Rm 4:2 - Meta’

² À mɨ yeʼ nɨ Ŋwìə̀ nyaʼa ben ni Abràham nyaʼa təm kùʼnɨ̀ ɨmbə̀ʼ ɨnû mbe nɨ wɨ̀ nyaʼə ghɨ̀ə̀, njɨ wɨ̀ berɨ ənû ə mɔʼɔ nɨ goŋ ɨgɔ̂ ɨmbə̀ʼ əzɨ əwən, àyɨə kaʼi ɨfě Ŋwiə̀.

Ikan feg

² Àmə yaʼ ni gha Abràham ya təm zen imbìghè abə Ŋwiye imbə̀ʼ inug chɔm ne məd ya ghi, nji məd we tì wì kɔm ìwi igo. Si ya gha, chəyi tì wì kɔm igo imbìghè abə Ŋwiye.

Rm 4:2 Кръстосани препратки

Rm 15:17

Əne, ɨchî nɨ mə yeʼ ənɨ ɨfɔtɨ mbɨ Kristo Yeso, mə berɨ əton nɨ goŋ ɨgɔ̂ ɨmbə̀ʼ ə̀fàʼì ze nɨ mɨə fàʼ əmbɨ ə Ŋwiə̀.

1 Kɔrèn 1:29

Wɨ̀ nyaʼa ghɨ̀ əne ɨmbə̀ʼ tɨ wə̀d mɨ̀sɔŋɨchù goŋ i ɨgɔ̂ ɨfě Ŋwiə̀.

1 Kɔrèn 1:31

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨə kəb goŋ ɨgɔ̂, wɨ̀ goŋ ɨmbə̀ʼ ənû ze nɨ Ə̀nùŋɨ̀sɨg ghɨ̌.”

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

1 Kɔrèn 9:16

Mə mɨ ghà ɨkə̂n chɔ̀m, kaʼi ənû ɨ num nɨ goŋ ɨgɔ̂, ɨmbə̀ʼ ɨghəm nɨ mə berɨ gha ɨkə̂n chɔ̀m. Ŋgəʼ bɨrɨ nyɨ ɨgwɨ num əwù ze nɨ chəi mə gha ɨkə̂n chɔ̀m!

2 Kɔrèn 11:12

Mə bɨrɨ wo ɨmbì ghɨ ənû ze nɨ mɨə ghɨ̀ə̀, ɨmbə̀ʼ chɨ ətən rɨ ɨnyɨ bə̂d mbe nɨə ghàə̀ nɨ mbə mbɨ əndəŋ əndəŋ mbɨ na ənɨ ɨnû mbe nɨ mbɨə goŋ ɨgɔ̂ ɨmbə̀ʼ mbɨwən.

2 Kɔrèn 11:30

À mɨ kàŋ yeʼ ni mə berɨ goŋ ɨgɔ̂, njɨ mə bɨrɨ goŋ ɨmbə̀ʼ ɨnû mbe nɨ chwiə ni mə bɔd.

2 Kɔrèn 5:12

Chəi tɨ̀ kəb nɨ wɨrɨ gha ɨ nən ni tɨ̀ yɨə bə̂d ə̀fàʼì chɔ̀m, àyɨə tɨ̀ wɨə nàʼ əpan ɨ nən ni mbə̀ goŋ ɨgɔ̂ ɨmbə̀ʼ əwa, ɨmbə̀ʼ mbə mbe tɨ̀ mbə wììrɨ̀ ɨŋgam əmbɨ ə bə̂d mbe nɨə goŋ ɨgɔ̂ ɨmbə̀ʼ ɨnû mbe nɨ bə̂d ə zəə, nɨ kaʼi mbe nɨ yeʼ ɨŋga fîŋ.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Efesùs 2:9

Chəi Ŋwìə̀ nyaʼa chɨ əwən rəŋgəʼ ɨmbə̀ʼ ɨchî nɨ mbə̀ nyaʼa ghɨ ənû ə mɔʼɔ, əne tɨ wə̀d mɔʼɔ goŋ i ɨgɔ̂.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.