Rm 7:5 - Meta’

⁵ Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

Ikan feg

⁵ Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Rm 7:5 Кръстосани препратки

Matìyò 15:19

ɨmbə̀ʼ ɨghəm nɨ tɨkɔndɨ rɨbɔ̀ŋ tɨə jwɨ̀ rɨŋga fîŋ. Tɨkɔndɨ te tɨə ghɨ̀ ni wə̀d zwiirɨ wɨ cherə, ni wə̀d ni əyi kɨ̀ ɨnom wə̀d cherə, ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d ben zərɨmbin mɨ̀ghab fɔrɨ ni wə̀d chəkɨ rɨkum bə̂d.

Jn 3:6

Wə̀d we nɨ bə̂d mɨ̀sɔŋɨchù gywɨ əməd yɨə wə̀d mɨ̀sɔŋɨchù, àyɨə Əzwî ə Ŋwiə̀ ə zɨə gywɨ əzwî ze nɨ yeʼ ɨŋga bə̂d.

Rm 1:26

À yɨ əton nɨ Ŋwiə̀ nyaʼa nàʼ mɨ̀mə̌d əmbɨ rɨfeenɨ te nɨə bèènɨ̀ ɨnyod mɨ̀mə̌d. Məyi mɨ̀mə̌d nyaʼa sàŋ mbaŋə̀ sɨə niə məyi cherə.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

Rm 6:21

Mbə nyaʼa jɨg ye tɨ ənɨ ɨnû mbe nɨ mbə ɨtu ə nìd ɨmbə̀ʼ mbɨwən tɨ̀nîn ə? Ɨnwǐ rɨ ənɨ ɨnû mbe yɨ ɨvɨ.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 7:23

àyɨə mə zə ɨkə cherə ɨŋga mbɨ ɨsɨ ɨnyod nɨə màʼə̀ bid mbɨ ɨkə we nɨ yeʼ ɨŋga mɨ fîŋ. Ɨkə we wɨə ghɨ̀ ni mə ben ə̀bòʼò əmbɨ ɨnû rɨbɔ̀ŋ mbe nɨ yeʼ ɨŋga mbɨ ɨsɨ ɨnyod.

1 Kɔrèn 15:56

Mɨtɨg mbe nɨ ɨvɨ ə nɨŋə zwiirɨə bə̂d yɨ ɨnû rɨbɔ̀ŋ. Ɨnû rɨbɔ̀ŋ mbɨə nɨŋ ɨka rɨ ənɨ tɨkə rɨ Mose.

2 Kɔrèn 10:3

Ka à bè yeʼi ni tɨ̀ wɨ ɨŋga ɨsɨg, àyɨə chəi tɨə màʼə̀ bid ɨchî nɨ bə̂d mɨ̀sɔŋɨchù ə màʼə̀.

Gàlesìyà 3:10

Ndɔ̀n zɨ ɨgun ə bə̂d mɨ̀jìm mbe nɨ zɨ ətu àmei nɨ ghɨ ɨnû mbe nɨ yeʼ ɨŋga rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ chəi wɨə nùŋ ɨnû jìm mbe nɨ yeʼ ɨŋga Ə̀ŋwàʼnɨ̀ rɨkə fɔrɨ ɨgwɨ we nɨ chəi wɨə bə̀ ghɨ̀ə̀.”

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 2:11

Mbə̀ kɔndɨ ni à nyaʼa ənɨ ə nyùmə̀ mɔʼɔ, “Bə̂d mbe nɨ mbɨ nyaʼa ne mɨ̀mə̌d” mbɨə nyaʼə tɔŋə mbə̀n bə̂d mbe nɨ kaʼi bɔn tɔb si mɨ̀Jû ni, “Bə̂d nɨ chəi mbɨ ne mɨ̀mə̌d,” nɨ yeʼ ɨkwɨ we nɨ bə̂d ə ghɨ̀ ənɨ ɨbɔ.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Jems 1:15

Ɨnû mbe nɨ wɨə feenɨə bɨrɨ nyɨ ɨŋga fîŋ məd, sɨ ghɨ̀ ni wɨ̀ ghɨ̀ ɨnû rɨbɔ̀ŋ. Ənɨ ɨnû rɨbɔ̀ŋ mbe fə kaanɨ ɨŋga məd, mbɨ bɨrɨ zwiirɨ əməd.

Jems 4:1

Ənû nɨ zɔ̀ŋ mbɨ ənû nɨ chɔb kɨ rɨ ə yi əkaʼ nən ə? Kaʼ à wa kɨ̀ i rɨ ənɨ ɨghɨ mbe nɨ tə fîŋ ə feenɨə, nɨ yeʼ mbe nɨə kɨə zɔ̀ŋ ɨŋga nən ə?

1 Jɔn 3:4

Wə̀d jìm we nɨə ghɨ̀ ənû rɨbɔ̀ŋ fə gù ɨkə, ɨmbə̀ʼ ɨghəm nɨ ənû rɨbɔ̀ŋ yɨ ənû nɨ gu ɨkə.