Rm 2:1 - Meta’

¹ Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Ikan feg

¹ Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Rm 2:1 Кръстосани препратки

Lk 12:14

Yeso nyaʼa wììrɨ̀ ɨ bɔ ni, “Mɨ sə̀ʼ, a kɨə we nuŋ əmɨ ənɨ əsaʼ bə̂d, kɨ̀ ənɨ wə̀d nɨə ghàpɨ̀ ɨghɨ ɨ nən ə?”

Lk 19:22

Ɨfɔ̂n we nyaʼa ghà ɨ bɔ ni, 'Mə bɨrɨ nɨŋ ɨŋgam we nɨ jwɨ̀ rɨŋga e ɨchû, saʼ əwe əŋgu, àwɔ̀ wə̀d ə̀fàʼì rɨbɔ̀ŋ! Ɨmbə̀ʼ à nyaʼa kàŋ kyerɨ e ni mə wɨə nɨŋ ɨghɨ mbe nɨ chəi mə̀ nuŋɨ, fɔrɨ ni mə wɨə kwə̀ŋ ɨghɨ mbe nɨ chəi mə̀ konɨ ə?

Lk 6:37

“Tɨ mbə̀ saʼ ə bə̂d cherə, ɨmbə̀ʼ tɨ Ŋwìə̀ bɨ saʼ i əwən. Tɨ mbə̀ chə̀kɨ̀ ə rɨkum bə̂d, ɨmbə̀ʼ tɨ Ŋwìə̀ bɨ chəkɨ i tən. Mbə̀ waʼ ɨnû rɨbɔ̀ŋ bə̂d, ɨmbə̀ʼ Ŋwìə̀ bə waʼ mbən.

Rm 14:22

Ənû ze nɨ à benɨ ə ten i ɨ ne mbɨ ə Ŋwiə̀. Ŋwìə̀ zɨ əbɔrəbɔd ɨgun ə bə̂d mbe nɨ chəi mbɨ zɨ ɨsaʼi ɨgun ə ɨnyod, ɨmbə̀ʼ ɨghəm nɨ mbɨə ghɨ̀ ɨnû mbe nɨ mbɨ kyerɨ ni mbɨ yɨ ɨnû nɨ kuʼnɨ.

Rm 2:2

Tɨ̀ kyerɨ ni Ŋwìə̀ wɨə saʼə bə̂d mbe nɨə ghɨ̀ tɨkwɨrɨ ənû tɔ̂ ɨchî nɨ kuʼnɨ.

Rm 2:3

Kɨ̀ àwɔ̀ kɨə we, à wa kɔndɨ ni ənɨ àwɔ̀ ə sob mɨsaʼi ɨgwɨ ə bə̂d mbe nɨə ghɨ̀ tɨkwɨrɨ ənû tɔ̂, əne à wɨə bə̀ kɨrɨ ghɨ̀ ɨnû rəŋgu, ni à we tɨ̀ à nòrə̀ tɨ ənɨ ɨchî nɨ Ŋwìə̀ bɨrɨ saʼ əwe ə?

Rm 3:9

Əne kɨ ni ye ə? Mbǎ mɨ̀Jû ə wa bɔ̀ŋ chè bə̂d cherə ə? Chə̂! Ka àbei rɨpiî! Tɨ̀ fə chwi ni ɨnû rɨbɔ̀ŋ mbɨə tùmbɨ̀ə̀ bə̂d mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû.

Rm 9:20

Àwɔ̀ wə̀d mɨ̀sɔŋɨchù kɨə kaŋ əwe nɨ bɨrɨ wiirɨ ɨŋgam əmbɨ ə Ŋwiə̀ ə? Tɨ̀ əghɨ ze nɨ mbɨ bɔmɨ wɨrɨ ghà əmbɨ ə wə̀d we nɨ bɔm əməd ni, “À bɔm əmɨ əni ɨmbə̀ʼ ə yè ə?”

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

1 Kɔrèn 7:16

Əyi, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨnom rəŋgəʼ ə? Ɨnom, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨwi rəŋgəʼ ə?

Jems 2:20

Ənêŋ! À wa kəb ni mbɨ chwi ɨ ne ni ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ ə?

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.