1 Samuel 22 - Kaxinawá Bíblia (BR)1 haska wabu hanua Davi ana hune kaini kai mae betsa Adulão dapi mishki kini anu iruyukẽ hawẽ betsabu inũ hawẽ epã enabũ hanu hiwea tapĩtã bui Daviki nukua itxabũ 2 ha dikabi habũ hatu itxakawamisbu bika teneaibu inũ tsuara diria hatu pakatirubuma inũ Saul shanẽ ibuai betxipaiabuma Davi anu bua dasiabu 400 hunibu hatu pewai Davi hatũ capitão ikũkaini 3 hanua Moabe nawabũ maiwã pakea mae betsa Mispa anu kashũ Davĩ Moabe nawa shanẽ ibu yuikĩ: —Deusũ ea haska wai ẽ unãriama ẽ epa inũ ẽ ewa hau matube hiweyukubaĩshanũbũ ẽ mia yukaii. Haska mĩ shinaĩ keska ea yuiwe— aka shanẽ ibũ kemakĩ: —Peki. Hatu iweshãwẽ— aka nĩkabaini 4 kashũ hawẽ ibubu Moabe nawa shanẽ ibu anu hatu iyushũ nitxiã hari habe hiweyukubainaibũ hanua Davi ikirã, hanu meketi kushipa Adulão anu txĩtũkiranima hiwekẽ 5 hanushũ Deusũ hãtxa yuishunika Gadẽ Davi tapĩmakĩ: —Nenu huneti kushipa anu hanu hiwea bika teneama kaĩkaini minabu Judá maiwã pakea anu karitãwẽ— aka haska wa hawẽ hãtxa nĩkatã hawenabuya kaĩkaini ni shukua hawẽ kena Herete anu hikia hanu hiweyunibukiaki. |
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
Wycliffe Bible Translators, Inc.