Rm 6:4 - Meta’

⁴ Əne tɨ̀ nyaʼa fə kwɨ mbɨ tweŋ əwa mbɨ məd ɨchî nɨ tɨ̀ nyaʼa nɨŋ mɨnib, ɨmbə̀ʼ ɨchî nɨ mbɨ nyaʼa zwemnɨ ə Kristo ənjìm ɨwumnɨ Mbǎʼ, əne bə̂ tɨ̀ bɨrɨ bɨ yen ɨŋga ɨ̀tènɨ̀ fi.

Ikan feg

⁴ Mənib mbe ne tì ya niŋi ya aneni ni chwi gha mba ya ku, mbi bə̀ twə̀ŋi awa tì Yeso. Ane, icheg ne ika Ŋwiye ya zwemne Yeso Kristo, à ya icheg ne tì koʼi ni se chùghə inga ikuchèg feg.

Rm 6:4 Кръстосани препратки

Jn 11:40

Yeso nyaʼa ghà ɨ bɔ ni, “Ɨmbə̀ʼ mə kə̀ʼ gha ɨ ne ni à mɨ benɨ, à bɨrɨ zə ɨka Ŋwiə̀ ə?”

Jn 2:11

Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

Rm 6:3

Chəi mbə̀ kyerɨ ni mba mɨjìm mbe nɨ nyaʼa nɨŋ mɨnib ənɨ ɨkum Kristo Yeso nyaʼa bə̀ kwɨ mbɨ məd ɨchî nɨ tɨ̀ nyaʼa nɨŋ mɨnib ə?

Rm 6:8

Ɨchî nɨ tɨ̀ fə kwɨ mbɨ Kristo, tɨ̀ bə ben ni tɨ̀ bɨrɨ bɨ chub ɨkǎ mbɨ məd.

Rm 6:9

Tɨ̀ kyerɨ ni ɨchî nɨ Ŋwìə̀ nyaʼa fə zwemnɨ ə Kristo, ka wɨ̀ bɨrɨ nɔ wɨrɨ kwɨ i. Chəi ɨvɨ wɨrɨ berɨ ɨka ɨgwɨ məd.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

1 Kɔrèn 6:14

Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

2 Kɔrèn 13:4

Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.

2 Kɔrèn 5:17

Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

Kòlosè 3:10

Tɨ̀nîn, mbə fə nɨŋ nyamnyod fi. Ŋwìə̀ wɨə beŋə nyamnyod fi zɔ̂ ni zɨ̀ jeŋgɨ kyerɨ əməd bə̀ chub ɨghabɨ əməd.

Kòlosè 4:1

Mɨ̀mbǎʼ ə̀fàʼì, mbə̀ ghɨ mbɨ mbə ɨ̀bòʼò ɨchî nɨ kuʼnɨ bə bɔŋ. Mbə̀ kyerɨ ni mbə bə̀ berɨ Mbǎʼ ə̀fàʼì ɨkaŋ.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

1 Jɔn 2:6

Wə̀d mɔʼɔ we nɨ ghà ni tə wɨ ənɨ ənû ə mɔʼ mbɨ ə Ŋwiə̀ berɨ beenɨ àmei əbɔʼ tɨkyerɨ-ɨwu Yeso Kristo.