Rm 16:2 - Meta’

² Mbə̀ nɨŋ əməd ənɨ ɨkum Ə̀nùŋɨ̀sɨg ɨchî nɨ zɨə kuʼ ni mbɨ nɨŋ bə̂d Ŋwiə̀. Mbə̀ bə̀ wèèrɨ̀ əməd mbɨ əghɨ ə mɔʼɔ ze nɨ wɨ̀ biirɨ ɨ nən, ɨmbə̀ʼ ɨghəm nɨ məd ziə fə wèèrɨ̀ bə̂d mɨ̀nɔnɔʼ, bə̀ wèèrɨ̀ əmɨ.

Ikan feg

² Mbə̀ niŋ aməd ane ikum Anɔŋisəg icheg ne ze koʼi gha mbə̀ niŋ bəd Ŋwiye. Mbə̀ wete aməd ni nàʼ ighi ne wì bìri inən imbə̀ʼ icheg ne məd ini fə wètì bəd nɔʼ nɔʼ bə̀ wètì amə.

Rm 16:2 Кръстосани препратки

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Ɨ̀fàʼì 9:39

Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ.

Ɨ̀fàʼì 9:41

Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

Rm 15:7

Mbə nɨŋ wə̀d mɔʼ mɔʼ ɨchî nɨ Kristo fə nɨŋ əwən. Mbə̀ ghɨ əne ɨmbə̀ʼ naʼ ɨwumnɨ əmbɨ ə Ŋwiə̀.

Rm 16:15

Mbə̀ chaʼrɨ ə Fìlologùs mbɨ Julìà mbɨ Nerèùs bə̀ chaʼrɨ njàbɨ məd. Mbə̀ bə chàʼrɨ̀ ə Olimpàs mbɨ ə bə̂d Ŋwiə̀ mɨ̀jìm mbe nɨ yeʼ mbɨ mɨ̀mə̌d.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

Rm 16:6

Mbə̀ chaʼrɨ ə Mèri. Məd fə faʼ ɨ nən kwàʼ rɨ̀kǎ.

Rm 16:9

Mbə̀ chaʼrɨ ə Òbanùs. Məd yɨə wə̀d ə̀fàʼì Kristo mbɨ na. Mbə̀ bə̀ chàʼrɨ̀ ə Stakìs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ.

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 2:29

Əne mbə nɨŋ əməd mbɨ ɨghaʼi ɨchî nɨ mbə̀ə nɨŋə bə̂d mbe nɨ ben ə Kristo. Mbə̀ naʼ ɨwumnɨ əmbɨ ə bə̂d nɨ yeʼ ɨghabɨ əməd,

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

1 Timotì 2:10

Mbɨ yèʼ ə ɨnyod yeʼ ənɨ ɨnû chɔ̀m mbe nɨ mbɨə ghɨ̀ə̀, nɨ yeʼ ɨnû mbe nɨ məyi mbe nɨ gha ni mbə mbɨə wumnɨ ə Ŋwiə̀ ə ghɨ̀ə̀.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

Tayitùs 2:3

Əndəŋ əndəŋ, bə ghà əmbɨ məyi mbe nɨ fə kaanɨ ni mbɨ chub ɨzeŋɨ zeŋɨ. Tɨ mbɨ chəkɨ ə tɨkum bə̂d kɨ̀ bè ben ə̀bòʼò əmbɨ mɨnoʼ. Mbɨ berɨ yeʼ məyi nɨə chwi ɨnû chɔ̀m,

Filemɔ̀n 1:12

Mə wɨə wɨrɨə chà əməd ɨ ne, məd we nɨ kaŋ yeʼ mɨ fîŋ.

Filemɔ̀n 1:17

Əne à mɨ kɔndɨ ni mɔ̌ yɨə wə̀d nɨə fàʼə̀ mbɨ ne, nɨŋ əməd ɨchî nɨ tɨ̀ à nɨŋ əmɨ.

2 Jɔn 1:10

Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.