Rm 4:11 - Meta’

¹¹ Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

Ikan feg

¹¹ Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

Rm 4:11 Кръстосани препратки

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 8:11

Mə ghà ɨ nən ni bə̂d mɨ̀nɔnɔʼ bɨrɨ yeʼe rɨ əbà ze nɨ nyùmə̀ ə jwɨ̀ rəŋgu bə̀ yeʼe rɨ əbà ze nɨ nyùmə̀ ə nyɨ ɨkòb, pè chub ɨgun ə tebrə̀ ɨŋga ənû ɨfɔ̀n rɨkaŋ ɨ jɨg mbɨ Abràham mbɨ Aizìk fɔrɨ ə Jakɔ̂b.

Lk 19:9

Yeso nyaʼa ghà ni, “Tə̀chɔ̀ŋ, ənû nɨ jwɨ rəŋgəʼ fə yeʼe ɨŋga nəb zɔ̂, ɨmbə̀ʼ ɨghəm nɨ mbaŋə̀ zɔ̂ yɨə bə̀ ə wan tɨ ənɨ əghaŋ ə Abràham.

Jn 3:33

Wə̀d we nɨ ben ənû ze nɨ wɨ̀ ghǎ fə bə̀ ben ni ənû ze nɨ Ŋwìə̀ ghǎ yɨ rəsìʼ.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 6:35

Yeso nyaʼa ghà əmbɨ mɨ̀mə̌d ni, “Mɔ̌ yɨə ŋgə̀ŋ ze nɨə nàʼ ɨ̀tènɨ̀. Kaʼ njì bɨrɨ nɔ wɨrɨ zaŋ i wə̀d we nɨ yeʼe əsɨ num. Kaʼ ədɔʼ ə mɨnib ə bɨrɨ wɨrɨ nɔ ne i wə̀d we nɨ ben ənû ze nɨ mɨə ghàə̀.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 8:33

Mbɨ nyaʼa wììrɨ̀ ɨ bɔ ni, “Tɨ̀ yɨə bɔn tɨ ənɨ əghaŋ ə Abràham, əne chəi tɨ̀ kweʼ ben ɨ̀bòʼò əmbɨ wə̀d mɔʼɔ. Zɨə nɨə yeʼ əne, njɨ əton nɨ à ghǎ ni, 'Tɨ̀ bɨrɨ chub ənɨ a ɨghəm' kɨ ni yè ə?”

Rm 10:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ka Ŋwìə̀ bɨrɨ naʼ i tɨ̀nìd ətu əmbɨ wə̀d we nɨ nuŋ fîŋ ɨgwɨ məd,”

Rm 10:4

Tɨkə rɨ Mose fə nwì ənɨ ə Kristo, ɨmbə̀ʼ wə̀d jìm we nɨ nuŋ fîŋ ɨgun ə Kristo təm kùʼnɨ̀.

Rm 10:6

Àyɨə ənû nɨ təm kùʼnɨ̀ ɨchî nɨ wə̀d nuŋ fîŋ ɨgun ə Kristo ə ghà ni, “Tɨrə̀ ghà e ɨŋga e fîŋ ni, 'À kɨə we nɨ bɨrɨ wo nyɨ ɨkaŋ ə?'” (Əne yɨ ɨmbə̀ʼ swi ə Kristo ə si).

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:26

Wɨ̀ nyaʼa ghɨ̀ əne ɨmbə̀ʼ chwi tɨ̀nîn ni məd ziə wɨə ghɨ̀ ɨnû nɨ kuʼnɨ mbɨ ni məd ziə wɨə ghɨ̀ ni bə̂d mbe nɨ nuŋ fîŋ ɨgun ə Yeso təm kùʼnɨ̀.

Rm 3:30

ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

Rm 4:10

Ŋwìə̀ nyaʼa ben ni məd ə təm kùʼnɨ̀ əwù zi ə? À kɨ bɔŋ mbɨ nyaʼa sɨə ne əməd kɨ̀ ənɨ mbɨ nyaʼa fə ne əməd ə? Ŋwìə̀ nyaʼa bè ben əməd bɔŋ mbɨ nyaʼa sɨə ne əməd.

Rm 9:30

Tɨ̀ kɨə wo gha ni yè? Tɨ̀ bɨrɨ gha ni bə̂d mbe nɨ kaʼi mɨ̀Jû, nɨ chəi mbɨ nyaʼə kə̀b ənû nɨ təm kùʼnɨ̀, fə təm kùʼnɨ̀ ənjìm ɨbenɨ.

Rm 9:33

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zə, mə fə nùŋ ɨti ə Zayɔ̀n nɨ bɨrɨ ghɨ ni bə̂d tɨ̀grə, ɨwɔ̌ nɨ bɨrɨ ghɨ ni mbɨ gu ə. Chəi Ŋwìə̀ bɨrɨ naʼ tɨ̀nìd ətu əmbɨ wə̀d we nɨ nuŋ fîŋ ɨgwɨ məd.”

Rm 9:6

Kaʼi ɨghabɨ ni ɨŋgam Ŋwiə̀ nyaʼa chè ətu ə̀kǒ. Əne mbə̀ kyerɨ ni ka mɨ̀Izre mɨ̀jìm yɨ ə bə̂d Ŋwiə̀.

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

Gàlesìyà 3:7

Əne mbə̀ kyerɨ ni bə̂d mbe nɨ nuŋ fîŋ ɨgun ə Ŋwìə̀ yɨə bɔn tɨ ənɨ əghaŋ ə Abràham.

Gàlesìyà 5:5

Tɨ̀ wɨə kàŋə̀ wòmə̀ nɨ Ŋwìə̀ ghɨ tɨ̀ təm kùʼnɨ̀ ənjìm ɨchî nɨ tɨ̀ nuŋ fîŋ ɨgwɨ məd. Ɨ wɨə ghɨ̀ əne ənjìm Əzwî əməd.

Gàlesìyà 6:16

Ŋwìə̀ zɨ əbɔrəbɔd bə̀ dììrɨ̀ bə̂d mbe nɨ nuŋ ɨkə wɔ̂. Wɨ̀ bə ghɨ əne ɨgun ə bə̂d Ŋwiə̀ mɨ̀jìm.

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Ɨnû 9:4

Mbɨ nyaʼa ghà əmbɨ mɨ̀mə̌d ni tɨ mbɨ tɔ ghɨ ə əghəm ənɨ ɨfu we rɨ ɨgwɨ ə si, kɨ ənɨ ɨkwɨ ɨghɨjìm mbe nɨə zɨ̀ rɨfuʼ, kɨ ənɨ ɨkwɨ ɨzed jìm. Mbɨ ghɨ əghəm àmei ənɨ ə bə̂d mɨ̀sɔŋɨchù mbe nɨ chəi Ŋwìə̀ zɨ ənweenɨ ənɨ ɨkəŋ ɨsɨ mɨ̀mə̌d.