Rm 5:6 - Meta’

⁶ Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Ikan feg

⁶ Anyumə̀ ne nyùmə̀ Ŋwiye ya kòʼi, Yeso Kristo ya ku atog abə bəd mbe ne chəyi mbe ghùmnə Ŋwiye. Anyumə̀ we chəyi tì ya kiri beri ika.

Rm 5:6 Кръстосани препратки

Rm 11:26

Nyùmə̀ we mɨ kùʼ, mɨ̀Izre mɨ̀jìm bɨrɨ jwɨ rəŋgəʼ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ bɨrɨ chɨ bə̂d rəŋgəʼ bɨrɨ yeʼe rɨ ə Zayɔ̀n. Wɨ̀ bɨrɨ nimnɨ ənû ze nɨ chəi bə̂d ə wumnɨ ə Ŋwiə̀ tɨ ənɨ ə bɔn Jakɔ̂b.

Rm 4:25

Ŋwiə̀ nyaʼa nàʼ əməd ni mbɨ zwiirɨ ɨmbə̀ʼ mba ɨnû rɨbɔ̀ŋ. Wɨ̀ nyaʼa bə̀ zwemnɨ əməd ɨmbə̀ʼ tɨ̀ təm kùʼnɨ̀.

Rm 4:5

Ŋwìə̀ wɨə nɨŋ ə wə̀d we nɨ chəi wɨə fàʼ ɨ bɔ ɨghabɨ ni wɨ̀ fə təm kùʼnɨ̀, ɨmbə̀ʼ ɨghəm nɨ wə̀d we ə nuŋ i fîŋ ɨgun ə Ŋwiə̀ we nɨə nɨŋə ni bə̂d mbe nɨ chəi mbɨə wumnɨ əməd fə təm kùʼnɨ̀.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 5:7

Təsìʼ yɨ ni zɨə kàŋ se əmbɨ ə wə̀d ni wɨ̀ kwɨ ɨgwɨ ətu wə̀d nɨ təm kùʼnɨ̀, ka à be yeʼi ni wə̀d mɔʼɔ we tɨ̀ wɨ̀ yim fîŋ kwɨ ɨgwɨ ətu ə wə̀d chɔ̀m.

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Rm 8:32

Məd we nɨ chəi wɨ̀ nyaʼa yim i Wan rəbɔʼɔ, àyɨə wɨ̀ nyaʼa nàʼ əməd ənɨ əghɨ ə̀fà ɨgwɨ mba ɨtu mbà mɨjìm, ka məd mbɨ i Wan wa bɨrɨ naʼ i ɨghɨjìm ɨ na ə?

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Kòlosè 2:13

Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

1 Tèsàlonikà 5:9

Chəi Ŋwiə̀ nyaʼa chɔʼ əwa ɨmbə̀ʼ zɨ ŋgəʼ ɨgwɨ na. Wɨ̀ nyaʼa chɔʼ əwa yeʼ ni tɨ̀ bɨrɨ jwɨ rəŋgəʼ ənjìm a Ə̀nùŋɨ̀sɨg Yeso Kristo,

1 Timotì 1:9

Tɨ̀ bə̀ kyerɨ ni chəi Ŋwiə̀ nyaʼa naʼ rɨkə ɨmbə̀ʼ bə̂d mbe nɨə ghɨ̀ ɨnû nɨ kuʼnɨ. Wɨ̀ nyaʼa nàʼ yeʼ ɨmbə̀ʼ mbe nɨə gù rɨkə fɔrɨ əmbɨ mbe nɨ chəi mbɨə zuunɨ əməd. Wɨ̀ nyaʼa nàʼ ɨmbə̀ʼ mbe nɨ chəi mbɨə wumnɨ əməd bə̀ nàʼ ɨmbə̀ʼ mbe nɨə ghɨ̀ ɨnû rɨbɔ̀ŋ. Wɨ̀ nyaʼa nàʼ ɨmbə̀ʼ mbe nɨ chəi mbɨ zeŋ ɨfě məd bə̀ nàʼ ɨmbə̀ʼ mbe nɨə tə̀ə̀nɨ̀ ənû ə Ŋwiə̀. Wɨ̀ nyaʼa nàʼ ɨmbə̀ʼ mbe nɨə zwiirɨə mbə mɨ̀mbǎʼ mbɨ mbə mɨ̀nɨ̌ŋ, ɨmbə̀ʼ mbe nɨə zwiirɨə mbɨ cherə,

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Mə̀Hibrù 8:3

Ɨ mbɨə chɔʼ ətu ɨgwɨ ə bə̂d mbàn Ŋwìə̀ jìm ni mbɨ naʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀. Əne zɨə kuʼ ni wə̀d mbàn wɔ̂ bə berɨ əghɨ nɨ nàʼ.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

Jûd 1:15

ɨ saʼ bə̂d mɨ̀jìm chə mɨ̀mə̌d, bə̀ zɨ̀ ɨsaʼi ɨgwɨ ə bə̂d mɨ̀jìm mbe nɨ chəi mbɨə wumnɨ ə Ŋwiə̀. Wɨ̀ bɨrɨ zɨ ɨsaʼi ɨgwɨ mɨ̀mə̌d ɨmbə̀ʼ ɨnû ɨzɨg mbe nɨ chəi bə̂d mbe nɨə wumnɨ ə Ŋwiə̀ ə ghɨ̀ə̀. Wɨ̀ bɨrɨ bɨ zɨ ɨsaʼi ɨmbə̀ʼ mɨŋgam rɨbɔ̀ŋ jìm mbe nɨ bə̂d mbe nɨə ghɨ̀ ɨnû rɨbɔ̀ŋ, nɨ chəi mbɨə wumnɨ ə Ŋwiə̀ ə gha ɨmbə̀ʼ əməd.”

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.