipawẽ ẽ hatu tenãmashanaii. Pashabiai haskatã bestitxai hamesti piskukaini iruama ishanikiki.

² Mai kini uke merãhaira hunebiai kakẽ habiaria ẽ hatu tashnimashanaii. Nai keyatapahaira anu hari mapekebiabainabũ habiaria ẽ hatu buteshanaii.

³ Mati Carmelo mamakihaira tsuara hari hunebiai kakẽ habiaria hatu benai ẽ kashanaii. Eki datei ianẽwã nuahaira anu hunebiai kakẽ eã hatu yunukinã, kushu ikã hau hatu detenũ ẽ yunushanaii.

⁴ Hau ana txĩtũyamanũbũ hatuki sinatamisbũ txaihaira anu hatu iyushũ nupe txaipa kenuhairawẽ hau hatu detenũbũ ẽ hatu yunushanaii, hatuwẽ nuiama hatu itxakawakĩ ea bebũshũ tenãkinã”, ea washinaki.

⁵ Mekenika Deus kushipahaira dasibi binua Senhor Deusũ mai mea mai payukui babuaya ano tibi Egito anu hawẽ henewã ewapa Nilo bai matai ewatã netsutãtãmis keskai mai manaũri inakaina ana shekei butuaya hanua dasibi yurabu hiwebaunabu datehairai kashakubaĩshãkanikiki.

⁶ Senhor Deusũ hawẽ hiwe wakinã, nai anu ma aniki. Ha nai nãketapa mai bepumaniki. Hanushũ ianẽwã itamamahaira anua hene hau benũbũ hatu yunua beshũ mai anu ui imakĩ mai metxawakubaĩmisrã, hawẽ kena Senhor Deuski.

⁷ Eska txanima hãtxa Senhor Deusũ matu yuikĩ: “Israelĩ enabuũ, ẽ matukiri shinanã, matu inũ Etiópia nawabu mã habiaskaski, matũ hiwea pemarã. Egito anua matũ shenipabu ẽ iweni keska wakĩ Caftor anua Filisteu nawabu hatu iwetã Quir anua Síria nawabu ẽ hatu iwerianiki”, itã

⁸ txakabuwẽ shanẽ ibukĩ yunukubainaibu anu hawenabu txakabubu hatu uĩkĩ Senhor Jeová hatukiri yuikĩ: “Na mai anu hiweabu ẽ hatu tere akĩ yamawashanaii. Hatu haska wabiakĩ Jacó enabu dasibi ẽ yamawakĩ keyuama ishanaii, haskaira hatu keyuamarã. Ea Senhor Deusũ ẽ hãtxa ẽ mestẽwaiĩ.

⁹ Txakabu inũ pepa tsistakĩ shekiwã trigo tamisbu keska wakĩ Israelĩ enabu hau tsistakĩ akawanũbũ ẽ hatu yunushanaii, hawa betsa pepa kauani hau benuyamashanũbunã.

¹⁰ Enabu txakabububia dasibi hãtxa txakabui: ‘Hawara txakabu mese hukĩ ea meama ishanikiki’, ikĩ yui hãtxakubaĩmisburã, nupe txaipawẽ hatu tenãshãkanikiki”, itã

Hatũ mai pakea anu Deusũ hawenabu ana txĩtũwãtã pepawẽ hatu hiwemanũbarikiaki, na hãtxarã

^11-12 Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

¹³ Eska Senhor Deusũ ana yuikĩ: “Shekiwã trigo txushihaira mirimahairawẽ taea tsekakĩ keyuriabuma ana hanu banatitiã kemaya mai yapubainaibutiã huni betsabu beshãkanikiki. Hawẽ hene tsinikĩ uva bimi mirimahairaki pai pai ikĩ keyuriabuma shekiwã trigo ana banatitiã ikũkaĩshanikiki. Mati keyatapa inũ mati tenãmã anua ũpash itxapa habai keska uva vinho itxapa hayashãkanikiki.

¹⁴ Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.

¹⁵ Hatũ mai kayabi ẽ hatu inãni anu ẽ ana hanu hatu txĩtũwaĩma anua dayakĩ mibãkubainaibu hanushũ tsuã ana hatu iyu taskama ikubaĩshãkanikiki”, atã Mekenika Senhor Deusũ hawẽ hãtxa mestẽwanikiaki.