Rm 4:16 - Meta’

¹⁶ Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Ikan feg

¹⁶ Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

Rm 4:16 Кръстосани препратки

Lk 19:9

Yeso nyaʼa ghà ni, “Tə̀chɔ̀ŋ, ənû nɨ jwɨ rəŋgəʼ fə yeʼe ɨŋga nəb zɔ̂, ɨmbə̀ʼ ɨghəm nɨ mbaŋə̀ zɔ̂ yɨə bə̀ ə wan tɨ ənɨ əghaŋ ə Abràham.

Rm 15:8

Mə ghà ɨ nən ni Kristo nyaʼa beŋ ənɨ ə wə̀d ə̀fàʼì əmbɨ mɨ̀Jû, ɨmbə̀ʼ chwi ni Ŋwìə̀ wɨə ghɨ̀ ɨnû mbe nɨ wɨ̀ ghǎ, fɔrɨ ni wɨ̀ bɨrɨ ghɨ ɨnû mbe nɨ wɨ̀ nyaʼa kaʼi əmbɨ mɨ̀mbǎʼ ɨnəbɨ mɨ̀mə̌d.

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:30

ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Rm 9:8

Əzɔ̂ ə chwi ni kaʼi bɔn mɨjìm tɨ ənɨ əghaŋ ə Abràham nɨ yeʼ bɔn Ŋwiə̀. À yɨə bɔn mbe nɨ Ŋwìə̀ kaʼ ənû əmbɨ mɨ̀mə̌d yeʼ bɔn tɨ ənɨ əghaŋ ə Abràham.

Gàlesìyà 3:14

Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Efesùs 2:5

ka àbei yeʼi ni ta rɨ̀gùrɨ-ɨnû nyaʼa fə zwiirɨ əwa, wɨ̀ nyaʼa ghɨ ni tɨ̀ chub ɨkǎ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨ ənjìm ɨ̀chɔ̀m Ŋwiə̀ nɨ mbə̀ fə jwɨ̀ rəŋgəʼ.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

2 Pità 1:10

Əne kyɨə bɔŋgɔb, mbə̀ jeŋgɨ kywɨ ənywɨ zə ni mbə̀ chub àmei ɨchî nɨ Ŋwìə̀ nyaʼa chɔʼ əwən bə̀ tɔŋə ni mbə̀ yeʼ mbi bə̂d. Mbə mɨ chub əne, njɨ chəi mbə bɨrɨ nɔ ghɨ ɨnû rɨbɔ̀ŋ.